اتقوا الله - أخطيك من التخصص هذا ,,, دير التخصص هذاك !!!!

[levante-king]

السلام عليكم و رحمة الله و بركاته
راني قليل وين ندخل للمنتدى بصح ساعات ندخل نحير في وحد الأعضاء
واحد يسقسي على معدل قبول تخصص و يبان متحمس باش يقبلوه يقولو واحد أخطيك أو ماش مليح و يبدا يدبر عليه ولا تلقى واحد يقرا في تخصص A يقولو أخطيك من B و دير C وين تعرف نتا b و c باش تحكي عليهم , حاب تعاون الناس عاونهم بإيجابيات و سلبيات a ماش تقولهم التخصص هذاك أو قالولي عليه و هذا أو ماش مليح و هذا صعيب ماجربتهمش علاه تحكي عليهم ؟؟؟
خليو كل واحد يدير واش يحب , راهو كل واحد مسؤول على روحو و علاه تحب تأثر عليه و تزيد تخربطو كثر
و ماكالاه الهدرة اللي تطيح المورال بلا فايدة و بلا حتى أساس من الصحة
و ماش أعضاء المنتدى هوما اللي يبدلوا الميول تاع الجزايريين و يوليو تقنيين ماش طبيين , واحد حاب الميدسين خليه يدير ميدسين أصلا إذا راح لتخصص تقني و هو يحب الميدسين ماش رايح ينفع و قادر حتى يروح من العام الأول كيما روحوا 50 من esi العام هذا و معدلهم كان 17 فالباك و الحالة تاع التخصصات التقنية فالجزائر إن شاء الله تتحسن و يعطيولهم قيمة سع باش يوليو كاين ناس اللي تنفع الجزاير تقنيا ماش كيما صرا للأسف فالإينلاك العام هذا ( إضراب إضراب إضراب )
في الأخير نقول الحمد لله اللي ماسمعتش الهدرة تاع الناس اللي كانوا يهبطوا المورال العام اللي عدا و درت الطب و جبت معدل مليح و مالقيت حتى حاجة من واش كانوا يقولو اللي يطيحو المورال
ربي يوفقكم و إن شاء الله تخيروا واش تحبوا , مستقبلكم تحددوه بنفسكم , ماتخليو حتى واحد يأثر عليكم و كلش ساهل كيما تقراه و نتا تحبوا و تجتهد فيه