لعيون أم ابراهيم ولبنات لي حابين بريك اقتصادي جدا من كوزينتي

[أم محمد تاج]

سلالالالالالامووو بناويت وصح فطوركم
حطيت بريك لأم ابراهيم الغالية بدون صور ولا شرح كافي وضرك راني راح نحطو بالتفصيل الممل لأم ابراهيم وليكم مانولش عليكم
لست بر يكات: حبة بطاطا كبيرة قصيها وحطيها تغلي وكي طيب جربي بالموس إذا طابت صفيها مليح وأرحيها بالفرشيطة مليح وملحيها وزيديلها فلفل أسود ومعدنوس مقطع وشوي فرماج ذايب
والبقية والشرح بالصور
نعمل سور ساير داير بالبطاطا ونحط على جوانبو الطون ولهريسة ونكسر بيضة وبسرعة نملحها ونرابي فوقها جبن شيدر ونغلقها ونحطها طيب على نار متوسطة ونقلب كل مرة باه طيب البيضة
( أولادي ما يحبوش لبريك فدرتلهم البوراك بحشوة البريك وزدتلها فرماج ذايب وفرماج شيدار مرابي)