تريث اخي فكثير من النساء لما سهجرها زوجها او يخسر معاها تلقاها تهدر برك و تخاول الاستفزاز
انت ادرى بزوجتك و لا نكون من المخبيبن
و متشوفش لاهل زوجتك شوف لزوجتك كيفاش هي و كيفاش اخلاقها قبل المشكلة ممكن اهلها راهم يضغطو عليها و حكاية الاخت زبدة غير متشابهة تماما مع حكايتك
لي تحكي عليها الاخت زبدة كانت طامعة تتزوج و هادي اصلا قليلة اصل اما زوجتك لا احنا نعرفو اخلاقها و لا اي واحد يعرف اخلاقها فقط انت
و بقصة متشابهة صرات لاعز الناس على قلبي اهل زوجته هاجموه و نشرو عليه انه متزوج و حتى انو كذبو عليه انه يغازل بناتهم الوقاحة وين توصل حبو يطلقو بنتهم و عفسو عليها حتى تطلق لكن كانت رزينة و حكيمة و رجعت لدارها من نفسها و رجعت لزوجها و كانو هداك الوقت عشرة 23 سنة و اربع اطفال و رجعت لدارها و النتيجة الى يومنا هذا اهلها ميهدروش معاها
على هادي قتلك شوف اخلاق زوجتك معاك فالبيت ممكن جدا راهي مضغوطة من طرف الاهل
و نصيحة لكا الاخوة لي يحطو مشاكلهم الزوجية الافضل تحكوها لمشايخ لمستشارين كبار مش هنا عند الاعضاء واحد يقول روح طلق و متقيمهمش و واحد يقول متسمحش فيها و هي ماشية كل انسان يقيس على روحه
عكس الاستشارين يدي عليك معلومات من كل الجوانب و يعطيك الحل المناسب
و لو ان الخبر ليس كالمعاينة فالشخص المسؤول هو فقط ادرى بهاته الامور
ربي يصلح الاحوال