ماهي السيارة المناسبة لوضعيتي و ميزانيتي

[الأستاذ الثانوي]

السلام عليكم
ساعدوني في هذه الاستشارة
ميزانيتي 80 مليون سنتيم ..اريد ان اشتري سيارة مناسبة لوضعيتي حيث ( اعمل في منطقة نائية بعيدة عن منزلي ب 80 كم يوميا ذهابا و ايابا ايضا 80 كم المجموع 160 كم
علما اني لا اجيد السياقة بحكم اني نلت الرخصة منذ 3 سنوات و لم اسق بعدها ولا لدقيقة
ساعدوني ماهي السيارة المناسبة لوضعيتي و ميزانيتي بارك الله فيكم

[خالد عنابي]

قلتها لك من قبل واعيدها
80 مليون ما تجيبلك حتى حاجة جديدة
المستعمل والقديم يشبعوك غش وتدليس خاصة لو ماعندكش الخبرة


عليك باقتناء دراجة نارية جيدة وجديدة مثل sym st من المحل


لن تكلف نصف المبلغ
تأمين ارخص واستهلاك وقود اوفر
تحصل فوري ومن نهارك وانت تسوق
اداء جيد في الطريق وتجاري السيارات بسهولة

[badrosad]

يتوجب عليك اضافة المال
كل حاجة غالية في الجزائر خاصة ان لك عمل شبه شاق
بالتوفيق

[Mohamed rayane]

Picanto 2007 la base
تكون مليحة ومريحة .
سيارات بيكانتو مناسبة

[XAVIHICHEM2424]

كاين بزاف ملاح من 2005 حتان 2011 بيكانتو او سمبول او كليو كلاسيك كلهم ربي يبارك عند ضحابي وجربتم ملاح ما شاء الله مي لاوزم كي تروح تشري من السوق تدي معاك لي يعرف وما تنساش تفوت السيارة على طولي و ميكانيسيان

[الواثقْ بالله]

تقدر اجيب شيفرولي افيو او بيكانتو او كليو او 207 او 307 و تزودهم بالغاز
يعني عندك بزاف خيارات تقدر اجيبهم بالمبلغ هذا

[* شمس*]

المشاركة الأصلية كتبت بواسطة الواثقْ بالله

تقدر اجيب شيفرولي افيو او بيكانتو او كليو او 207 او 307 و تزودهم بالغاز
يعني عندك بزاف خيارات تقدر اجيبهم بالمبلغ هذا

الغاز خططططير ردوا بالكم

[صمت الرجوله]

جيب kia rio خويا انا كنت كاسبها...و الله سيارة هايلة و صادقة ,الميكانيسيان ماتعرفوش موطورها حليب و دوزانها رخيس ..في الطريق و لاروبريز هات ماعندك .جامي تسخن و قطرة زيت ماتنقصها
.
تقدر تجيب و حدة نقية بزاف من 65 حتى 70 مليون و تكون موشها ماشية بزاف

[HamzaMoatasim]

مشكورين ع التوصيات شباب

[algeriahome.com]

ليس الوقت مناسبا لشراء سيارة خاصة بهدا المبلغ

[Bassim01]

تقدر تشري alto