كسكس بطريقة تقليدية لذيذ و صحي

[ام هدول]

مرحبا انشاء الله تكونو بخير
جبتلكم كسكسي من منطقة القبائل الكبرى جربتو في الدار كي درتو اول مرة عجبهم وكلاوه ولاو كل مرة يطلبوه مني مليح خاصة للاطفال لي مايحبوش الخضر علابالي كاين لي يعرفو هاد الطبق بصح حبيت نشاركم بالوصفة لي مايعرفوهاش
اليكم الوصفة بالتفصيل
"]اولا..تحطي كمية كافية من الماء


ثم تاخدي كل انواع الخضر لي عندك من كل نوع حبة ولا زوج وتنظفيها وتنقيها

تقدري تزيدي الجلبانة
و تقطعي جميع الخضر الى مربعات صغيرة

ومنبعد تفوري الكسكس ديالك التفويرة اللولة وتفرغيه تملحيه وترشيه بشوية ماء وتخليه بجهة


ومنبعد تولي للخضرة تفوريها تبداي بالجزر لانو يشد الطياب تملحيه شوية وترميه فالكسكاس وخليه يفور شوية حوالي 5دقايق وفي كل مرة تقومي بنفس العملية مع كل الخضر

ومنبعد ملحت البسباس وحطيتو فوق الجزر يزيد يفور ونفس الشي مع باقي الخضر (اللفت ثم البطاطا ثم الجريوات)





في هاد الاثناء تكوني رحيتي البصل والثوم والطماطم حب ضفيلها الملح والفلفل الاسود و2مغارف زيت عادي تخلطيهم وتحطيهم فوق الخضرة وخليها تفور


ودرك رجعي الكسكس يفور مرة ثانية فوق الخضار



لما يفور الكسكس فرغيه في القصعة وتكوني دوبتي الزبدة مع اضافة زيت الزيتون (في الحقيقة ضيفي زيت زيتون فقط) وخلطي كلش




وشهية طيبة



على فكرة الطبق يقدم مع اللبن (صدقوني بنين وصحي)