قالك دا زمان زوج يتاما توام يتشابهوا بزاااف مكاش لي يفرق بيناتهم واحد سموه زعيط و لاخر سموه معيط توفات مْهُمْ < يعني أمهم > و بويهم < يعني أبوهم > قاعدو وحدهم مصابو ما يكلو مايشربو و كان زعيط قافز على معيط وحد نهار كانو قاعدين عند وحد الواد زعيط جاتو فكرة قال لخوه نقيسو زوج متارق فالواد < يعني يرمو خشبتين في الواد > وين مايروحو هادوك متارق ق= ga نتبعوهم عجباتو الفكرة معيط و قابضو زوج متارق و قاسوهم فالواد راحو دوك متارق واحد على ليمنا ولاخر على ليسرا < يمين يسار > امالا باقاو بعضاهم على خير و تفركتوا كل واحد راح في تريق راحو يمشو زعيط راح عند عايلة رباته و قلشوه كيما ولدهم و كان عندو غنم يرعاهم بصح معيط مسكين راح عند عايلة غنية بصح دايرينو خديم مغبون غبينة كحلة و كانو يقيسولوا الماكلة مع الكلب وهومسكين جايح دايمن الكلب ياكلها و يخليه و فاتو يامات و سنين على غبينة معيط مسكين حتى وحد النهار معيط خرج الغنم يسرح بيه و جابها فوق حجرة و قعد يخمم على حالو و كان فايت معيط من جيهة اخرى امالا تلاقاو و تخلطو الغنم و معيط مجابش خبر حات راسو و يخمم امالا جا زعيط و بدا يزعف عليه بلا مايشوف وجهو و بدا معيط يبكي و قال و هو حات راسو كون جا خويا زعيط معايا مكاش لي يحقرني في داك الوقت تعارفو و تعانقو و بداو يتباكاو و زعيط سقسا معيط على حالو و بدا يحكيلو على غبينتوا امالا زعيط مافرطش في معيط و داه معاه و حماه و دارو دار و تزوجوا و عاشو حياة هانية
هاد لحكاية باللهجة تيارتية انشاء الله تعجبكم انا شخصيا ثأثر فيا بزاف على خاطر هاذا ماديت من عند ماما حكاتهالي كي كنت تحت جناحها و ديتها عبرة و مسمحتش في خاوتي ليتاما سللللللااااام