اقتباس:
المشاركة الأصلية كتبت بواسطة فايزة1207
ماكول الهنا
قداه تقعد في الكيس باه تطيب؟
اختي جابكربي حبيت نستفسر على الزعيترة مالقيتهاش هنا
ياخي الزعتر زي والزعيترة زي
ياريت من فضلك تحطيلي عرف زعيترة في ماء ساخن ونشوف كيفاه مدايرة اوراقة سمحيلي اختي كثرت عليك
|
اهلا اخت فايزة
بالنسبة للبطاطا كيفاه تعرفيها طابت و لا لا هي على حسب نوع البطاطا كاينة لطيب بسرعة و كاينة لطول باش تعرفي اذا طابت و هي في الكيس قيسيها اذا تلبزت بسهولة راهي طايبة و اذا لالا ماهيش طايبة مي عندك لا تتحرقي و لا خليها حتى تنشف لاصوص منها اذا تحبيها ناشفة كيما انا
بالنسبة لزعتر و الزعيترة راهم مختلفين مش نفسهم انا الزعتر مانشريهش يجيبهولي بابا من الريف و لأنو لعام ليفات كان جفاف بباتنة مانبتش في الجبال و مام يكون كان بكمية قليلة خسارة ماعنديش تالي راني صورتهولك موالفة نطيب بيه سيرتو ليصوص تع البتزا يعطي ذوق و ريحتو مانحليكش رائعة
الزعيترة تلقايها بكثرة في المناطق الساحلية و المناطق لقريبة منها لأنو عندهوم رطوبة تنبت عندهم و لكن تتباع عندنا يابسة مش طازجة
و راني صورتهاللك حطيتها في الماء كيما قولتيلي
حنونة كشما تحتاجي راني لهنا و مرحبا بيك في اي وقت حبوبة