يافاطمة وخافي من مولاك
خافي من ربي وخشاي عذاب النار
الغيرة والحقد الشر مالي عينيك
ماتكسبي غير ذنوب كبار
صلي على النبي وطيعي مولاك
بلا يغفرلك وقوي من الاستغفار
يافاطمة عيت نساعف فيك
قلت بلاك تستعقل عيب وعار
من عصى الله راه فالهلاك
خافي على روحك كي تغمض لبصار
ماينفع غير الصح وشتى معاك
كل يوم تقطعي الكلام بالمنشار
النمام مايربح ولسان في تهلاك
ماكي حرة بنت لحرار
الحر يصوط بظهر الناس هاك
وانتي تاكلي لخم العزبات ولحم الجار
حتى لولاد علمتهم البغض معاك
لهين فالناس وتلقطوا فالخبار
يافاطمة خافي من مولاك
تكلي لحم الميت ستر ياستار
وزني كلامك وحفظي الميم تحفظك
بركاكي ماتعزفي الجرح على لوتار
راهي يافاطمة الدنيا تغر بيك
تضحك عليك وتبكيك بعيوب كثار
صلى الله يامحمد النبي عليك
تشفع يوم القيامة ياطه بالنوار
بقلم فاطمة شلف