حلوة المشكلة من مطبخي للاخت الادب العربي

[لمسة حنية]

السلام عليكم ورحمة الله
عندما وضعت حلوة المشكلة في واش طيبتي اليوم
وعجبت اختى الادب العربي
وطلبتها مني
وراني كما وعدتك اختى باش تستفيدي انتي وليمعرفش يدريها انا هاذي طريقتي
جبتها من هنا وراخي نجحتلي شحال من خطره نديرها ويطلوبها مني بزاف
راني طولت في الكلام هاكو تفصيل والمقاير
اولا
تاخدي
250غ فرينة
75زبدة او سمن
حبة بيض
فاني
قرصه ملح
وماء الزهر وماء
ولو موجود قليل من ملون ابيض
للحشو
3 كيلات كاوكاو
1 كيلة سكر
ملعقة كبيرة جلجلاة محمص
فاني عطر الوز
ملعقة كاكاو
رشه ماء الزهر
وبيض
تلمي العجينة وتخليها ترتاح ساعه او اكثر شوي
والحشو كذالك تخلطيه وعندما تضيفي البيض الا بشوي لازم الحشو يكون حاكم روحه ميكونش جاري لازم حاكم روحه جيدا باش تنجح المشكله
شوفي الصورة



الان تحلي العجينة على رقم الرقيق
ثم تجيبي طابع انا اخترت على شكل قلب ولكي صور والمراحل

تدهنيه بيبياض البيض



وتحطي الحشو

وتزيدي تدهني بياض البيض

وتحطي الطبقة الاخيرة وتنقشيها





من بعد تخليهم يارتاحو انا هنا مزلت مطيبتهمش خليتهم يرتاحو ليلة كامله باش يجي الشكل جميل
حطي الصينية في الكوشه وغطيها بلاستيك وصباح حلي الكوشة وطيبيهم ولازم تعسي عليهم متخليهمش يحمرو
وفور خروجهم تكوني وجدتي العسل مخلط مع ملعقه ماء زهر
وتحطيهم في الكيسات
تزينهم بلملمع
وشهية طيبه


ان شاء الله اكون وفقت في الشرح
ونشكر بزاف الاخت لشفت منها هاذي الحلوة الجميلة
وفي الاخير دعوة خير برك