قلت اضاع الله منهم ضيّعونـي
واعذابي كم اعانـي وأصطبِـرْ
ما كفاهم انّهم يـوم اهملونـي
يوم خلّوني من الفرقه استعِـرْ
وكم على درب الليالي يوعدوني
راحت ايامي وانا كـم بأنتظِـرْ
يا عباد الله ياللـي تسمعونـي
ودِّي أتـزوج ومانـي مقتـدِرْ
إعذروني كان فيكـم تعذرونـي
بأشتكي حالي واقول وأختصِـرْ
إنتصف عمري وأهلي يقهروني
وحظّي المسكين فينـي يفتقِـرْ
وكنت احسبهم بحالي ينصفوني
تاهت آمالـي وحلمـي ينقبِـرْ
واهلها بين المواعد يرهنونـي
وقلبي الغادي اشوفـه ينكسِـرْ
جيتهم للقرب طالـب يقبلونـي
شامخ بحرفي وباصلي بافتخِـرْ
والمصيبة بالمطالـب جننونـي
أول الاشيـاء دار(ن) ينعـمِـرْ
وقبلها يبغون ربعي يوصفونـي
وودّهم يلقون اسمـي يشتهِـرْ
والعجيب ان الاقارب يذبحونـي
ذاك يتجاهـل وهـذا يحتـقِـرْ
قلت انا الموهوب لا لا تقبروني
ما تبون اني اعيـش واستقِـرْ
صارت الايام في عمري سجوني
وكم على الايام مثلـي ينصهِـرْ
بأقتل الأحلام لي فيها شجونـي
وأنتظر يمكن بصبري أنتصِـرْ
ماهقيت اني على حسرة ظنوني
بأكتم الأحزان حسرة وانحسِـرْ
واستبيح اللي منعته عن عيوني
واترك دموعي تفـوت وتندثِـرْ
ليش من حقي غديتم تحرموني
وليش هالحرمان دايم مستمِـرْ
كلكم يا ناس صرتـم تعرفونـي
وتعرفون اني وباء(ن) منتشِـرْ
وان عرفتوني ابيكم تتركونـي
لا تقولوا لي على مـا تعتـذِرْ
كان فيكم خير مـرّه تعتقونـي
لأجل دنيانـا الأليمـه تزدهِـرْ
واشتكي لله كل اللـي رمونـي
وأنتظر حظّي ولو حالي عسِـرْ
يا عبـاد الله فيكـم ترحمونـي
زاد صمت الخوف فيني بأنفجِرْ
زوّجوني زوّجونـي زوّجونـي
قبل ما تذبـل ورودي وأنتحِـرْ
( تقرير عن مشاركة سيئة )، و الموجودة أسفل كل مشاركة .
2011-04-23, 22:03
زوّجوني زوّجونـي زوّجونـي قبل ما أنتحِـرْ
العرض العادي
