مخبز المزيود اللي راهي دايرة حالة هاذ العام طري و معسل و طريقة تحويل بنة الكوكاو إلى لوز,,, لا يفـــــــــــوتكم,~~

[المداينية26]

السلام عليكم ورحمة الله تعالى و بركاته
ياا شحال توحشت هذا القسم خخخخ كي راكم غاية ولا؟
نتوم شفتو وحدة في عام الباك تشد لي كوموند ههه الله يجعل خير
ليوم حا نديرلكم مخبزي الجميييييييل يلي يذوقو يهبل عليه و الأهم من هذا يحسبوه باللوز و هو بالكوكاو خخخخ لكن أكيد نخبرهم بلي كوكاو مش لوز..

قييو كليتو و نتم لا هههه..
المهم نبداو على بركة الله ,,
1_ نبداو بالكوكاو,, انا استعملت رطل كوكاو مقشر 500 غرام - 190 دج - خرجتلي 26 حبة
رفدت الكوكاو غسلتو 3 مرات بماء دافي واش نحكيلكم خرج منو العجب
و حطيت قدرة درت فيها ماء .. كي رجع يغلي حطيت الكوكاو و خليتو فيه حتى رجع غلى امبعدا طفيت عليه و غطيتو لمدة دقيقة و نصف

امبعدا صفيتو و حطيتو في إناء وهو سخون درتلو 2 مغارف كبار عطر اللوز الحلو و مغرفة كبيرة عطر اللوز المر و خلطتو و حطيتو ينشف

امبعدا دخلتو للفرن واحد 45 دقيقة غلى نار قليلة حتى نشف كاااااااامل و ريحتو و زدتلو مغرفة صغيرة عطر لوز حلو و خليتو,,
2_ نبداو ذركا بالمخبز :
المكونات :
-500 غرام كوكاو ملوز خخخخ
-بالنسبة للسكر العادي ديما نديرو 3 كيلات كوكاو و بكيلة ناقصة دوا من السكر.. مادام هنا عدنا 500 غرام كوكاو معناها نديرو حوالي140 غرام سكر عادي و ماشي رطب.. اخدمو بالكيلة أحسن
- مبشور ليمونة
- حبة بيض,, و 2 صفار بيض { البياض بيض نخدمو بيه قلاصاج امبعدا }
- ملعقة صغيرة فانيليا
الطريقة:
أولا نحطو اللوز تاعنا في إناء يل يحا نخدمو فيه

مبشور الليمون

السكر و الفانيليا

و نخلطو امبعدا نظيفو لبيض

و نلمو و ما نعجنوش

حتى نتحصلو على عجينة متماسكة

و هنا ضرووووريييي نخلووووه يريح باه السكر هذاك يذوب و يتعسل الكوكاو,, انا هنا خدمتو على 1 و رحت نقرا ليكور فيزياء و علوم و رجعت ليه على 6 ...
نصيحة: كي نبداو نخدمو فيه من الأحسن نحطوه بين نيلو و نحلو بالحلال,, باش نتفادو أنو العجينة تتقطع,,إلخ
انا هنا و بكل فخر استعملت صاشية الخبز ههه أكيد بعد ما نقيتها مليح
هنا قسمت الكمية..باش تسهال عليا و حليتها و قطعتها بهاذاك القالب تع الحديد السااااامبل

شوفووو سمكها

و كملت كلش و درتها تطيب

و هاااااااااااهيييييييييييييييي

و نخلوه يبرد,,, يجي هشيييش و طري يفدق
هنا للأسف ما صورتش المول .. يجي بلاستيك نحطو فيه الشيكولة المذوبة امبعدا تنحيها ..هنا ملونتهمش كامل على حساب طلب خالتو العزيزة

و خدمت القلاصاج { 2 بياض بيض تع قبيلات - كيلة -و كيلة ماء زهر,, كيلة عصير ليمون فانيليا و درت عطر موز مد بنة و ريحة تهبل و السكر ناعم حتى يثقال } ..و حطيت شوية منو في طبسي

و بديت نقلاصي , من الأحسن تحطو في حاجة مشبكة للأسف انا م اكانش عندي :

ملاحظة صغيرونة: هاذي أول مرة نقلاصي في حياتي بدون مول هههه موالفة نقلاصي بالشيكولة فقط في القالب تع سيليكون
و هنااااااااا,, حكمني الزهايمر ههه نسيت روحي بلي راني نصور و كملت كلش بلا تصوار للأسف أعذروني ههه
المهم بات ليل كامل حتى نشف و غد من ذاك صباح لمعتو بملمع فضي
و درتلو لا جولي,, لسقت هاذوك تع القوفريط تع شكل بيبي,, و لا بلا جولي لسقت شيكووووووووولة و صااااااااااااييي شهيتكم بالصحة ... كملتو ورحت نخدم في البقلاوة مع ماما واااااااع ظهري انكسر من الوقوف


ان شاء الله يعجبكم ممممواااح بسلامة,, ادعولنا معاكم

[RIMA.87]

السلام عليكم ورحمة الله
بارك الله فيم على الوصفة و التوضيح و ربي يحفظك و يبارك فيك و يوفقك في دراستك و ينجحك في حياتك الخاصة و الدراسية.

مزيدا من التالق و الوصفات الرائعة

[.karima.]

جا في وقتو والله

مااارسي ختي يعطيك الصحة وعجبتني تع كوكاو ملوز

[hala nadjah]

يعطيك الصحه

[ام اسماء82]

من فضلك اختي عطر اللوز ضفتيه قبل ما يدخل الفرن و لا بعد من فضلك جاوبيني و مشكورة على الوصفة والله ينجحك ان شاء الله

[OM DHOHA ANES]

موضوع رااائع كيما يقولو كاااامل ومكمل والليزادو بها على بها دمك للي كي لعسل.
والله يعطيك الصحه صغيره والباك وتخدمي الحلوى مااااااشاء الله عليك.

[انا ام زكريا]

ما شاء الله شكرا على الوصفة كامل محتاجين نرجعو اللوز كوكاو

[رحيق المسك]

جميل جدا الوصفة دى

[dalya sami]

ماشاء الله عليك عندي مدة وانا حابة نجرب تحويل اللوز وسمعت بتاع تفوري الكاوكاو وهذي اول مرة نعرف هذي الطريقة وشرحتيها روووعة â‌¤â‌¤â‌¤
ربي يوفقك الزينة ��������

[koukita4]

������ ربي يوفقك ويبارك فيك يارب

[nad1616]

برافوووو عليك خفيفة و ضريفة* ان شاء الله تكوني جبتي الياك

[المداينية26]

المشاركة الأصلية كتبت بواسطة nad1616

برافوووو عليك خفيفة و ضريفة* ان شاء الله تكوني جبتي الياك

الله يسلمك
وي حبيبتي جبتو ,,ْْ~~~

[بـــيِسَة]

جميل دمتـ متألقة