همزة وصل بين المعلم و الولي : انت تسأل والمربي يجيبك

~ حراير ~ · 2013-04-06, 21:10

اقتباس:

المشاركة الأصلية كتبت بواسطة سمراءشو

اخي عبد الناصر واختي اريج نشكركم على ردودكم وعلى فرحتكم معايا ونقلكم وجدو رواحكم للفصل الثالث راني راحا نستشيركم و انشاء الله مثقلش عليكم ونقلك يا اختي اريج اني قريت الرسالة لي بعثتيهالي وحبيت نرجعلك بصح محبتش تفوت قالولي بلي مشاركاتي قليلة واعطاولي اعضاء اخرين على ما اضن 19 عضو فقط نقدر نراسلهم واسمك مش موجود معاهم ورسالتك والله اقنعتني بزاف ونشكرك على نصائحك وراني قررت انشاء الله نتصفح همزه وصل دائما ونستشيركم لانكم فدتوني بزاف وربي يجازيكم على العمل نتاعكم ومجهودكم

السلام عليكم و رحمة الله تعالى و بركاته
اهلا اهلا باختي سمراء ربي يفرحك ديما
ولكنك اخجلتيني بكلامك فانا يا اختي مجرد ام "مثلك تماما" تحب تفرح بوليداتها و تبانلي اكثر حاجة تفرحني بيهم لحد الآن هي دراستهم
على هك حتى اذا استفسرتِ فرأي و جوابي مش راح يكون مثل اجوبة المتمرسين في المهنة كيما شيخنا عبد الناصر ربي يبارك فيه و طبعا اكثر حاجة تميز الشيخ انه ماشاء الله تبارك الرحمن لا يكل و لا يمل ربي يبارك فيه و في علمه و في صحته و اختنا ام عبودة ايضا ربي يفرحها بوليداتها
عموما اي حاجة نعرفها اكيد راح نشارككم بيها دون ادنى شك

بالنسبة للفصل الثالث فهو بالنسبة لي فصل مخييييييف جدا أولا لأنه قصير عن باقي الفصول يعني تقريبا شهر و نص و نطبقو العام
و حاجة ثانية السخانة يعني احنا في الصحراء راهي بدات تهجم عليناا و ما يصاحب السخانة هو الخمول و الميل للعب و الكسل خاصة مع العشوية الي تكسلت و صارت طويلة و يحبو الأطفال يخرجو يتنفسو
غير ربي يعاونا و يعطينا القوة من عنده باش نكملو العام على احسن وجه و نتمو مهمتنا تاع هاد العام على خير
بالتوفيق للجميع و تصبحو بخير