دورة " ربات بيوت واثقااااااات"

[ام شمسو محمد]

مرحبا بيك اختي تاج الوقار..

واشي هذا تباني نفسيتك تعبانة خلاص ...هيا كوراج قريب تحطيها و تريحي ..

ما تعبيش روحك في الخدمة اذا لقيتي روحك مش قادرة ...اللي قدرتي عليها اختي ...كيما قلتي سوايع الهمة اللي تتعب و الاهداف كي تكون اكبر من القدرة ...اهم شيء تحصلي بيه على راحتك هو كي ما تعمريش راسك ... راكي مخلية روحك قاتلاتك التفاصيل ..و ماكيش عارفة تعيشي اللحظات تاع حياتك ...المرض و الجهد و المشقة و الغربة من متلازمات الدنيا ما تخليهمش ينسيوك فرحتك بالمولود القادم و امتنانك لشفاء بنتك ..و نجاحك في الحياة كزوجة و ام و مربية ..ادي من الحياة خيرها اغتنميه ما نعرف واش يلحقنا ....خذي واش عطاك ربي من نِعم احتفلي بيها....و المخاوف و الاحزان خذي منها لاجر في الصبر على ما لا يمكن تغييره ..و حسن الظن في ما عند الله من خير و سعادة و تجاوز و فرج ....ربي يعطيك صحتك و يسهل ولادتك و يرزقك تعيشي السعادة ..رغم الظروف ...و هذا هو الفوز

[تاج الوقار16]

هههههه شفتي راني في حالة
انا نفسيتي تتعب نهار ما نخدمش
ولا نجي نتحرك ونفشل
ولكن املي بالله كبير تستنى برك نولد وبربي ندخل عليكم دخلة جديدة هذا اذا لقيت وقت هههه
باذن الله بعد النفاس نحارب كل عادة سيءة تسللت لحياتي وترجع احسن من بكري

[لؤلؤة تلمسان]

المشاركة الأصلية كتبت بواسطة ام شمسو محمد

اهلا و سهلا بيك اللؤلؤة التلمسانية ...شوفي انا كي يقولو تلمسان نتفكر الاندلس ...و تلمسان بالنسبة ليا هي اندلس الجزائر ....و شهرة نساءها في القطر الجزائري هي انهن فحلات و جميلات و غاااااليااااااات ��....فاهلا بك يا غالية ..فحلة وسط حراير الوطن ....امتعينا بجمال روحك ...فاعلة و متفاعلة ..

طبعا دائما نحس بفرحة كبيرة كي تدخل وحدة جديدة ..و تقول بلي لقات فائدة في اجتماعنا هذا ...و نتمنى الخير يلقى كل باحث و مشتاق و كل انسان يحقق في حياتو الحالة القصوى من الجودة ....الهمة الهمة ..

بالنسبة لاستفسارك عن العمل المنزلي و الدراسة نقولك بلي على بركة الله ابداي في الاثنين ..كلاهما يكمل الاخر ...

ماكيش رايحة تكوني مرتاحة في دارك الا اذا ضبطتيها في اقصى الحالات و تحكمتي في كل المحاور ..أي وجود للفوضى راح يضرك و يعيقك..و ما يسمحلكش بنوعية الحياة اللي تساعدك على التميز و الابداع و النجاح ...و اسلوب الفراشة كيما تعتمديه في دارك تقدري تعتمديه حتى في دراستك و مشاريعك ....المهم التنظيم ...ما انصحك به كاخت صغيرة لي هو ..

اعتمدي روتين مسائي خفيف ...راح يساعدك في تسهيل اليوميات ...لانو يساهم في التحضير و الاعداد للغد ...يعني غدوة تلقاي روحك متخففة و متفرغة فقط لمشروعك و مهامك تاع اليوم اللي راكي فيه ...اغسلي ماعنك و خبيهم و امسحي الكويزينيار و نظفي الارضية ربع ساعة راهي تكفي ...و دوري في الدار رجعي لحوايج لاماكنهم و لمي و رتبي في خمس دقايق يكفيوك ....حضري لبستك و ادواتك و تفقدي مواعيدك للغد ...ماذابيك تفكري في الفطور و توجدي واش تقدري توجدي ....هكذا في الغد تلقاي كلشي تحت يدك و يومك يبدا بسهولة

و مع روتين المساء كاين روتين الصباح ...ما تسمحيش فيه ابداي يومك بترتيب مقرك باش تعيشي فيه نهارك ...ببساطة اغسلي واش تستعملي رجعي واش تستخدمي ..رتبي واش يفسد ...روتين الصباح الفراشات متفقين بلي يقدر ما يفوتش نص ساعة ...

يعني نص ساعة الصباح و نص ساعة لعشية يساهمو بزاف في سيطرتك و راحتك في بيتك .....منبعد كي تخلاص الامتحانات كي تحبي تزيدي تتقدمي في الاسلوب تقدري تتدرجي فيه باريحية كيما قالتلك رندا ...

و في هذا البيت المرتب و الاعمال المنجزة تفرغي لدراستك ��و ركزي على قرايتك بلا ما تقلقك حتى حاجة و ما تقعديش محيرة من شغل الدار ...تاجيل العمل المنزلي الى ما بعد الالتزامات الاخرى في حياتنا ما ينفعش ...تقعدي برك تاجلي في قراراتك و الفوضى تستحكم ...نحي شغل الدار من راسك و عيشي حياتك منذ الان

اهلا و سهلا بك مجددا في سرب الفرااااشاااات ��

وبك اهلا ومرحبا اختي ام شمسو

شكرا لترحيبكن بي بينكن

ان شاء الله نكون فاعلة ( خير بادن الله) ومتفاعلة معكن ان شاء الله

نصائحك قيمة اختي ، ربي يحفظكم ويبارك فيكم ، نعم عندما تدخل الفوضى بالبيت تعم بكل أمور الفرد الواحد منا

خاصة بالبيت الدي به افراد كثيرين

اعان الله ربات البيت

بدات بتطبيق بسيط اليوم وبتفكير حيوي إيجابي متفاءل ، ليس معناه ان بيتي به فوضى كبيرة لكن اقضي الوقت في التفكير كيف سافعل ومتى اصل لفعل هدا وداك ، ( إبتسامة ) خاصة وقت المناسبات وووو

لي عودة قريبة ان شاء الله باخبار طيبة ، أتمنى دلك

[rowaida18]

السلام عليكم و رحمة الله تعالى و بركاته
حبيباتي الغاليات و الله توحشتكم بزاااف و هذا وين قدرت ندخل باش نسلم عليكم

ان شاء الله تكونو كامل بخير و مواصيلن الجهاد نحو حياة أفضل............هذا ما نصبو إليه

[rowaida18]

أختي تاج الوقار ان شاء الله ربي يجيبلك وقفة ساهلة ...آآآآآآآآآآآآآآآآآمين
و نرحبو بضيفاتنا الجدد و ان شاء الله نفيد و نستفيد
و بارك الله فيكم فراشاتنا الغاليات على الإستمرارية و النشاط الدائم المسجل بحظوركن...فبارك الله فيكن و في مجهودكن....
و جزاكن الله خيرا

[rowaida18]

حاجة وحدة راهي محيرتني هو اختفاء أم تينة و تركها فراغ ملموس حقيقة
و أرجو من لديها أخبار عنها تخبرنا و تطمئننا عليها......
لأني لاحظت أغلب الأخوات يغيبو لفترة و مهما كان سببها إلا أنهم يرجعو و يبانو ثم يغيبو ثم يبانو إلا أم تينة ما زادتش بانت منذ فترة طويلة جدا فأرجو أن تكون بخير ....

[لؤلؤة تلمسان]

المشاركة الأصلية كتبت بواسطة rowaida18

حاجة وحدة راهي محيرتني هو اختفاء أم تينة و تركها فراغ ملموس حقيقة
و أرجو من لديها أخبار عنها تخبرنا و تطمئننا عليها......
لأني لاحظت أغلب الأخوات يغيبو لفترة و مهما كان سببها إلا أنهم يرجعو و يبانو ثم يغيبو ثم يبانو إلا أم تينة ما زادتش بانت منذ فترة طويلة جدا فأرجو أن تكون بخير ....

اهلا بك الأخت رويدة

علي انا الضيفة الجديدة او الفراشة الجديدة معكن

ترحب باهل الدار ، ابتسامة

ان شاء الله تسمعي اخبار طيبة على ام تينة وترجع سالمة ان شاء الله هي وكل الغائبات

دمتن بخير اخواتي في الله

[تاج الوقار16]

السلام عليكم ورحمه الله وبركاته
شكرا على دعائكم اخواتي
انا الرابعة صباحا نصت غسان اواني العشاء وفرزت الحرابة اللي دارتها بنتي
لاني استيقظ من الثانية ونصف من أجل التوالات وتلقى روحي في نشاط ويطير النعاس
كون ماشي راجلي راقد راني طبقت القش ومسحت
ومع صباح تحكمني دوخة يرجعلي النعاس واذا تعبت روحي تهبط لي لاطونسيون

[رندة.]

أصبحنا وأصبح الملك لله ولا اله إلا الله والله أكبر
اللهم أعنا على ذكرك وشكرك وحسن عبادتك
حسبي الله لا اله إلا هو عليه توكلت وهو رب العرش العظيم

صباح الخير فراشات

[رندة.]

اهلا وسهلا تاج الوقار ربي يسلكك على خير ان شاء الله، ما تعبيش روحك، الي قدرتي تعمليها اعمليها والي ما قدرتيش ربي ورحمته، حاجة ما راهي هاربة، اذا نعستي ارقدي وين راه المشكل؟
بالنسبة للصبغة وليماش مادام راكي بالحمل اصبري شوية مابقاش ياسر وتولدي وديري وش تحبي في شعرك.

[رندة.]

عودة ميمونة يا رويدة، مرحبا بيك مجددا، وكيما قلتي رانا كامل متحيرين على غياب ام تينة ان شاء الله تكون بخير هي وكامل عائلتها. ونتمناو الشفاء لابن أروى وتدخل وتطمنا عليه وعليها هي ثاني لأنها طولت في غيبتها. ام متين ثاني راهي غايبة من مدة، وام هاجر كذلك ان شاء الله كامل يكونو بخير.

[رندة.]

دقائق تفصلنا عن خروج وقت صلاة الضحى اغتنموها وفوزو ب 360 حسنة

[ام شمسو محمد]

صباح الخير فرااااشااااات

صباحك عسل رندا راني صليت و جيت و الحمد لله ....هذا احد ثمرات اجتماعنا ..اسال الله العظيم ان يجعل لمتنا هذي من اسباب ارتقائنا في الجنة ..

رويدا شوية كنت رايحة نديرلك نداء ...وش راهي الوالدة ريحت شوية ...و ولادك كاش نتائج مرضية للفصل الاول ...واش اخبارك مع خلطات التجميل نتاع رندا مازلتي تطبقي ولا فشلتي ...كاشما راكي تحني ...انا شريت الحنة و مزلت ما استعملتهاش ...سلوكي طوال هههههه...مستنية نقص شعري و نديرلو برنامج اصلاح ..درتلو لي ماش في الصيف و مازلت للان ندفع في الثمن ...رايحة نستعملها باذن الله مع العفصة اظن اسمها ...كانو الجدات يستعملوها باش تمد درجة بنية للون الحنة ..

اما سؤالك عن الغايبات واش نقول ...توحشنااااااهم و لكن الغياب اختيار ...حقهم علينا نحترموه اما الاحب لقلوبنا فهو بالتاكيد وجودهم و كل وحدة مرت من هنا خلات بصمتها و عندها مكانتها ..

اختي تاج الوقار دنيتك كامل مقلبة ....راجعي روحك ربما راكي تديري ممارسات خاطئة هي اللي اثرت عليك ...مواعيد النوم او نوعية التغذية ....من المفروض في الشهر الاخير تكوني كي العودة ...باش تجيك الزيادة ساهلة ...هكذا يقولو الامهات و كلامهم كامل صح ...و لكن مع حالتك الصحية اظن صعب...كذلك الانشغال ما يخليكش تحسي بالوقت يطوال عليك ..و ما تفكريش في الولادة ....هكذا تبقاي تخخمي غير وقتاش تتهناي ...ربي يسهلك و يسعدك ..

اختي اللؤلؤة التلمسانية شكرا على الترحيب الطريف ...ههههه

[أريج13]

المشاركة الأصلية كتبت بواسطة ام شمسو محمد

السلام عليكم ...صباح الخير فراااااااشااااات

نعبر اولا على فرحتي الغامرة بعودة الاخ الضال و التوام الثالث لينا انا و رندا الحبيبة اريج ...(كامل رانا مواليد سبتمبر 2016 في المنتدى )...عدت اهلا و نزلت سهلا و العود احمد حبيبتي اريج ..و اشرقت بدخولك الانوار.....نتمنى تكون ظروفك تحسنت و اوضاعك بخير ...و يسعدنا دائما حضورك ...

صباح الانوار رندا و شكرا على الابتسامات العذبة و الروح الايجابية اللي راكي تبثي فيها ...و قسم المنزل كلو يعترف لك بالفضل و المنة في احياؤو ...كشما عندكم مطر ...حنا الاجواء صحوة و ربيعية و البرد يقتل و المطر نسيناها كيفاش دايرة ...تخلطت الاحوال رحمتك يا ربي

شكرا لك حبيبتي ام شمسو على كلماتك الرائعة الحمد لله انا بخير ...و سابقى بخير ما دمت بصحبة النساءالواقفات مثلك و مثل كل الفراشات النشيطات.....

[ام شمسو محمد]

36 نصيحة تعيشك بسعادة و راحة بال باذن الله.....

0• إبدأ يومك بصï»»ه الفجر وبأذكار الصباح ليحصل الفلاح والنجاح..

1• واصل الاستغفار حتى يشرف الشيطان على الانتحار..

2• لا تقطع الدعاء فإنه حبل النجاة..

3• تذكر أن كلماتك تكتبها الملائكة..

4• تفاءل ولو كنت في عين العاصفة..

5• جمال الأصابع في عقدها بالتسبيح..

6• إذا أقبلت الهموم وتكاثرت الغموم فقل: "لا إله إلا الله"..

7• اشتر بالدراهم دعاء الفقراء وحب المساكين..

8• سجدة طويلة خاشعة أفضل من قصور الزهراء..

9• فكر قبل إخراج الكلمة

10• احذر دعاء المظلوم ودموع المحروم..

11• قبل قراءة الكتب والجرائد والمجلات، اقرأ القرآن..

12• كن سبباً لاستقامة أهلك..

13• جاهد نفسك على الطاعة، فإن النفس أمارة بالسوء..

14• قبِّل كفوف والديك، تنال الرضوان..

15• ملابسك القديمة، جديدة عند الفقراء..

16• لا تغضب، فالحياة أقصر مما تتصور..

17• معك أقوى الأقوياء وأغنى الأغنياء، إنه (الله) جل جلاله..

18• لا تغلق باب الإجابة بالمعصية..

19• الصلاة خير ما يعينك على المصائب والمتاعب..

20• تجنب الظنون السيئة، تُريح وتستريح..

21• سبب كل هم، الإعراض عن الله، فأقبل عليه..

22• صل صلاة تدخل معك قبرك..

23• إذا سمعت من يغتاب فقل له: اتق الله..

24• داوم على تلاوة سورة تبارك فهي المنجية..

25• المحروم، من حرم صلاة خاشعة وعينا دامعة..

26• لا تلاحق المؤمنين الغافلين بالأذى..

27• اجعل الحب كله لله ولرسوله..

28• سامح من اغتابك، فإنه أهدى لك حسناته..

29• الصلاة والتلاوة والذكر عقود زاهية على صدرك..

30• من تذكر حر النار صبر عن دواعي المعصية..

31• مادام الليل ينجلي، فإن الألم سيزول، والأزمة سوف تمر والشدة تذهب..

32• اهجر "قيل وقال" فعندك من الأعمال كالجبال..

33• صل بخشوع فكل ما ينتظرك أقل شأنا من الصلاة..

34• اجعل المصحف عند رأسك، فقراءة آية خير من الدنيا وما فيها..

35• الحياة جميلة وأجمل منها أنت بإيمانك...