♥♥واش طيبتي اليوم ؟؟؟؟؟؟؟؟؟الجزء23♥♥

[إلهام07]

اما عن قصة الهندي معايا :

في رمضان اللي فات بابا دخل قبل الأذان بشكارة نتاع هندي ماما طبعا كرزت وكانت لاهية تقلي في البوراك ماحبتش تقشرو قاتلو راح الحال ولاه تشري فيه ووووووو...................
أنا جيت زعمة بعدو عليا قتلو أنا نقشرهولك ونحو في الثلاجة وبعد الفطور تلقاه بارد ممممممممممممم
حليت الكيس ونجبد بالحبة (باستعمال شوكة ) ونحط فوق لوحة ونقشر بالشوكة والسكين ونحط في صحن )يعني اللوحة ولات كامل شوك راكو منتبهين ) يعني الحبات نتاع الهندي معمرين شوك
وكي خلصت حطيتو في الثلاجة يبرد
وجيت كي الفحلة رايحة نغسل اللوحة باش نقطعو عليها الدبشة للشربة رايح يآذن غسلتها يديا واش نحكيلكم الناس تفطر وأنا قاعدة على كرسي و2 أخواتي كل وحدة هازة لقاط وتنحي في الشوك وصل الشوك للمعصمين والله بالاك أكثر من 100 شوكة اللي نحاوها
وكي خلصنا قالولي هكذا باش ماتزيديش تعاودي تلعبيها فحلة
بعد الفطور قلتلهم تاكلو الهندي قالولي لالا قلتلهم الله لا كليتو ناكلو وحدي شبعت عليه مرار
حطيتو وبديت ناكل واش نحكي معمر شوك لساني وحلقي وحتى بين سنيا ووصل حتى لقراجمي كامل شوك قالولي هنا غلبتينا ماعندنا واش نديرولك الشه فيك قداش من يوم وأنا في حالة مانقدر ناكل ومانقدر نبلع من هذيك حرمت ناكلو ولا نجي جيهتو
كي نشوف واحد
مولا طابلة حاط يبيع في الهندي نقطع الطريق ونمشي على الجهة الأخرى من الطريق هههههههههههههههه توووووووووبة