نتائج شاف مطبخنا الطبعة الثالثة ...شاركونا الفرحة

[*أم كوثر*]

المشاركة الأصلية كتبت بواسطة basmala farah

ألف ألف مبروك لمنتدانا الغالي والله فرحت من قلبي و ما نقدش نوصفلكم فرحتي لي راهي غامرتني و في نفس الوقت إنصدمت لما شفت بأنني مؤهلة لمسابقة أكبر أنا مكنتش عارفة السيستام هههه كنت حاسبة غي هذي المسابقة و خلاص أنا ما صدقت تهنيت من المسابقة هذي حتى لقيت روحي على أبواب مسابقة أخرى أكبر منها و مع من ............ يا إلاهي مع أم رامي وfella food أنا كنت كي تدخل أم رامي ولا أم كوثر لمواضيعي و ديرلي رد نفرح و نقول الشاف راها تهدر معايا هههههههه و fella food كنت ندخل لمواضيعها و نقول ماشاء على ذي البنية و شحال شاطرة ههههههه
كنت نشوفكم غي فالمنام و الآن سبحان الله راني مترشحة معاكم هذا شرف لي و راني شادة قلبي هههههه واش راه جايني معاكم خصني نربط الأحزمة باش نلحقكم ماشي غير حزام واحد ههههههههههههههه
ألف مبروك حبيبتي أم ماجد يا النجمة لي ساكنة العلالي تشرفت بمعرفتك نتي و حبيبتي الوهرانية لي كنت في كل مرة نتيقن من مستواها و أفكارها ألف مبروك ليها لي متعتنا رغم المرض و الظروف
و بلا ما نحكي على زهور رفيقتي و الله فرحتلك من كل قلبي هنيئا لك و أيضا بيبة اللهلوبة صدقيني ما كنتش نعرفك من قبل لكن بعد ما شفت مواهبك تشرفت بيك سوأ الطبخ أو الخياطة يعني متعددة الخدمات هههه
نتمنى نكون شرفت منتدانا و نكون شرفتكم و شرفت بلادي و حباباتي لي وقفو معايا و عاونوني و لو بكلمة طيبة و كذلك لي حفزوني باش نشارك في المسابقة خاصة حبيبتي أنا أمهم و نشكرها جزيل الشكر
نشكر لي قامولنا بالمسابقة لي بيها تعرفو عليا الناس و تعرفت عليهم و درت الحبابات و الصديقات بلا ما نذكر الأسماء تاعهم

الف الف مبروك نجماتنا المتألقات
ربي يحفظكم من العين
اردت توضيح نقطة
المسابقة الشاملة للشافات الثلاث اللي تحدثت عليها
ستشمل فقط شافات الطبعات الثلاث لاغير
وماتخافوش لن تكون مدتها شهر
ولن تكون بقوانين مسابقة شاف كوزينتنا
ولن تكون الان هههههههههه
خلوا بسملة ترتاح وتنسى الضغط لي كان عليها
فقط اود القول
ان ه هناك مفاجآة اتمناها سارة للجميع
سلامي لكن