الخدمة الوطنية في المدرسة التطبيقية لتدريب القوات الخاصة بسكرة

[halim86]

الفائـــــــــــــــــــــــــــــــــــــــــــــ ـــــــــــــــــض منامة

[zikouk]

المشاركة الأصلية كتبت بواسطة halim86

الفائـــــــــــــــــــــــــــــــــــــــــــــ ـــــــــــــــــض منامة

قل خيرا أو إلزم الصمت يا من تظن نفسك وزير الدفاع الوطني.

[حسين القعقاع]

سلام الله عليكم انا فوتها في بسكرة كاين فائض في حالة كاين بزاف من ديبلوم نتاع.مي الميتاسيو نتاعها ماشي مليحة .جبل 100/100 راني هنا كاش ما تحتاج

[ahhmmed]

المشاركة الأصلية كتبت بواسطة zikouk

السلام عليكم
لقد وصلني إستدعاء الخدمة الوطنية للإلتحاق بالمدرسة التطبيقية لتدريب القوات الخاصة بسكرة بتاريخ 22 مارس 2012 علما أنى متحصل على شهادة ليسانس في العلوم القانونية و الإدارية و كدلك شهادة "capa" و مسجل بجدول منظمة المحامين أرجو من كل من لديه معلومات حول هذه المدرسة إفادتنا بها و التفاعل مع الموضوع لتعم الفائدة على الجميع وجزاكم الله خيرا.

احرقها ما ترحوش خويا واعرة بزاف وفيها خدمة وريسك كبير بالاك على ربي في سبتمبر تجيك بلاصا مليحة شوي.

[zikouk]

المشاركة الأصلية كتبت بواسطة حسين القعقاع

سلام الله عليكم انا فوتها في بسكرة كاين فائض في حالة كاين بزاف من ديبلوم نتاع.مي الميتاسيو نتاعها ماشي مليحة .جبل 100/100 راني هنا كاش ما تحتاج

شكرا أخي الكريم و جزاك الله كل خير

[zikouk]

المشاركة الأصلية كتبت بواسطة ahhmmed

احرقها ما ترحوش خويا واعرة بزاف وفيها خدمة وريسك كبير بالاك على ربي في سبتمبر تجيك بلاصا مليحة شوي.

شكرا أخي على النصيحة وبارك الله فبك
أظن أن هناك إجماع حول صعوبة تأدية الخدمة الوطنية في هده المدرسة.
على كل حال فإن التيسير بيد الله تعالى و ربي يسهل طريق جميع المؤمين إنشاء الله و شكرا للجميع في إنتظار معلومات جديدة.........

[chuk]

عامين وتفوت كل يوم أجمع حبة رمل حتى تكمل 360 يوم والله راقدة وتمونجي

[zikouk]

المشاركة الأصلية كتبت بواسطة chuk

عامين وتفوت كل يوم أجمع حبة رمل حتى تكمل 360 يوم والله راقدة وتمونجي

عامين!!!!!!وين راك عايش ؟تحت الأرض و إلا راك حاسب روحك مازلت في وقت الشادلي؟ياو فيق
الرمل أحسبو وحدك و زيد شكون طلب رايك؟لأننا في هذا المنتدى نخاطب العقال و ليس......فاعرف قدر نفسك

[عبد الوالي]

هذه المدرسة تعتمد بزاااااااااف على اللياقة البدنية ، من اليوم الاول حتى اليوم الآخر و انت تستخدم قوتك البدنية فقط ، و أي مهارة تكسبها من هذه المدرسة تَصب بالدرجة الأولى في البنية الجسدية ، و جميع الاسلحة و التكتيكات الموجودة في هذه المدرسة عمادها الأول ( قوة جسدك فقط )

* و السر في ذلك هو أن عمل القوات الخاصة في الحرب مهمتهم تكون شبه فردية و سريعة جدا خاطفة و اهدافهم دقيقة لذلك يجب ان يتمتع الفرد بلياقة بدنية عاااااااااالية جدا ( حيوط كيما يقولو ) و يجيد مهارات أكثر من أن تحصى فنجاح مهمته منوطة بالاعتماد على نفسه في جميع الظروف .

فالتدريب في هذه المدرسة راه قاسي و صعيب و الله اعلم

* بخلاف المدارس الاخرى مثل المدرسة التطبيقية للدبابات ولاية باتنة تعتمد بالدرجة الاولى على التكوين العلمي ( قرايا في قرايا حتى نهاية فترة التربص) و السبور عادي جدا أي واحد يقدر يسلك ستاج من غير مشاكل و كأنه في حي جامعي

و الواحد يزيد يشور و يشوف و اللي فيها الخير ربي يجيبها
و لا تنسى اخي صلاة الاستخااااااارة

*

[malekb]

أخي انا كنت فيها في سبتمبر وأصحابي جوزوا فيها 6 أشهر وبقيت فيها 21 يوم والحمد لله خرجت بملف طبي .واذا هندك اي سؤال اكتب وان شاء الله نجاوبك

[zikouk]

المشاركة الأصلية كتبت بواسطة عبد الوالي

هذه المدرسة تعتمد بزاااااااااف على اللياقة البدنية ، من اليوم الاول حتى اليوم الآخر و انت تستخدم قوتك البدنية فقط ، و أي مهارة تكسبها من هذه المدرسة تَصب بالدرجة الأولى في البنية الجسدية ، و جميع الاسلحة و التكتيكات الموجودة في هذه المدرسة عمادها الأول ( قوة جسدك فقط )

* و السر في ذلك هو أن عمل القوات الخاصة في الحرب مهمتهم تكون شبه فردية و سريعة جدا خاطفة و اهدافهم دقيقة لذلك يجب ان يتمتع الفرد بلياقة بدنية عاااااااااالية جدا ( حيوط كيما يقولو ) و يجيد مهارات أكثر من أن تحصى فنجاح مهمته منوطة بالاعتماد على نفسه في جميع الظروف .

فالتدريب في هذه المدرسة راه قاسي و صعيب و الله اعلم

* بخلاف المدارس الاخرى مثل المدرسة التطبيقية للدبابات ولاية باتنة تعتمد بالدرجة الاولى على التكوين العلمي ( قرايا في قرايا حتى نهاية فترة التربص) و السبور عادي جدا أي واحد يقدر يسلك ستاج من غير مشاكل و كأنه في حي جامعي

و الواحد يزيد يشور و يشوف و اللي فيها الخير ربي يجيبها
و لا تنسى اخي صلاة الاستخااااااارة

*

لك مني جزيل الشكر أخي على المشاركة
رانا نتمناو غير الخير و لجميع المسلمين ،حقيقة الخدمة الوطنية مشكل كبير يضاف إلى العراقيل اليومية الكثيرة التي يواجهها الشباب في مختلف المجالات و الأصعدة عزاؤنا الوحيد في ذلك هو الصبر و التمسك برحمة الله و حسن الظن به جل و تعالى

[malekb]

أخي راهي مدرسة فيها التدريب كثيف جدا ولازم تاكل بزاف وتنوض صباحا والجري والصرامة حدها والتربص فيها 6 أشهر ماشي 45 يوم يعني الله يكون في عونك .

[zikouk]

المشاركة الأصلية كتبت بواسطة malekb

أخي انا كنت فيها في سبتمبر وأصحابي جوزوا فيها 6 أشهر وبقيت فيها 21 يوم والحمد لله خرجت بملف طبي .واذا هندك اي سؤال اكتب وان شاء الله نجاوبك

السلام عليكم أخي الفاضل و مبارك لك
هل تمت دراسة الملف الطبي المقدم من طرفكم على مستوى نفس المدرسة و هلا تفضلت بشرح موجز عن تجربتك(مكونات الملف،الإيداع،الإجراءات،رأيك في الطبيب،التعامل مع الملف.......) ولك الشكر المسبق

[zikouk]

المشاركة الأصلية كتبت بواسطة malekb

أخي راهي مدرسة فيها التدريب كثيف جدا ولازم تاكل بزاف وتنوض صباحا والجري والصرامة حدها والتربص فيها 6 أشهر ماشي 45 يوم يعني الله يكون في عونك .

شكرا أخي،نظرا للآراء الكثيرة حول الخدمة الوطنية في هذه المدرسة والتي تتفق على صعوبة المهمة فإنني لم أحسم أمري بعد خاصة و أن تاريخ الإلتحاق قد إقترب،ربي يجيبها فالصواب إنشاء الله.

[malekb]

أخي نقولك ولكن اذا خصك التفصيل نعطيك فايسبوك ديالي اتصل بيا (abdellah mohamed ) وراني داير صورة سامي يوسف

أولا اخي وصلت للمدرسة ودخلت بعدها تلاقيت مع الطبيب لأنه لازم ياخذوا المعلومات عليك والاستدعاء وبعدها ما يديرولك والو طبت بالقعاد في العيادة وهاذيك العيادة الله يحفظ وفيها وحد الطبيب تسمع منه سوى الهدرة المليحة يعني الله يبارك يسبك وحد السب الله يحفظ برك .صح وبعدها جا المكلف بينا كنا 3 كلنا نحوسوا نجوزو الخدمة الوطنية وروحنا معاه للغرفة .الغرفة هاذي شالي كبير فيه كامل الطلبة تاع الخدمة الوطنية .وكانوا مطبقين علينا نظام شوية صعيب لأننا كنا مدنيين في وسط العسكر ماشي مخليينا نخرجوا من الغرفة الا الى المطعم ويجي وحد المساعد هو لي يدينا يعني ما تروحش وحدك لأي مكان تبقى داخل الشالي كامل النهار .
هذا وبعد أيام عيطونا حنايا المرضى وروحنا عند الطبيب ودخلنا عنده شافنا وشاف الملف وكنصيحة اذا كنت حاب تحط ملف طبي لازم تكون تعرف كل الوثائق لي عندك وتزيد من عندك بلي راك مريض صح.ومن بعد خرجنا من عند الطبيب وبعد ايام ثاني عيطونا حنا المرضى نروحوا عند الطبيب وتلاقينا مع الطبيب ومعاه انسان اخر باش يشوفوا شكون هوما لي يرسلوهم للمستشفى العسكري بورقلة .بعدها بأيام قالونا المرضى ماشي كامل يعني لي خيروهم الطبيبان هوما لي يروحوا لمستشفى ورقلة وجابونا طائرة عسكرية وروحنا لورقلة مع وحد مساعد اول كنا كامل مدنيين وحوالي 15 يوم ما خرجناش ولينا حيوانات مخلوعين في العباد .صح دخلنا للمستشفى وبعدها كل واحد يروح عند طبيبه المختص وكنا كامل عطاونا الاعفاء ماعدا واحد كان مريض من عينيه وقبضوه . علابالك اخي سمحلي الهدرة بزاف وعييت وراه عندك الفايسبوك ديالي راني أون لاين درك ولا من بعد وان شاء الله نساعدك .