كروفيت بالصلصة تاكلو صباعكم وراها

[طيور الجنان]

مساء الخير حبيباتي حبيت اليوم ندير طبق بالكروفيت حوست في عمي قوقل و لقيت هاذ الوصفة جربتها وكانت هاااااايلة نتمنى تجربوها و تعطيوني رايكم
الوصفةهي:
- حوالي نص كيلو كروفيت مقشرة و مغسولة
- حبة بصل مقطعة رقيق و 3 فصوص ثوم مقطعة
- 2 فلفل اخضر مقطع حلقات+ مغرفة فلفل احمر حار
- 3 حبات طماطم مرابية و 1/2كبيرة مغرفة مصبرة
- عصير حبة قارص
- رشة سكر
- مغرفة زيت + زبدة
- التوابل نحتاج ملح فلفل اسود كمون اختياري
- كسبر مقطع
التحضير: في مقلاة نحط الكروفيت مع الزيت و الزبدة حتى يتبدل لونها و نحيها
في الزيت تاعها نحط البصل + الثوم+ الفلفل المقطع و نخليهم يذبلو على نار هادئة
نضيف الطماطم المرابية و نحط التوابل ملح+ فلفل اسود +فلفل حار احمر و نخلط الكل حتى تذبال الطماطم ثم نضيف الطماطم المصبرة الذايبة في 3/4 كاس ماء و كي تغلي نرجع الكروفيت و الكسبر و نخلي الكل يطيب على نار هادئة حتى تخثار الصلصة و شهية طيبة وادعيولي بالخير
انا قدمتها مع السلطة و فريت