بغريرك غربال صح؟ شطحوه كيفي دخلي نقولك السر

[أم يحي صهيب]

المهم انا نعبر بزلافة ياك
ندير غرفية سميد رقيق نتاع المسمن
وشوية نتاع الفريبنة
خميرة نتاع الخبز انا ندير نتاع الكيلو وندوبها في شوية حليب
اها شوية سكروملح
وماء دافئ

ايوا ننبقا نحبك بيدي على يتفتح مليح ي
ومنبعد نديرو في الروبو يدور ويشطح شوية ونحيه ونديرو في قدرة يخمر



اها نجو للصح بصراحة انا شريتلو مقلة تيفال ما حبهاااش وبدا يلصق ليا وما يجيش شباب
ايوا درتو في مقلة عادية وجا فن كيما راكم تشوفو فيه

اها والسر الوحديد اشنو هو في ميزكم منين تطيبي الحبة نتاع البغرير
هديك المقلة تكون سخونة يعني على فمها فرغي عليها المااء
ياش ما تعودش اسخونة منين تديري الحبة الزاوجة ما تلصقش وتطيب على هداها
وهاكا يعوود غربال كيما قالت لي وحدة الاخت هههههههههههه

ايوا ان شااء نكون فهمتكم اتهلاو في تطبيق

المقادير
2 كؤوس من السميد رقيق
1 كأس فرينة
2 أكياس من خميرة الحلوى (7غ في الواحدة)
ملح
ملعقة متوسطة من خميرالخبز-
4 كؤوس من الماء الدافئ


نمزج المقادير مع بعضها ثم نضعها في الخلاط الكهربائي يطحن جيدا ويسكب الخليط في اناء ويترك يرتاح ويختمر تقريبا من 10 الى 15 دقيقة
نضع مقلاة خاصة بالبغرير فوق النار ثم نبدأ بالطهي ويقدم مرافق بالزبدة والعسل