اللي حاكمة مصروف الدار تتفضل معانا

[بنت الجزاير الغالية]

المشاركة الأصلية كتبت بواسطة ms.racha

حنا 5 افراد الصغير فى الاول ابتدائى ومشكورة مسبقا

أختي رشا عندنا 2 ملاين تنحي منها 700 ألف للريفيطايمة
2 بوادن زيت
10 لحظة
10كغ سكر
4 قهوة
4 طماطم بو كيلو
4 إيزيس تاع 500غ
4 جافيل
4 فورماج فاش كيري تاع 16 حبة
واحدة ملح
هاذوم يطلعولك 660 ألف
و 40 ألف الباقية إشري les patte اللي تحبو تاكلوهم
هكذا كملنا 700 ألف كاملة تبقت مليون و 300 تنحي منها 400 ألف خضرة كل أسبوع 100 ألف فهمتيني
تبقى 900 ألف تنحي منها 700 ألف و تقسميها على 2 يعني 350 ألف هاذيك تشري منها 2 دجاجات 120 الف و كيلو لحم مرحي 120 ألف و رطل لحم تاع البرمة 65 ألف و 2 كيلو حوت و هاذوما لل 15 اليوم الأولى من الشهر و 350 ألف الأخرى تبدلي تشري في بلاصة اللحم المرحي مثلا مرقاز و بلاصة الحوت بوزلوف أو دوارة
الباقي 200 ألف هاذي حاولي ما تتقربيش ليها واصرفي كيما كتبتلك و رايحة تلقي روحك وفرتيها و تشري بيها حوايح للدار أو ليك إن شاء الله حتى سيشوار
إن شاء الله يعجبك تقسيمي و نكون عند حسن ظنك