السلام عليكم
اليوم حبيت نشارككم بوصفة قلوب الجلجلان الجديدة و الهايلة
المقادير: 250 غ مرغرين طرية
5 ملاعق اكل سكر ناعم
5 ملاعق اكل نشاء
5 ملاعق اكل حليب غبرة
فرينة حسب الحاجة
حفنة جوز مرحي خشين
مربى المشمش
كيس خميرة الحلوى
بيضة
عسل خفيف
ملح و فانيلا
جلجلان محمص
طريقة التحضير: هي مثل السابلي
نخلط الزبدة و السكر حتى تصبح مثل المرهم نضيف البيضة و الفانيلا ثم الحليب غبرة و النشاء و نشيح بالفرينة فيها قرصة ملح و الخميرة
لازم تكون طرية بزاف نغطيها و نتركها في الثلاجة 20 دقيقة
ناخذ الجوز و نخلطو بكمية من المربى ونتركه جانبا
ناخذ كمية من العجينة حوالي 30 غ ندير فيها حفرة (مثل حلوى المعمول) نغلق عليها جيدا و نمرغها في الجلجلان و نحطها في قالب السيليكون
نواصل و نطيبهم في فرن مسخن على 160 درجة مدة 20-25 دقيقة
ننزعها من المول و نحطها في صحن غامق فيه عسل خفيف و نخليها تتشرب 10 دقائق نقطرها و نعمر الفراغات ب المربى
نتمنى تجربوها و تنال اعجابكم لانها فعلا لذيذة
( تقرير عن مشاركة سيئة )، و الموجودة أسفل كل مشاركة .
2013-08-26, 23:29
قلوب الجلجلان وصفة جديدة
العرض الشجري