باني بالدجاح "pané au poulet " من مطبخي

النجمة المتميزة · 2013-07-20, 01:02

السلام عليكم
واش راكم
بعد ان حطيت طاولتنا للأفطار اللي كانت في هذا الموضوع
https://www.djelfa.info/vb/showthread.php?t=1363756
و شفت طلبكم على وصفة الباني
والله غير هايلة انا دايما نعملها و خاصة كي يجو ضياف كامل عجبتهم و طلبو والوصفة و حتى ولد خالتي الصغير سماها معقودة ايمان
و نحطها مرات مرفقة مع الجلبانة ولا وحدها كيما تحبو

نعطيكم الوصفة

المقادير
1 أبيض دجاح
حبة بصل
ملعقة زبدة اوزيت
فلفل اسود
عود قرفة صغير
ملح
بيض
فرينة
خبز يابس مرحي
زيت للقلي
صلصة اليشاميل :
(60 غ مالغارين ،60 غ فرينة ، نص لتر حليب ، جبن انا نعمل 3 حبات لافاش كي ري ، ملح ،فلفل اسود )

الطريقة
في طنجرة ضعي الدجاح ، الزبدة ، البصلة البشورة الملح و الفلفل و القرفة قليهم مليح و زيدي الماء و خليهم حتى يطيب الجاج
في حين حضري صلصة البشامال بطريقة عادية راهم عندك المقادير راهي تجي بزاف عاقدة مثل البيري و اللي متعرفش تسألني و نقولها الطريقة
في وعاء فتي الدجاج ،اضيفي صلصة البيشامال و خلطيهم مليح و خليها تبرد مرات بديرها فالمجمد تقدري تزيدي الجبن المبشور انا منزيدش
انا نشكل كرات ولا نرفد بالمغرف نديرهم فالفارينة و البيض و الشابلير و تما باش نديرهم صبيعات باش ميغبنونيش و نقليهم
وهاهم فوق الطابلة

وهنا قسمت حبة باش تشوفوها

و نقولكم سر ههه انا السردة نتاع الجاج نديرها طيب مرات فالحريرة ولا مع الجلبانة وخلاص ياك نحتاجها غير هي و من بعد نفتتها واش يقدني نطيب كل حاجة وحدها ههه

في انتظار تطبيقكم
تقبلو تحياتي
صحا فطوركم و صحا صحوركم