من يريد إثبات؟

[مريم الصابرة]

المشاركة الأصلية كتبت بواسطة حلاوة_87

اختي مريم اللي ابتلاك ممكن يشفيك ويبتليهم...ومراكيش مجبرة باش تفاكسي التقرير الطبي لاي واحد...اللي يحب يدير الخير يديره لوجه الله واللي محبش هو ادرى بنفسه...وكلي امرك لله وخلاص...

لني أنا
السلام عليكم اختي كا نتمناش ربي يبتليه لانو ربي يحبني وإبتلاني والشخص هذا محال تكون فيه ذرة نتاع رجولة على الاقل كان يسألني انا ويطلب التفسير في حالة ما إذا طلبت منو المال ربي وكيلهم ختي شكرا جزيلا وربي يجازيك

[مريم الصابرة]

المشاركة الأصلية كتبت بواسطة عميروش الحر

لي قالها قوليلو انا ما دابيا ما نكونش مريضة ومن فمك لربي انشاء الله الدعوة تاعك توصل
واولا واخير هو واش دخلو ؟

السلام عليكم خويا
أنا ما فهمتش هذا اللي قال هكذا واش دخلو تقول لقاني في دارهم نطلل فيه جيعانة ونطلبو يوكلني وكان مريضة تطلب الشفا من الي خلقني برك
ربي وكيلو خويا شكرا ربي يجازيك

[مريم الصابرة]

المشاركة الأصلية كتبت بواسطة asosa

السلام عليكم يا اختي متحوسيش عليهم راهم ناس مرضى ملاقاو واش يديرو ناس فارغين شغل نتاع الصح

السلام عليكم اختي واش احوالك الصراحة اللي قالها بكاني اليوم وغاضتني روحي ونعلت الساعة اللي جات فيها ظروفي خلات اللي ما يسولش يقول عليا راني دجلت على المنتدى ربي وكيلو وكيما بكاني يبكي حتى لو ما عرفتش شكون
أنا ربي يحبني إبتلاني بالمرض وهو مريض من نفسو مريض بالحفد وقلب كحل أناالحمد لله الناس كامل تحبني وين نروح ربي محبب خلقو فيا الحمد لله مي هذا الإنسان ربي يهديه هذا ما نقول شكرا حنونة

[امينة 1991]

السلام عليكم
كيف حالكي مريومتي ؟ ارجو ان تكوني في تمام الصحة والعافية (ماعاش الي يقلقك ولا يزعجك بكلمة ok؟(
هذا الي قال عليك هذا الكلام القبيح هو الكذاب الكبير على ذاك يحسب كامل الناس يكذبوا كيما هو , شوفي مريومة الحلوة طنشي وما تخليش هدرة كيما هاذي تشغلك بالك لأنو هذا الشخص حب يقلقك ما تخليهش ينجح وانساي انتي اكبر من ان تسمعي وتفكري في كلام هذا التافه الحقير الفارغ الشغل ماعندوش واش يدير .تحياتي وقبلاتي الحارة لكي و انساااااااااااااااااي

[امينة 1991]

السلام عليكم
كيف حالكي مريومتي ؟ ارجو ان تكوني في تمام الصحة والعافية (ماعاش الي يقلقك ولا يزعجك بكلمة ok؟(
هذا الي قال عليك هذا الكلام القبيح هو الكذاب الكبير على ذاك يحسب كامل الناس يكذبوا كيما هو , شوفي مريومة الحلوة طنشي وما تخليش هدرة كيما هاذي تشغلك بالك لأنو هذا الشخص حب يقلقك ما تخليهش ينجح وانساي انتي اكبر من ان تسمعي وتفكري في كلام هذا التافه الحقير الفارغ الشغل ماعندوش واش يدير .تحياتي وقبلاتي الحارة لكي و انساااااااااااااااااي

[حضنية28]

المشاركة الأصلية كتبت بواسطة مريم الصابرة

السلام عليكم اختي واش احوالك الصراحة اللي قالها بكاني اليوم وغاضتني روحي ونعلت الساعة اللي جات فيها ظروفي خلات اللي ما يسولش يقول عليا راني دجلت على المنتدى ربي وكيلو وكيما بكاني يبكي حتى لو ما عرفتش شكون
أنا ربي يحبني إبتلاني بالمرض وهو مريض من نفسو مريض بالحفد وقلب كحل أناالحمد لله الناس كامل تحبني وين نروح ربي محبب خلقو فيا الحمد لله مي هذا الإنسان ربي يهديه هذا ما نقول شكرا حنونة

ربيي يحفضك حنونة علاه البكاء مديريفي بالك والو واللي هدر الهدرة هادي مسوس وهو في نفسو مريض مانيش عارفة علاه الناس تنسى روحها وتشتغل بامور الناس

[مشكاة الهدى]

السلام عليكم



ربي يرفع عليك اختي ويبليه
هذا الذي طعن في كلامك

ياريت هذا الحيوان والجبان يتجرا ويحكي في العلن

[الواثق]

سبحان الله ..........انا لي دوخني شكون لي قالها ؟؟؟؟؟ والاكثر من ذلك شكون لي وصلك كلامو ؟؟؟.......المهم ربي يهدي لي قالها ولي وصلك الكلام ...................وصدقيني اختي راني قتهالك قداه من مرة لا ندري اين هو المريض ...........واذا كنت ديري الهدرة على الناس وتقلقي راكي تضري نفسك فقط.............استهدي بالله .........والسفيه يقول مافيه

[عُضو مُحترم]

آآآآآه يا اختي مريم

اذا كل واحد يقوللك كلمة تكتبي موضوع

تكملي حياتك تكتبي في المواضيع

اخليك من الشعب

والله نصيحة مني

كي يكون ربي راضي عليك

ووالديك راضيين عليك

الشعب الباقي يدز معاهم


و مهما يقولو مش رايح ينقص منك شيء


اخطيك منهم

[جسور المحبة]

وش بيها مريومتي مقلقة يا اختي ماديريش عليهم ياك حنا مصدقينك وربي يعلم اني حاسة بيك تقولي نعرفك من قبل ولا شايفة حالتك وقلبي ما كذبنيش وجامي نتخيل انك تظاهري بالمرض كيما قال هذا الانسان التافه امالا لي فهم صح ولي ما فهمش يدز معاهم ويخبط راسو على حيط واذا ما عجبوش يشرب من لبحر مراناش حابين نخسروك ولا تخسري صحتك بالتخمام بسبب تافهين ان لم نقل حشرات كيما هذو
ربي يشافيك عاجلا غير اجل وترجعي بصحك وما تنسايش تعطيه حقو لانو فاولك بالخير

[مريم الصابرة]

المشاركة الأصلية كتبت بواسطة امينة 1991

السلام عليكم
كيف حالكي مريومتي ؟ ارجو ان تكوني في تمام الصحة والعافية (ماعاش الي يقلقك ولا يزعجك بكلمة ok؟(
هذا الي قال عليك هذا الكلام القبيح هو الكذاب الكبير على ذاك يحسب كامل الناس يكذبوا كيما هو , شوفي مريومة الحلوة طنشي وما تخليش هدرة كيما هاذي تشغلك بالك لأنو هذا الشخص حب يقلقك ما تخليهش ينجح وانساي انتي اكبر من ان تسمعي وتفكري في كلام هذا التافه الحقير الفارغ الشغل ماعندوش واش يدير .تحياتي وقبلاتي الحارة لكي و انساااااااااااااااااي

السلام عليكم امونتي صافا اختي والله الحمد لله ختي كيما حاب ربي والحمد لله
ربي يسامحو وهذا مريض نفسيا الصباح تأثرت بزاف لما وصلني الكلام وجرحني لكن كلامكم هداني وريحني وربي يجازيكم على كل شي
ربي يخليك اختي تعيشي

[soriaalg]

الله يشفيهم اختي رضا الناس غاية لا تدرك اهتمي بصحتك وبنفسك وبالوالدة الكريمة ربي يخليهالك ويطولك في عمرها
سلام

[فتـ حييةـاة]

المشاركة الأصلية كتبت بواسطة مشكاة الهدى

السلام عليكم



ربي يرفع عليك اختي ويبليه
هذا الذي طعن في كلامك

ياريت هذا الحيوان والجبان يتجرا ويحكي في العلن

وعليكم السلام ورحمة الله وبركاته
اختي زينب المؤمن لازم يكون قلبو ابيض ومهما فعل شخص نقولو ربي يهديه
آآآسفة على التدخل اختي لكن صراحة والله مانبغي واحد يدعي ولو اي واحد كتب واش كتبتي نرد عليه نفس الرد لهذا ماتزعفيش مني

[فتـ حييةـاة]

يا مريومة اخطيك من الغاشي الراشي الهدرة راهي غير باطل واللي بغا يهدر العام طويييييييييييل خليهم يهدرو يحتولك شوية ذنوب وديري موضوع شباب ملي عودتينا عليهم راكي قيمتيهم بموضوعك هذا
وعوض لا نلومو اللي قال الكلام لاننا مانعرفوش واش كان يقصد نلومو هذا اللاسلكي اللي وصل الهدرة لانو من ورا توصال الهدرة مكان حتى قصد آخر غير انو يفسد القلوب
اما اللي قال الهدرة هاذي ربي يهديه ومايعاودهاش

وانتي ربي يشافيك ويعافيك ويعطيك صحتك ياك راني تاكلة غير عليك اذا عاود خيط التلفون تقطع شكون يلصقو .. وزيد راني تاكلة غير عليك تعلميني الرقاق واش بغيتين نروح لوزير الخارجية ناقصتني حرفة كثرت عليك الهدرة اسمحيلي

[مريم الصابرة]

المشاركة الأصلية كتبت بواسطة asosa

ربيي يحفضك حنونة علاه البكاء مديريفي بالك والو واللي هدر الهدرة هادي مسوس وهو في نفسو مريض مانيش عارفة علاه الناس تنسى روحها وتشتغل بامور الناس

السلام عليكم اختي ربي يحفضك بكيت لانو كلمة كبيرة قالها ربي يهدي الناس شكرا على كلامك المشجع