مشاركة الفنانة المميزة في المسابقة.....زهور الفل

[*أم كوثر*]

السلام عليكم جميعا
راح ابدء باول شي نعملوه كي يجي عندنا الضيف احنا في العادة ادا كان اول مرة يدخل لازم اول شي نحطوه هو الحليب والتمر لازم ضروري ادا كانت اول عزومة ليه عندنا


والتمر بالطبع محشي بالمكسرات جوز لوز وكوكاو مدشش ترشيه من الفوق


وكي نقدموه للضيف نقربوه له هكا





عجنت خبز بالقمح


وهادي كي طابت وقطعتها





من بعد تجهزي الطابلة تاع العشا هكا بما اني عندي بزاف اشكال اللون الابض والاسود غيرت مها نحط منها ندير استعراض للباقين هههههههههههه انا مانحبش نفرز موعيناتي مساكين كلهم عندهم معزة وحدة في قلبي


إ

هادي سلطة بالارز بالطون والماسيدوان عملتها طبقات الاولى والاخيرة روز وفي الوسط ماسيدوان وبجانبها خيار محشي بالمايوناز وصفار بيض ودرى


وهادي الحريرة نعملوها بالتشيشة تاع الزرع ولازم تكون حاضرة في كل مناسباتنا





اما المقبلات فانا عملت كبة مقلية وبوراك و دوائر البصل المقلية وفطر مقلي هادو زوج عملتهم بخلطة الدجاج المشوي جا عندهم دوق رائع وغمستهم في خليط البيض والتوابل ثم الشابلير ثم قليتهم



عملت معاه صوص بيضاء بالزبادي والجبن والخيار والعدنوس مفروم و زينتها بالببريكا والحبق



والطبق الجانبي عملت طبق خفيف ونفس الوقت لديد هو عبارة عن دجاج طاب في مرق قليل على نار واطية بالكيري والبصل والثوم وحرور ومن بعد نحيتلو العظم وقطعته خيوط رقاق بزاف وعملته تتبيلة رقدته فيها عبارة عن ليمون وزنجبيل طري ومعدنوس ثوم وكيري حرور وياورت طبيعي وجبن وبابريكا وملح طبعا وقطت عليه الفلف الاخضر رقيق جدا والبصل وقليتهم في الزبدة ومن بعد حطيتهم وزينتهم بهاد الشكل ..معاه صلصة بيضاء ....الشرح هنا للتوضيح عن مكونات الطبق فقط .............





وهدي صورة الطبق الرئيسي هو المحمر بالشومبينيون وهو لحد الان في منطقتنا نديروه لضياف الجدد و العزاز كما نقولو تاع همة بلحم الخروف بالطبع



وهدا طبق الحلو بالزبيب والبرقوق والسفرجل وطيبتو بشرائح البرتقال اعطالو نكهة روعة وزينتو باللوز والجوز و جوز الهند راني دايرة بيه لو تور تاع الطبسي بلاك في الصورة ما يبانش واضح وفي الوسط حطيت بسبوسة عملتها بالشابلير وجوز الهند





وهادي الصور النهائية للطابلة تاع العشا





اما الان الديسار انا عملت فلون وقدمت الدلاع بما انو وقتو وعاودت حطيت الحليب والتمر كملو هههههه وراني حنا في عاداتنا الضيف نعملولو اشياء تقليدية مع لاتاي مثل بغرير او مسمن او رفيس سفنج يعني حنا عندنا الهمة كي تحطي هادو كثر ملي تحطي القاطو ...










ملاحظة اتمنى من كل من يشاهد مشاركتي مش مهم تصوت لي لكن ابدي رءيك فهو يهني جدا رجاء اريد تقيم كتابي منكم نصيحة نقد اي شيئ