مسسااعد ة يا البنات

[سلمى_2008]

السلام عليكم البناات تعيشو راني محطمة درت العرايش وخدمت القلاصاج تاعم منجحليييييييييييش طيشتو كامل قولولي كيفاه انتم ديرووه خطوة بخطوة انا درت مغرفة ماء زهر
ومغرفة زيت
ومغرفة بيض عضمة ومغرفة عصير الليومون وبديت نحط السكر ونخلط مي محبش يلح فرغت فيه زوج علب سكر ناعم افففففف والله مصلحلي ماما قاتلي مخلطيش مليح وجارتنا قاتلي بلاك تضربي البيض تاع العضمة وحدو السع كي يولي كي ثلج ضيفي السكر والله راني محيرة تعيشو قولولي كيفاه ندير خطوة بخطوة راني محتااجاتو ضرك وجزاكم الله الف خير

[سلمى_2008]

ردووووووووووووووووووووووووو عليا من فضلكم

["~ انفال ~"]

السلام عليكم اختي
اختي هته هي طريقتي في صنع القلاصاج:
خذي كاس( شاي) ماء زهر ثم ابداي في اضافة sucre glass حتى تتحصلي على خليط ثقيل ( كيما نقولو حنا جامد)
اضيفي قطرة من عصير الليمون لاضفاء نكهة
للعلم اذا اتبعت هته المقادير فستتحصلين على كمية كبيرة اذا اردت كمية اصغر منها فضعي نصف الكاس من الماء زهر

[remadna]

كون جيت في بلاصتك ندير به قاطو آخر و ما نرميش
تبعي نصيحة الاخت انفال
بالتوفيق

[&أسيل&]

اليك مقادير الطلية وهي ناجحة وطرية وتنشف بلخف معتمدة عليها دائمااااا
كاس سيرو ثقيل شوية +بياض بيضة +2ملاعق كبار عصير ليمون ثم السكر الناعم حتى يصبح كريمة تقدري تطلي بيه

[أم هنيدة]

تفضلي أختي هذه طلية جديدة وما تيبسش عن تجربة ذكرتها السيدة دليلة سليماني في حصة الطبخ القناة الأولى:

كأس حليب + كأس ماء زهر + كأس زيت+ فانيلا خلطيهم ثم أضيفي سكر الرطب حتى تعقد وإذا أردت اضافة ملون غذائي على حسب ذوقك

وننبهك أختي هذا المقدار يخرجلك كمية معتبرة من الطلية

بالتوفيق

[سلمى_2008]

شكراااااااااااااااااا على مروركم اخوتي والله قد افدتوني

[سحر الغروب]

المشاركة الأصلية كتبت بواسطة sami_2008

السلام عليكم البناات تعيشو راني محطمة درت العرايش وخدمت القلاصاج تاعم منجحليييييييييييش طيشتو كامل قولولي كيفاه انتم ديرووه خطوة بخطوة انا درت مغرفة ماء زهر
ومغرفة زيت
ومغرفة بيض عضمة ومغرفة عصير الليومون وبديت نحط السكر ونخلط مي محبش يلح فرغت فيه زوج علب سكر ناعم افففففف والله مصلحلي ماما قاتلي مخلطيش مليح وجارتنا قاتلي بلاك تضربي البيض تاع العضمة وحدو السع كي يولي كي ثلج ضيفي السكر والله راني محيرة تعيشو قولولي كيفاه ندير خطوة بخطوة راني محتااجاتو ضرك وجزاكم الله الف خير

اختي روحي شوفي قاطو تاعي راه هنا ايلا عجباتك الوصفة تاعي راح نقولكم الوصفة كيفاش ساهلة ماهلة وتنجحلك 100 ب 100