تعلم فن المواجهة و التحدي ❕ لأني اتحداك ان تعمل على نفسك لمدة 6 أشهر ❕📵🔇🚳 ❕❕ _

[الاسكندر الاكبر]

بسم الله
.

انت ، انت نعم انت ، استمع لي !

أتحداك ، نعم أتحداك ، أتحداك
أن تنعزل عن العالم في هذه الستة أشهر و تضع كل طاقتك في حل تمارين الكهرباء و تتعلم تكتب المعادلات التفاضلية و تعرفها وينا وحدة معا تقرا السؤال ، ،،تعود طير في الميكانيك و ميخلعكش القذيفة والرمي الشاقولي كيتشوفهم في التمارين ، تعود معا تشوف تمرين حركة الأقمار تقول في قلبك ايه هذا عقب عليا آلاف المرات ، نتحداك نتحداك ، نتحداك في أنك تتعلم و تدرب على برهنة علاقات الوحدة الأولى مهما كانت ناقلية او تركيز او اي حاجةنتحداك ، نتحداك ، في أنك تتعلم دير المناقشة الدورانية دون أخطاء ، دير المناقشة بدلالة القيمة المطلقة او الأسية اواللوغاريتم بأريحية تامة و كأنها كإسمك تعرفها حرفا بحرف ، نتحداك نتحداك ،.نتحداك انك تتخطى هاجس و رعب تحليل النص في الفلسفة و تدرب عليه و تمكن منو حتى انك متخليش فرصة للمصحح ميمدلكش مليح و يمدلك عليه بسيف للانك دربت بزاف عليه نعم انها الفلسفة و انا اتحداك انك جيب مليح فيها و تفهم الدروس تاعها مهما كان المطلوب سواءا مقالة جدلية او تحليل نص لانك واجهتوا من قبل و يوم البكالوريا مهوش اول مواجهة لك معاها نعم انا اتحداك ، نتحداك في أنك تتعلم دير الفرضية في العلوم و جيبها صحيحة لاه؟ علا خاطر درتها مئات المرات ، و تتعلم تستنتج استنتاج صحيح من التحليل و بدون أخطاء ،،، أتحداك أنك تتعلم تكتب نص علمي بمصطلحات علمية و تناسق أفكار و سلاسة لغةو جيب علامتو الكاملة نتحداك ،، نتحداك ، تتعلم تكتب برتوكول تجريبي تاع التمديد ، تاع المعايرة تاع اي تجربة يمدهالك لأنك ديجا حليت تمارين فيهم البروتوكول و موجدلو مليح مليح نتحداك
نتحداك ،. نتحداك ، تتعلم تستخرج الفوائد و الأحكام من أي حديث يمدهولك ، من أي آية يمدهالك و تمدهوملو صحاح و بزاف ثاني نتحداك نتحداك . أنا أتحداك يا هذا أنك تتعلم تعلق عل الرسم البياني في الجغرافيا و تتمكن من تمثيل الدالة و تتعلم ترسمها حتى! علاه لأنك جبت جدول الاشارة صحيح ، جبت المشتقة صحيحة لانك تعرف تنحي حالات عدم التعيين كيما اسمك و تعرف دير جدول التغيرات كيما لقبك فهمت ! ، أتحداك في هذه الستة أشهر اللي بقات تعود تحل تمارين المتتاليات و تعرف ترسم
تمثيلها مهما كان و تعرف دير البرهان بالتراجع و انت مغمض العينين ! ، نتحداك انك تحفظ شخصيات التاريخ كلها ، مصطلحات التاريخ كلها تعرف الاحداث و
التواريخ المعلمية و ميتخلطولكش ، أتحداك أنك تكمل سلسلة مصطفاي في الدوال الأسية و اللوغاريتمية و تزيدلها تاع المتتاليات خذ راحتك ، متضيع وقتك في مواقع الضياع الإجتماعي ، ميديرلك تأنيب ضمير
دوكا ما والو ميهمنيش اذا السمانة اللي فاتت ولا الفصل الاول راح بسبب اني انا و انت معرفناش ننظمو وقتنا ، ميهمش المهم الآن انك قررت و انتهى انها اصعب و اخطر خطوة و انت قمت بها اذا راك واجد للتحدي لا تيأس من نقاط الفصل الاول لانك تغيرت الآن هاديك النقاط راك جبتها كي كنت متعرفش ، جبتها كي كنت مزلت مبتدأ معندكش خبرة علابالك اينشتاين واش قال ، تعلم قوانين اللعب ثم فز ، هادوك النقط جبتهم كيمكنتش تعرف حاجة اسمها ضغط حقيقي ، كيمكنتش تعرف قيمة الوقت و بلي فعليا راك في حرب ، جبتها كيمكنتش قنع بلي راك دخلت في معركة حقيقية و الحرب اعظم ، الحمد لله انك خسرت ، لانك و راني متاكد فهمت قوانين اللعب دوك تدخل و تبدأ معركة قاسية فريدة من نوعها هذه المرة ، فلتوظف ما تعلمته من قوانين ، لا اريد ان اسمع
عبارة انتهى كل شيئ ، انا احذرك ها ، لا اريد ان اسمع كلية مشكلة و معرفتش نظم و ضغط كبير ووقتي راح ، لازم تحشم و لازم تعرف حقيقة انو لي داو قبلك كامل ، العظماء كامل ، خلينا منروحش بعيد ، ، صحاب 17 ، صحاب 18 كامل و انت ، و انت ، و انت راكم عندكم 24 ساعة ، راك عندك كيفهم 24 ساعة so shame on you كان تزيد تقولي مكفانيش الوقت ، و نعاود ايها المحارب ميديرلكش تانيب الضمير لانك تغيرت الآن ، راني نحذر فيك للصدمات الجاية و المواجهات القادمة باش متقوليش هديك العبارات ، ميهنيش اذا قلتها من قبل لا بأس ، منسحقكش تقولهالي الايام القادم لان القادم اعظم ، شوف معايا مليح ، ركز معايا ، مبقالناش بزاف و نتفكو ، مبقالناش بزاف و نريحوا انا و انت نتفرجوا حتان نكرهوا وواحد ما يقوللنا علاه و لا نوض ، مبقالناش بزاف و نرقدوا حتان نشبعوا ، مبقالناش بزاف و نعودوا نخرجوا بلاما نتقلقوا عندنا حفاظة و مزلنا نغلطوا في جدول الإشارة ، متاخرين في العلوم ... ،..... .. ... .... راك متخيل معايا بلي اليامات هاذو اللي جيايين راح تنعزل نعم تنعزل ، متقوليش كيفاه لازم الانسان من فترة لفترة يدي راحة صغيرة للتجديد وو ، الخرطي هدا اللي هفونا بيه ، هاذي يديرها لي حاب يجيبو بتقدير متوسط و جيد انتا رح جيبوا بتقدير جيد جدا و ممتاز ، انا احذرك ها ، لا اريد ان افتح المنتدى و اراك واضعا موضوع تشتكي فيه او ان تتكلم مع احد او مع دب نومك او وسادتك او مع انعكاسك في المرآة و تقول انا كرهت ، او انا عييت او حتة اففف ، راك فاهم ، فهمت !؟ ، هاذ اليامات اللي راه جايا رايح تحط طاقتك الكل تعرف واش طاقتك الكل ولا متعرفش ! راحتك فقط في النوم في الاستحمام في الصلاة ، على العشرة تاع الصباح في المدرسة ، في الطريق تاع الذهاب و الاياب تاع المدرسة الطريق تاع الذهاب و الاياب تاع ليكور كي تتغدى كي تتعشى كي تفطر
كي تساعد في اعمال البيت ، راك شايف شحال من وقت راه يضيع ، هاذوا هما اللي تعتبرهم راحة ، شفت شحال عددتلك من وقت ، هدا هو راحتك برك ، راح تعود معا تدخل للدار تزرب تنحي حوايج تتوضا
تصلي و تحط تقرا ، هيه متكل والو الاكليت كول خفيف متضيعش وقت ياك مش راح تموت؟! ، هذاك راه جوع مزيف و صداع راس مزيف و تعب مزيف لانك في اي لحظة تمر عليك هاذ الاعراض راح يجي في بالك ملهيات المنتدى يوتيوب تروح
طل من التاقة تروح تنوض دور وحدك في الدار، انا اعرف و انت تعرف و كلا نا يعرف ،اننا ان لم نتغلب عليها ستتغلب علينا و نندموا نهار تخرج النتيجة ، و ماراحش تتغلب عليك لانك مادمك من الاشخاص التي
تطمح لتقدير الجيد جدا و الامتياز و مدامك ضال تسقسي هنا و مدامك ضال تجمع في ليسيري و تحوس و مدامك تشارك زملائك في اي حاجة يحتاجوها اذا كانوا خصهم تمارين مدلهم ، ليشتاالبعض ميستهلش
اذا كنت انت تشوف هكذا لانوا هنا يكمن الخير اذا كنت تمد غير اللي تشوف ان ا يستاهل اين هو جهاد النفس و اين هوا وجه الله من عملك هذا ؟ هذه نقطة ، نقطة اخرى
انت دايما تقول انك حاب تكمل بقية عمرك على هذا الكوكب جراح قلب جراح اعصاب مدرس في الجامعة ، بيطري ، حاب تكون رائد في مجال المحروقات ، في مجال الفيزياء ، علابالك اذا مقدرتش تجتاز
حرب اولى محددة ركزلي علا محددة عام برك ، و اللي هي البكالوريا ، كيف ستخوض حروبا و ملاحم مدارها اعوام في الجامعة و المعاهد بين الكتب و البحوث باه تولي تلك المهنة التي انت ترى انك لها و انها
تحتاجك في ميدانها ؟ اذن اتعب هاذ المعارك اللي راهم جايين و اجتهد و اي تمرين حلوا متخلي والوا الدرس لي يطيح اعفس على قلبك و نوض بكري علاجالوا احفظو لانوا على رغبتك في النجاح ان تفوق
خوفك من الفشل فهمت ؟

هاد الفيديو اقوى فيدية تحفيزي روووعة تحت عنوان ، اعمل على نفسك لمدة ستة اشهر انه يتحدث عنك و عني ، روح شوفوا

راح يزيد يفتح عقلك و عينيك على الحرب التي انت في غمارها !!


https://www.dztu.be/watch?v=z3jrv8217cU






. أنا أتحداك !


.

[بشرى.22]

شكرا خي على التحفيز بوركت
معليش نسقسيك شحال كان معدلك الفصل 1

[I'm a girl]

جزااااك الله خيرا خويا بارك الله فيك مالقيتش واش نقولك ربي يجازيك ويفرحك ان شاء الله وتحقق واش في راسك
كلماتك اثرت فيا عندك حق لان الريتم اللي رانا بيه ماعندو وين يوصلنا

[Alponlib]

احترمك يا مبدع
اقدر عملك الفني هذا لقد ابدعت
و بما انك تحديتني..... فانا قد قبلت التحدي

[Histidine~]

I C O N I C
ما صبت ما نعلق ..... نعمَ الكلام ، و كلام صادق
رغم انني ارتعبت من عبارة "تحليل النص" و من عبارة " المناقشة بالقيمة المطلقة"
لكننا سنقضي عليها ... سنودع النوم ، و الملهيات ، الفصل الأول كان صدمة و تبق اثاره للأبد
نعم سبب علامتي تلك هو "التكبر" حتى سبقني بعض الاشخاص ، و لكنني اخذت العبرة ، انا لست عالمة و الافضل كما كنت اظن
لقد ذقت ما كان ينقصني ... و من الآن فصاعدا لو حاولت التكبر سأتذكر تلك النقاط ، و لن ادع احد سعيدا مجددا بفشلي كما فعلوا
نعم لقد كادت السعادة ان تخترق عيونهم العمياء ، لقبوني بالفاشلة ، و لكن المساكين لا يعلمون ان للفشل معنى اخر .. يا رب كن عونا لكل من تعب ..
شكرا لك اخي الاسكندر الاكبر على تلك الفكرة السابقة و على هذه الفكرة ، و شكرا للجميع
Gooooooooooooooo !!!

[الاسكندر الاكبر]

المشاركة الأصلية كتبت بواسطة بشرى.22

شكرا خي على التحفيز بوركت
معليش نسقسيك شحال كان معدلك الفصل 1

و فيك بارك الرحمان ، لن اخجل من قول معدلي ، كان 12 ، صحيح اول مرة نجيب مثل هذا المعدل ، و لست نادما لاني استفدت من التجربة تعلمت علاماه نركز كيفاش نقرا ، عرفت قيمة قيمة الوقت ، الحمد لله الحمد لله


بالتوفيق

[الاسكندر الاكبر]

المشاركة الأصلية كتبت بواسطة i'm a girl

جزااااك الله خيرا خويا بارك الله فيك مالقيتش واش نقولك ربي يجازيك ويفرحك ان شاء الله وتحقق واش في راسك
كلماتك اثرت فيا عندك حق لان الريتم اللي رانا بيه ماعندو وين يوصلنا

بوركت ، ان شاء الله اختي لك و لنا جميعا ، نعم الريتم وجب ان يتغير لا محال ، بل نستطيع ان نقول انه تغير فور انكم قررتم ، انت لها

بالتوفيق الى الافضل .

[الاسكندر الاكبر]

المشاركة الأصلية كتبت بواسطة alponlib

احترمك يا مبدع
اقدر عملك الفني هذا لقد ابدعت
و بما انك تحديتني..... فانا قد قبلت التحدي

و انا ابادلك

اذن تقبل التحدي ، انتظر بشغف لارى طاقاتك تنفجر المعركة القادمة

بالتوفيق الى الافضل .

[اخلاق راقية]

كلاماتك حفزتني اكثر فاكثر
رائع احييك اخي
bac 2019
yes we can inchaalah

[الاسكندر الاكبر]

المشاركة الأصلية كتبت بواسطة histidine~

i c o n i c
ما صبت ما نعلق ..... نعمَ الكلام ، و كلام صادق
رغم انني ارتعبت من عبارة "تحليل النص" و من عبارة " المناقشة بالقيمة المطلقة"
لكننا سنقضي عليها ... سنودع النوم ، و الملهيات ، الفصل الأول كان صدمة و تبق اثاره للأبد
نعم سبب علامتي تلك هو "التكبر" حتى سبقني بعض الاشخاص ، و لكنني اخذت العبرة ، انا لست عالمة و الافضل كما كنت اظن
لقد ذقت ما كان ينقصني ... و من الآن فصاعدا لو حاولت التكبر سأتذكر تلك النقاط ، و لن ادع احد سعيدا مجددا بفشلي كما فعلوا
نعم لقد كادت السعادة ان تخترق عيونهم العمياء ، لقبوني بالفاشلة ، و لكن المساكين لا يعلمون ان للفشل معنى اخر .. يا رب كن عونا لكل من تعب ..
شكرا لك اخي الاسكندر الاكبر على تلك الفكرة السابقة و على هذه الفكرة ، و شكرا للجميع
gooooooooooooooo !!!

لم ، ليست و لن تبقى اثاره للابد ، من رابع المستحيلات ان تبقى ، لانه كان فصلا ضعيفا ، و لامكان لكلمة الضعف و عائلتها في قواميسنا ! نعم تنوعت التمارين و اسئلتها عجيبة غريبة ، و لهاذا وجدتم انتم لمواجهتها و اثبات انها لن تمنعكم تعرقل نعم تخوف نعم تفشل نعم لكن توقف لم يحدث هذا بعد !

الاعتراف اقوى دليل على القوة و الارادة للتغيير ، اهنئك ،

، صدقيني اذا قابلت الجميع بصدر رحب ايا كان الذي يطرق نافذتك ، ابوابك لطلب المساعدة ، سوءا تمارين ، موقع استاذ ما ، كتاب افادك ، فلتعطي ، ربما نرى ان البعض لا يستحق او شيئا من هذا القبيل سيزيد احترامهم لك ، لن يسخر احد من فشلك و انا متاكد

انه من اليوم ، لن يفعل احد بل سيتعاملون برقي تعاملك ،

ان لم يكن هناك مانع ، هل تحسنت صحتك ؟


على كل القادم اعظم يا محاربين فكونوا اعظم مما كنتم عليه الفصل الاول ، ذلك الفصل الضعيف قد انتهى ، ذلك المسكين قد تفكك و انتهى نشاطه الاشعاعي ، و لم يعد صالحا للتذكر ! ، نحن اخذنا ثأرنا منه

تخطيناه ، لا احد يذكره بعد اليوم فهمتم !


انتم لها ، انتم لها !

[Histidine~]

المشاركة الأصلية كتبت بواسطة الاسكندر الاكبر

لم ، ليست و لن تبقى اثاره للابد ، من رابع المستحيلات ان تبقى ، لانه كان فصلا ضعيفا ، و لامكان لكلمة الضعف و عائلتها في قواميسنا ! نعم تنوعت التمارين و اسئلتها عجيبة غريبة ، و لهاذا وجدتم انتم لمواجهتها و اثبات انها لن تمنعكم تعرقل نعم تخوف نعم تفشل نعم لكن توقف لم يحدث هذا بعد !

الاعتراف اقوى دليل على القوة و الارادة للتغيير ، اهنئك ،

، صدقيني اذا قابلت الجميع بصدر رحب ايا كان الذي يطرق نافذتك ، ابوابك لطلب المساعدة ، سوءا تمارين ، موقع استاذ ما ، كتاب افادك ، فلتعطي ، ربما نرى ان البعض لا يستحق او شيئا من هذا القبيل سيزيد احترامهم لك ، لن يسخر احد من فشلك و انا متاكد

انه من اليوم ، لن يفعل احد بل سيتعاملون برقي تعاملك ،

ان لم يكن هناك مانع ، هل تحسنت صحتك ؟


على كل القادم اعظم يا محاربين فكونوا اعظم مما كنتم عليه الفصل الاول ، ذلك الفصل الضعيف قد انتهى ، ذلك المسكين قد تفكك و انتهى نشاطه الاشعاعي ، و لم يعد صالحا للتذكر ! ، نحن اخذنا ثأرنا منه

تخطيناه ، لا احد يذكره بعد اليوم فهمتم !


انتم لها ، انتم لها !

قصدي تبقى اثاره للأبد يعني اي محاولة راحة بدون فائدة او تكبر على العباد سيبقى بمحل " :Vu " و لهذا أخذت الصفعة للأبد بخصوص موضوع التكبر و التكاسل ... شكرا لك اخي على التهنئة فأنا اقاوم نفسي دائما لأتغلب عليها بخصوص التكاسل و التمرد ، بين قوسين ربطتها بأغلال و اي محاولة هروب ترجع لمكانها ... لانني ضيعت ثلاثة اشهر من حياتي بسبب الوساوس حتى كدت اجن منها ،
بالنسبة للمرض الحمد لله بقيت الدفعة الاخيرة من الاقراص و ان شاء الله سأشفى (هذه اخر ثلاثة اشهر) .. الحمد لله على كل حال ..





وداعا جميعا نلتقي بعد الباكالوريا كلمة السر "رميتها فالبحر" و لن اتذكرها مجددا لانها في الجي-مايل بعد الباك ندخل بيها
................×

[Lasmaa Ya]

حاساتك هاز بزاف من روح الاوتاكو
نسطعرف بيك

[انسام الريح]

بوركت ايها الاسكندر ***

[imi souki]

آآه ايها المحاارب لقد أشعلت حماستي المتقدة منذ خيباتي الاولى .. أنا بدوري أتحداآك .. و سأربح التحدي .. سأنال الامتيااز .. اوووه باكالوبيتي تبطخ الآن على مستعر أعظم لكنها لن تحترق لأني من اطبخها .. بوركت و بوركت عزيمتك .. المحاربون لا ينحنون أبداا .و الى الفيزيااااء شكرا على التحفيز الجبااار ..دومو أريجاتو جوزيمس
دمتم محاربين الى النهاية

[الاسكندر الاكبر]

المشاركة الأصلية كتبت بواسطة imi souki

آآه ايها المحاارب لقد أشعلت حماستي المتقدة منذ خيباتي الاولى .. أنا بدوري أتحداآك .. و سأربح التحدي .. سأنال الامتيااز .. اوووه باكالوبيتي تبطخ الآن على مستعر أعظم لكنها لن تحترق لأني من اطبخها .. بوركت و بوركت عزيمتك .. المحاربون لا ينحنون أبداا .و الى الفيزيااااء شكرا على التحفيز الجبااار ..دومو أريجاتو جوزيمس
دمتم محاربين الى النهاية

و أنا اقبل التحدي ، آه مستعر اعظم كم اشتقت الى المصطلحات الفلكية و الفيزياء الفلكية لم يبق الكثير و ننتهي من الحرب
كيف مر اسبوع الفيزياء ، هل من تحسن ؟ هل من تأخر ، هل البكالوبيا بخير ؟