اجريييوووا ألــــذّّ شخشوخة من مطبـــــــــخي مممممممم

[Esprit f]

سلام الله عليكم احبتي في الله
جيتكم بشخشوخة الكسرة أو الشوااااط chawwatte علابلي كاين اللي ما يعرفوهاش
هيا شخشوخة مختصين بيها ناس بسكرة ومسيلة وبعض من ناس باتنة لكن هذا لا يمنع انها تكون في مناطق أخرى
طبعا بحكم ممكن الزواج الى ولاية أخرى او السفر عبر الولايات
المهم أحبتي أنا نمدلكم واش نعرف عليها وأنا من محبيها كثيييييرااااا ممممممم صدقوني بنة ولا أروع
اللي يعرفها يفهمني واللي ما يعرفهاش لازم يجربها
ويديعيلي طبببعا دعوة خير

باسم الله العلي القدير
نبداو بالمرق ,, أولا في قدر الضغط او كوكوووطة حطي أختي
شوي زيت مع هبرات لحم او الاطراف اللي عندك المهم يتقللى مليح من بعد ضيفي عليه
بصل يكون اما مفروم فرم ليس بالناعم او مقطع قطع صغييييييرة (أناهنا نلو حو في الروبو مع الثوم والفلفل الاخضر الحاااار ونفرم لكن ليس الى ان يٌرحى كليااا هادا هوا سرها )
سنينات ثوم مفرومين
فلفل حار نتي وذوقك مع الحار تقدري تقطعيه او فقط تقسميه على زوج



خلي الكل يتقللي مع بعض مع التحريك هنا ضيفي شوي ملح
وارحي حبة طماطم في السكرفاج وفرغيها عليهم وخللي تاني كلشي يغلي مع بعض طبعا على نار متوسطة (سر البنة في التقلية )






هنا ضيفي التوابل نتاوعك فلفل احمر دواء الرقيق او راس الحانوت كركم و شوييية كروية



وأمرقي بماء سخووووون خليها تغلي وأقفلي عليها مدة ربع ساعة



في هاذ الأثناء وجدي الكسرة اللي هيا
دقيق ارطب
شوي ملح
شويييييية زيت ما تكثريش
وأعجني بالماء مالازمش تكون طرية بزاف أو يابسة



خليها ترتاح



مباعد طيبيها عادي ما تخليهاش تيبس ومباعد مباشرة كي تنحيها من الطاجين فتـــتــيها فتات صغير كيما في الصورة



نروحوا للمرق نحلوا على لا كوكوت ونلوحو فيها الخضرة انا هنا درت البطاطا والجريوات تقدروا تزيدوا الزرودية وأقفلوا عشر دقايق أخرى






كي تطيب الخضرة سقي عاااادي وزيني بحبات بيض مغليين وبالصحة والهناء ممممممممم بالجمعة ان شاء الله نشمر على ذرعيااا ونعاودهااا الله غالب هاااايلة

تفضلوا لحباااااب












لا تنسوني أحبتي بصالح دٌعائكن ولكن المثل أخيااااتي

تعدييييل تعديييل تعديل
عاودتها أمس بالجمعة اليكم الصورررر




جربوهااا باذن الله راح تعجبكمم م م م م م