مشكلتي

[أيادي الأمل]

السلام عليكم

راني فاهماتك بزااف اختي ، كان عندي نفس شعورك ،

انا والداي يرفضان اصلا تقدم اي احد حتى نكمل دراستي ، صح انا انزعج من هذا خاصة و اني ادرس طب و لازل من 3 الى 4 سنوات باش نكمل ، واش ندير الله غالب ،
هذا قرارهم و محبوش يغيروه ،

و السبب انو يخافوا علينا من ظلم المجتمع لي مايرحمش و الرجال لي راهم قلال و الظروف اللي واحد ما يعرفها و انا راني فاهمتهم ،
لكن نيتي خليتها لله و ان شاء الله ربي يعاوني و يقويني.

لكن اختي مشي شرط تكوني مخطوبة باش تحصني نفسك، صحيح ان ذلك يساعد و يريحك نفسيا لكن ليس شرط،
لازم تكوني مقتنعة مائة بالمائة بلي شرفك و سمعتك اغلى من اي شيء و عمرك ماتفرطي فيها ،
ما تتساهليش في الحديث مع الاولاد لي يدرسوا معاك و لا غيرهم و كوني صارمة وجدية،
خليك دايمن غالية، و صعبة المنال ،
و تانيك ما تخالطيش البنات لي ماشي ملاح ،

خيري صحبة صالحة تلقاي تلقاي دايمن كاينة ،
و اهتمي بدراستك اكثر من اي شيء و حاولي ديري نيتك لله حاولي تتفوقي فيها ، و تكوني مثال لفتاة مسلمة ناجحة ،
و ماتفرطيش فاخلاقك و مبادئك هي اساسك و عمودك ..



انا الله غالب هههه معنديش خيار خلاص نويت قرايتي لله و ان شاء الله رايحة نكمل دراستي و نخير اختصاص طب نساء ان شاء الله ،
هكا في نفس الوقت نأدي فرض كفاية و ان شاء الله تشفعلي هاذي المهنة عند ربي و ان شاء الله فيها خير،
صح رايحة نتعب و نشقا باش نوفق لكن الله لا يضيع الأجر ..


ربي يهنيك و ينزل الطمانينة على قلبك ،
ربي يوفقك اختي .