مشاركتي بمسابقة وصفة تقليدية بلمسة عصرية طاجين الزيتون

[حياة نور الدين]

]

حضرت اليوم طاجين الزيتون بنفس الوصفة اللي نعملوا بها فقط غيرت في طريقة التقديم ونشكر الاخت زينب اللي خلاتنا نمخمخوا ونخموا باش نحطوا طبق كامل متكامل دوقاااا ونظراااا وتقديما
بارك الله فيك اختي

بما انه معندبش مولات السليكون استعملت وسيائل بدائية هههه باش نخرج طبق عصري خخخ



اطراف دجاج،
صدر دجاج،
لحم مرحي،
بصل، ثوم، رند، ملح، فلفل اسود، قرفة، زنجبيل مرحي،معدنوس، بيض، شابلوغ
زيتون ، جزر، بطاطا

في طنجرة
نحط ملعقة زبدة ملح فلفل اسود قرفة زعفران وزنجبييل ، قطع الدجاج بصل مقطع مربعات صغيرة ، ثوم رابي وورقة رند ونخلي الكل يتقلى جيدا بعد ما تتقلى نضيف كاس ماء ونخلي النكهة تخرج منبعد كي تغلي نضيف الزيتون ( الزيتون منقوع في الماء ليلة من قبل ويغير ثلاث مرات ) والجزر المقطع نمرق ونترك الكل يطيب




من جهة اخرى ناخد صدر دجاج نضيف عليه ملح بصل ، فلفل اسود، قرفة، زنجبيل، بيض (انا استعملت غير صفار لانه كمية الصدر قليلة ) ، شابلوغ ، معدنوس نضع الكل في الروبو ونرحيه
نضع في صينية ورق شفاف ونحط فوقها الدجاج ونضع من فوق ورق شفاف ونسويها بيدنا مثل الجنواز وندخلها الفرن مسخن مسبقاىعلى 200 درجة ونخليه يطيب
بعد ما يطيب نقطعوا بمول الصابلي انا اخترت دائري

نقشر البطاطا ونغسلها ونقطعها بمول الصابلي ايضا ونقليها



بعد ما يطيب الدجاج ننزعوه من المرق ونحطوه على جهة
نتبلوا اللحم المرحي بالملح والفلفل الاسود ونشكلوه كريات ونحطوه يطيب في المرق ، منها اللحم يطيب ومنها المرق يخثر كي يوجد نطفي النار ونصفي اللحم

نقلي اطراف الدجاج في زبدة نحمرهم ونقلي بقايا قطع صدر الدجاج الصور توضح

في طبق التقديم نحط دائرة بطاطا فوقها جبن للطلي ونحط قطعة دجاج مقطعة بالمول ونعمر الثقب بكريمة الجبن ونزين بالزيتون



وفي وسط الطبق نحط الزيتون مع قطع الدجاج المتبقية من التقطيع المحمرة في الزبدة ونزين بحبات اللحم المنرحي والجزر وفي الاخير نرش يجبن رابي ومعدنوس



وهنا الطبق النهائي نتمنى يعجبكم وشكراااااا على سعة صدركم

[/QUOTE][/QUOTE]