نصائح لكسب القلـــــــوب

[غلام123]

نعطيك نصيحة مهمة قبل ما نخرج الان


لي يحبك ما يبنيلك القصر *** ولي يكرهك ما يحفرلك القبر

خوذيها واعملي بيها
اذا ما ربحتيش تسلكي على خير
على خاطر الناس كامل خرطي ما عدا اهلك

كي تمرض ما تلقاش الناس يجوك يوقفو معاك
تلقى ميمتك واهلك ساهرين عليك

وكي تفلس يجبدو عليك حبابك وحباباتك لي كانو يشعرولك ليل مع النهار وتلقى غير اهلك مازالهم معاك

وكي تموت ما تلقاش لي يحزن ويبكي عليك من غير ميمتك تبقى ديما في صلاتها تدعيك

اما الغاشي الراشي كلو خرطي و مصالح متضاربة في بعضها البعض

حب الناس ما ينفعكش كيما ما يضركش
الرزق بيد ربي واحد ما راح يعطيك تاكل طرف خبز حتى لوكان يحبك
واضرب بدراعك تاكل المسقي

هي وجهة نظر مبنية على تجارب حقيقية معاشة
واذا ما عجبتكش زيدي سقسي ناس لكبار