الدزيريات parfumdor1
للعجينة 4كيلات فرينة بكيلة زبدة ذايبة وملعقة صغيرة فاني ورشة ملح وتبلي بماء الزهر تتحصلي على عجينة متماسكة اعجنيها مليح وخليها ترتاح ثم حليها بالماشينة في رقم 3 ثم 5 ثم 7 انا اخر رقم 9
قطعيها دوائر بالقاطعة رقم 8 ثم حطي الدوائر في المول نتاع الدزيريات واثقبيهم وحطي فيهم الحشو3كيلات لوز منزوع القشرة ومرحي مع كيلة سكر عادي وملعقة زبدة وترشيهم بشوي ماء زهر حطي مقدار ملعقة متوسطة في كل حبة ثم تزيني باللوز مشمخ ببياض البيض باش مايطيرش كي تطيب ثم زيني في الوسط بوردة لصقيها بالبياض ايضا وحطيها تطيب في فرن هاديء مدة 20 ددقيقة وماتخليهاش تحمار من فوق وبمجرد خروجها عسليها في عسل ابيض مش كاراميليزي يعني طيبيه في الدار باش الحلوى يبقى لونها شباب