العذر ان اطرح هذا الموضوع

[*مصطفى*]

العذر ان اطرح هذا الموضوع ولكن هي مشكلة مع السيد المحترم ويندوز كل سنة نسخة جديدة اعترف من اول ويندوز وهو 3-11 نصبتو على الحاسب وبصراحة كان وحيد زمانوا يجهل اكثر مما يعلم لا كارت الصوة عالمها ولا كارت فيديوا فهمها ومن بعد ويندوز 95 الغلبان على نفسو وكان مرات ينسى وين ايروح كي نشغل الحاسب حتى نكتبلوا وين وكي نبدل عليه كارت صوة ولا كارة فيديوا ولا جيه طابعة جديدة وتتلف عليه يعملها شاشة زرقة ومخربشة بلبيض معناها الذاكرة عياة ولا الهرد تلف المهم منزيدش نحمل ومنفارقش القديم ماننساش نذكركم الجهاز كان تحت 1 معناه 4/86 ملحقش حتى ب1 حبيت انجربلو ويندوز97 قاعد نحسبلو فالوقت روحت عملة قهوة لقيتوا مزال يتراوح في مكانو مسيت المعالج تقدر تحط عليه البيض يتشوى حطيت عليه كاس اينوكس تاع ما بارد وقاعد نزيدلوا لقلاس أي جاز بخير بعد 2سوايع كي كمل لقيتو ما نقص على ليسبقو غير بالستايل نتاع الصور بدلت الحاسب ب2 نصبتلوا ويندوز98 شغلتو وكان خفيف وباهي ومنين لحقتلو ابلرامج بدا يعيط ملف تالف وبدى يشتكي كل يوم يخرج خرجة جديدة نهار مكتبة الربط الحيوي خاوية ونهار الي كثر بدلتو بويندوز 2000 وتقول حامل على ظهرو جبل كرهتو ورجعت لسابق نتراوح مع 95 و98 حتى وين خرج السيد الاكسبي الي بهرنا ومتعنا يمات ومننساش البروقراطية لي يعملها منين تصعب عليه ايقولك اتصل بمسؤل النظام والرجاء ادخال القرص حتى وين لقيت ويندوز جزايري فرحت بيه ونصبتو ونهار شغلة الحاسب بهرني بالمظهر نتاعو روحت للاكسبلور حوسة عليه ملقيتوش قلت ماعليش نصبة موزيلا وبديت نطلعلو فالبرامج وكلما نصبلو برنامج منلقاهش صدقوني خممت وقلت راه ياكل فيهم ولي مقدرش يهضمهم خلاهم عايبين معناه ميتشغلش بعد هذا الكل قلت نجرب لنيكس عيت باش نفهمو مقدرتش ورجعت لسيد اكسبي ومهما كانت عيوبو راه مليح
واخيرا اذكر نفسي وغيري حسن استعمال هذه الانظمة من حسن تعلمها وبارك الله فيكم