خطبني رجل أصغر مني

[صَمْـتْــــ~]

المشاركة الأصلية كتبت بواسطة مشكلتي

السلام عليكم
تقدم لخطبتي رجل اصغر مني رفضناه ولكنه تقدم مرة اخرى وقال بعد العيد نزيدو نهدرو ويسكن في منطقة نائية علما انني ليسانس وهو اظنه مش قاري والله راني حايرة وخايفة واش تنصحوني ومن البداية مانش مرتاحة بصح راني خايفة انا على ابواب الثلاثين

وعليكم السّلام ورحمة الله وبركاته

الأخت الفاضلة عليك بالاستِخارة..

علما أنّ فارق السنّ في الحالة التي ذكرتِها لا يؤثِّر في العلاقة الزوجيّة مثلما يعتقد البعض..خاصّةً إن كان ببضعِ سنوات..
فالأصل في العلاقة الزوجيّة هو التّفاهُم المبني على حسن النيّة والقدرة على حمل المسؤوليّة.

وفّقكِ الله لما فيه خيرٌ لكِ.

[tin hinan]

ننصحك تصلي صلاة الاستخارة

[nourelhouda619]

السلام عليكم و رحمة الله و بركاته
أختي مشكلة السن ليست مشكلة في حد ذاتها إذا كان أصغر منك أين هو المشكل خاصة إذا كان وليد حلال و نعرف بزاف ناس عندهم نفس الحكاية و الحمد لله لاباس عليهم و متزوجين و أنا خطيبي أصغر مني ب 6 أشهر و عادي الرجل يبقى رجل و المرأة تبقى مرأة ماشي الصح في حاجات كيما هادو و ربيي يوفقك رانا في 2011 يا أختي.

[رزان.]

أرى أختي الفاضلة أنك تريدين الزواج على عجل خوفا من العنوسة لأنك لست مطمئنة لهذا الزواج و قد أشرت أنك ذات مستوى علمي أما هو لا حسب ظنك إضافة إلى أنه يسكن في منطقة نائية من البداية أظهرت المقارنة و عدم التكافؤ بينكما أخاف أن تظلمي هذا الشاب و تظلمين نفسك بعد الزواج .أنصحك أن تتأكدي قبل اتخاذ القرار .عليك بالإستخارة .الي فيه الخير ربي يجيبه إن شاء الله

[stayfiya]

يا ختي واش نقولك باش تزوجي بواحد لازم تكوني متقاربة معاه (ماقلناش لازم يكون قدّك و كيفك) في العمر او المستوى سواء الدراسي و الا الاجتماعي هاذو لحوايج تقدري تيڤيتي بيهم مشاكل بزّاف لأنو البيئة و الحياة لي عشتيها رايحا تتبدّل هو قبل كل شي صلي الاستخارة و اذا كان مكتوبك راح تديه رغم كل العوائق

Stayfiya *

[ميمنة الجزائر]

والله ما فيهاوالو استخري ربك وما فيها حاجة انا بنت عمي انشاء الله يكون من نصيبك هذا والله

مدايرلها واش تحب وما تحسيش بلي كثر منو ابدا والله هي تصورات لا غير

وعندي عمتي راهي تزو في ولادها يعني والله ما فيها والو المهم انك انتي تقتنعي

كاين اقل ىمنك في السن لكن عقلهم اكبر منك في العقل

المهم انو طلبك للمرة الثانية يعني شاريك فلا تخيبي ضنه وراهي اليوم مع اللباس والمكبياج ما تبانيش ابدا
وربي يوفقك حبيبتي والله لي كثر منك هو اللي يتعبك وراني قدامك ما جيت نفهم زوجي غير من بعد عامين ومشاكل

والله غير ربي اللي علابالو لكن بنت عمي ماشاء الله راهو هو اللي يطلب في رضاها ونقولك والله سمينة بمعنى الكلمة

وطويلة وهو نحيف وطويل ويحبها كيما راهي ووحدة ما تعملو عينو غيرها يعني فكري في اللي قلتو واستخيري الله

[mina minouna]

اذا كان رجل صالح و مثقف علاش لالا السن والله مايهم بززاااااف بصح ماترميش روحك تقولي كي وصلت الثلاثين خلاص المهم ادعي ربي وانشاء الله الي فيه الخير ربي يجيبهولك .
سلااااااااااام

[bilal123]

السلام عليكم يا اختي لما الخوف ادا كان من فارق السن فارسول عليه الصلات والسلام تزوجة السيدة خديجة بنت خولد وهو سنهو25وهيا 40سنة ويجب علينا في كل الامور ان نرجع للكتاب والسنة فلا تخافي المهمة ان تقتنعي بانو زوج صالح