موضوع مميز menu رقم 2 خاص بشهر رمضان الفضيل

ninafret · 2013-07-15, 22:14

اقتباس:

المشاركة الأصلية كتبت بواسطة flora06

نينا ربي يسسترك على هاد الاطباق لبارح جربت قوارب البطاطا مع الدجاج و البيتزا ديالك خرجو روعة و بنو حدهم يعطيك الصحة حنونة ربي يسترك زيدي قوليلي وصفة اللوبيا ماشطو مع اللحم المرحي ربي يسجيك و يرضى عليك و صحة فطورك حنونة

العفو حبيبتي بلا مزية
فرحتيني بزاف بتطبيقاتك اختي العزيزة والحمد لله انها نالت اعجابك انتي وعائلتك الكريمة
بالنسبة للوبيا في كوكوط حطي 3 ملاعق زيت مع حبة بصل مرحية و2 سنات ثوم وقيس ملعقة صغيرة دبشة او حشيشة مقطفة مقطعة رقيق قلي الكل حتى حتى يتغير اللون شوية زيدي الملح وشوية فلفل اسود وشوية كروية مرحية زيدي مغرف كبيرة طماطم مصبرة زيدي قلي شوية ومرقي بكاس ماء
في صحن حطي 200غ لحم مفروم مع 2سنات ثوم مرحية وشوية معدنوس مقطع رقيق وملح خلطي الكل وشكلي كويرات ارميها في هداك المرق اللي يغلي بلاماتحركيها خليها على نار متوسكة 5دقايق ثم حطي اللوبيا فوقها واللوبيا حاولي تقطعيها صغيرة تقريبا بطول 3سم راح تجيك بنينة وماتقلقش في اكلها المهم كملي مرقي بالماء حتى تتغطى اللوبيا وادا تحبي الجزر ممكن تزيدي معاها مربعات صغيرة جزر يعطيها حلاوة اغلقي الكوكوط وخليها على نار متوسطة تقريبا ساعة ونصف انتي كي توصل ساعة افتحي شوفي ادا لقيتي مازال فيها الماء زيديلها شوية وقت
دركا نعطيك سر البنة كي تطيب اللوبيا وتبدا تعقد ارمي زوج قرون فلفل حار وقيس ملعقة حشيشة مقطفة او دبشة مقطعة خلي المزيج يغلي دقيقتين ولا 3 وطفي وخلي الطنجرة مغلوقة حتى 2 دقايق اخرى من بعد قدميها مع رشة دبشة
وراح تجيك احلى لوبيا ماشطو جربيها راح تعجبك خاصة ادا كنتي من محبيها
وراني راح نحط لوبيا ماشطو قراتان بطريقتي عما قربيب بحول الله يجي روعة
حبيبتي ماتنساينيش بدعواتك ليا بالدرية الصالحة