╣☼╠★★ للطلبة الجدد في كلية الطب اي استفسار عن الطب او طب الاسنان هنا نجيبك ★★╣☼╠‏

[(~ ..أســـامة .. ~ )]

المشاركة الأصلية كتبت بواسطة styliste

Les modules 1ere année chir_dent svp svp

موديلات السنة الاولى طب الاسنان

لا تقولو مرة اخرى جراحة اسنان ... درنا اضراب و خرجنا في الشوارع و زادولنا عام على هذ الكلمة اذن رجاءا قولو طب اسنان



المهم الموديلات احيانا تتغير من كلية الى اخرى ...


anatomie علم التشريح تقراو على العضاام و العضلات و الاوردة و الشرايين انا اعتبره اصعب module كاين في بعض الكليات يقراو كما الطب يعني كامل جسم الانسان و معظم الكليات يدرسون الراس و الرقبة فقط


biochime الموديل الذي كنت اكرهه ههههه هو يتحدث عن بالتفصيل السكريات و الانزيمات و البروتينات و بعض المركبات في جسم الانسان .. يتحدث عن تركيبتها
chimie organique نقرو على الكيمياء العضوية' في السنة الثانية ثانوي, موديل سهل يدو فيه نقاط مليحة برك عاودي تمارين ليديروهم البروف
chimie رايحين تقرو على اشياء قريتوهم في الثانوية الاكسدة الارجاعية و الاحماش و الاسس و تقرو على الذرات و التفاعلات الكميائية و على قوانين الثارموديناميك
physiologie موديل يعجبني بزاف تقراو على الجهاز العصبي و حدوث السيالة العصبية و تكوين الماء في الجسم ساااهل
histologie هادا module نقراو على الانسجة كيما البشرة و النسيج الغروفي و الدموي العظمي و العصبي و امتحانات تاعو سهلة جدا
embryologie تقراو على جهاز التناسلي تاع الذكر و تاع الانثى و من بعد مراحل تكوين الجنين في رحم الام في الاسابيع الاربعة الاولى
biophysique موديل صعيب بزاف يدخلوا الراتراباج فيه تقريبا لازم تكون مليح في الفيزياء تقراو على العدسات و النووي و اشياء من الثانوية
biostatistique تقريبا الرياضيات اللي نستحقوها في الميدان الطبي تقراو الاحصائيات و الاحتمالات كيما في الليسي شوية زايدين برك
deontologie اخلاقبات الطبيب اسهل من السهل و تدي 19 كي والو فيه امتحان واحد في السنة
informatique نقراو على مكونات الكمبيوتر و من بعد L algorithme نصيحة مني ماتخافوش منها دايما يظهر الموديل صعب في البداية لكن مع المثابرة رايح تندهشوا لمدى سهولته
genetique علم الوراثة انا نكره هاد موديل عندنا بروف صامطة كرهتنا فيه كاين حوايج قراوهم جماعة علوم التجريبية في السنة الثانية و كاين اشياء جديدة


بالتوفيق ان شاء الله