وصفة لوبيا خضرا اا. لن تستغني عنها

[om hind]

السلام عليكم ورحمة الله
وصفة هاذي تاع لوبيا خضرا بنينة بزاف انا زوجي ذوقو صعيب بصح هاذي ماخلتلوش عقل
المقادير
نصف كيلو لوبيا مفورة بفلفل اسود والملح
حبة متوسطة بصلة
3حبات طماطم متوسطة
شريحة رقيقة تاع ستيك غير مكلفة قدر 100 غرام او اقل لازم تكون رقيقة شفافة
ملحو فلفل اسود
في بلاطو تاعك ادهني بكمية مليحة زبدة ثم حطي شرائح البصل باه يتكراميليزا وذري شوي ملح وخطي الطماطم وذري الفلفل اسود والملح
وزيدي فرسي شريحة الستيك الرقيقة وذري ملحو فلفل اسود وإذا عندك زعيترة وورقة رند و من فوق اللوبيا المفورة وخطي طراف زبدة صغار من فوق وتحبي رشي شوي جبن مبشور اختياري يعني الطبق بنين بلا بيه
وغطي بالألمنيون وحلي فتحة صغيرة باش يجمرر وفي نفس الوقت ما تنشفش اللوبيا والى الفرن وكي تجي تقديمه قلبيه في الطبسي تجي طبقة البصلة ثم الطماطم و الستيك واللوبياوالف شهية
جربوه واكتشفو البنة


نة