أختنا [[toulay]] ضيفة تحت المجهر

[ايمانو الجزائرية 01]

المشاركة الأصلية كتبت بواسطة toulay

ا

اهلييييييييييين ايمانو وينك هذا واش حوالك ان شاء الله لباس
ههه الحمد لله الله غالب ظروف صحية م كنتش نقدر ندخل بزاف

انت الاروع ايمانو
حشمتيييييييييني 😆😆😆😄😄😄
وانا راني طايرة بالفرحة لانو شفت اسمك الباهي فالاستضافة تاعي
هه و انا فت الصاروخ اوووو that's kind of you deare
have a blast!!!

اقامة طيوبة كيما نتي
اسمحيلي طولت هذا وين بلغوني ف الايميل

ممم نشرّحك شوية

تولاي و القران ؟

كيف ترى اختنا حال الاسلام في وقتنا هذا ؟

هل تحب امورتنا التاريخ ؟ و ماذا تحديدا ؟

لو كانت لكِ فرصة لتعلم اللغة الالمانية ام التركية ، ماذا تختارين ؟

هل تتقنين الامازيغية ؟ ان لا هل تتمنين تعلمها ؟

اكلتكِ المفضلة ؟

تفضلين الكسكس ام الرشتة ام الشخشوخة الحارة ؟ { نجوعوك شوية }

اسعد لحظة في حياتك ؟

هل تحبين الشعر ؟

ما قولك عن اغاتا كريستي ؟

اجمل كتاب قراته ؟

تمنياتك للجزائر الغالية في 2018 ؟

و في الختام اتمنى انني لم اكثر عليكِ في التشريح

دمتِ في امان الله

[toulay]

المشاركة الأصلية كتبت بواسطة الحمزاوي متصرف

سلام عليكم ^ ^
وعليكم السلام ورحمة الله وبركاته
كيف حال استاذتي الجميلة ~••toulay •~~ وكيف الاعضاء قايمين بيك ؟!؟
راني terribly exhausted, i've just got back home
راهم لباس الحمد الله على كل حال
المهم عدت اليك مع مجموعة من الاسئلة آمل ان تكون خفيفة عنك :
ياسيدي مرحبا
نبداو بسم الله ^^
على بركة الله
1-ما الشيء الذي تكرهينه جداً؟
نكره الظلم والحقرة
2- ما هي أكثر نكتة مضحكة تعرفينها؟
كاين بزاف وحدة تنسي في اختها هههههه
3- ما هي الرسوم المتحركة المفضلة لديك؟
tom and jerry+ quoi de neuf scooby_doo ou bien scooby-doo where are you? +baby looney tunes
4- هل أنت قلقة بخصوص مستقبلك؟
des fois نتقلق و des fois نقول لجات من عند ربي مرحبا بيها
5-هل تودّين العيش في بلد آخر؟
نعم ان شاء الله
6-هل أنت أقرب في الطباع لوالدك أم لوالدتك؟
les deux ربي يخليهم ان شاء الله
7-ما عدد اللغات التي تستطيعين التحدث بها؟
عربية وفرنسية وانجليزية و un bon peu المانية وتركية
8-ما هو الشيء الذي تعتقد أن الناس يجب أن يفعلوه أكثر؟
فعل الخير
9- كيف تتعاملين مع الأشخاص الحقودين؟
نتجنبهم قدر الامكان
10-هل تؤمنين بأن الحديث مع الآخرين عن المشاكل يخفف منها؟
انا جاية conservative بزاف ومنحبش نحكي خصوصياتي لاي كان قليل خلاص وين نحكي الامور لتخصني افضل نخليهم بيني وبين نفسي الا اذا تحتمت وحسيت روحي راح ننفجر
11-أهم 3 أشياء على قائمة أولوياتك الآن؟
عائلتي النجاح والسفر ان شاء الله
12- هل تحبين الرعب والزومبي مثلي !!؟وماهو افضل فيلم رعب عندك ؟؟
لا لا نخاف حتى مثلا اذا جات لقطة تخوف نغمض عينيا منحبش نشوف ولا نقولهم بدلوا القناة
من المفروض اسمو wrong turn
لننتقل الان الى اسئلة بلغتك المفضلة ^^

1-what 's your favorite algerian traditional dishes?
كما قلت سابقا الشخشوخة
2- why don't we follow our religion ??
ربي يهدينا ان شاء الله
3- what's your favorite algerian song !!?
يعجبوني الاناشيد تاع الوطن كيما من جبالنا
4- do you think that english may become our first foreign ******** instead of french?
عن قريب ان شاء الله
5-why most people searching or wanting beauty only ???
الناس عقليات كل واحد واش يحب ويعني مين نجوا نشوفوا للصح الجمال يلعب دور مهم مراحش نقولك جمال كيما فنانين هوليوود ومنعرفش واش المهم تكون قناعة وقبول
اتمنى انها تكون خفيفة ( علابالي بلي كثرت :d)
اسئلة خفيفة ظريفة صحيتي ميرال
شكراا ^ ^

انا بدوري نشكرك والاجوبة داخل الاقتباس

المشاركة الأصلية كتبت بواسطة ~آمِينة~

سأفتتح الاستضافة مرة اخرة بقليل من الاسئلة
اهلا وسهلا
ما الشيء الذي شدك للمنتدى؟ وكيف تعرفت عليه؟
هو مين سجلت فالمنتدى كنت تلميذة كنت موالفة مين نحوس على كاش حاجة تخص الدراسة يخرجلي منتدى الجلفة ومبعد كاين لنصحوني بيه وسجلت
كيف تجدين المنتدى في هذه الايام؟
كاين اقسام نشيطة وكاين اقسام في سبات بصح all in all الحمد الله خير من والو
لو تمنحين ساعة للعودة بالزمن فإلى اي سنة تعودين ؟ولماذا؟
ايام البكالوريا عام 2011 ومن هنا نوجه تحية لكل زملائي في قسم اللغات كانت ايام لا تنتسى
في ما تقضين اوقات فراغك بعيدا عن المنتدى؟
احيانا نخرج ولا راني فالدار
هل سبق لك وان احسست بالرغبة في الموت على الحياة في الواقع؟
نعم
ذكرى جميلة لن تنسيها بمرور الزمن

يوم نجاحي فالباك
هل لديك معايير لاختيار الاصدقاء الجدد ام انك تفضلين الصداقات القديمة ؟
مكانش معيار محدد المهم نكون مرتاحة وفرات
ما الذي تفعله استاذتي ه وقت تحطمها؟
ابكي وابكي بحرقة
هل لك ان تصفي لي الحياة بكلمة ؟
جميلة ولا كما جاوبت سابقا طيحة ونوضة

شكرا

المشاركة الأصلية كتبت بواسطة bahi65b

السلام عليكم ورحمة الله
لو طلبا من الأخت toulay أن تتعرف على الأشياء التالية :
فبما تجيبنا ؟

01 -

02 -

03 -

04 -

بالتوفيق لك إن شاء الله

السلام عليكم
تبهدايل ماعرفت ولا حاجة فيهم حتى حشمت
عفوا بصح معرفتش
الصورة الثالثة بانتلي شغل فخار يخدموا فيه والله اعلم تبان الطين
شكرا

[أم عاكف ( الأم المعلمة )]

السلام عليكم ورحمة الله
مرحبا بالجميع وبشكل خاص ضيفة الخيمة النجمة * تولاي*
صحيح وصلت متأخرة لكن لا بأس سأتابع ما تبقى من الجلسة اللطيفة لطافة صاحبتها
معجبة أنا بصاحبة الاستضافة الخاصة بردودها الصريحة والممزوجة بثلاث لغات
وكما قالت لا يمكنها أبدا أن تكتب دون أن لا تمزج بينهم
ليس لديا أسئلة لأن هناك من سبقني بما كنت أود أن أطرحه
بقية استضافة ممتعة

[toulay]

المشاركة الأصلية كتبت بواسطة جَمِيلَة

السلام عليكم ورحمة الله وبركاته
مرحبا أختي تولاي نهارك طيب سعيد
أتمنى أن تكوني مستريحة معنا
أعتقد بأن مهاراتي في الأسئلة الماراطونية تتلاشى:d
مع ذلك سأترك بعض الأسئلة:
°أين توجد تولاي الآن: في الماضي، الحاضر أم في المستقبل؟ بتعبير آخر هل تحسنين عيش اللحظة ام أنت دائمة
الحنين للماضي والقلق على المستقبل؟
نحاول نستمتع بوقتي قدر الامكان ونعيش الحاضر تاعي ونضحك ونلعب ونتمسخر
المستقبل كيما قلت خطرات نتقلق ونتمنى يكون مستقبلي زاهر ان شاء الله
وفيما يخص الماضي كاين saying يقول when your past calls, don't answer. It has nothing new to say
°°هل انت إنسانة طموح؟ إلى أي مدى تحققت أحلامك وطموحاتك؟
نعم طموحة وكيما يقولوا the sky's limit
ان شاء الله تتحق واحد وراء الثاني
°°°واضح لنا جميعا أنك عفوية، وما في قلبك على لسانك: هل سبب لك طبعك هذا المشاكل مع من حولك؟
maheureusement oui
كاين عباد يحبوا لينافقهم ويكذب عليهم هذاك يحبوه ويموتوا عليه وليهدر كلمة الحق ميعجبهمش الحال
أتمنى لك بقية استضافة ممتعة وطيبة
بارك الله فيك
تحياتي

السلام عليكم
اهلا اختي جميلة
الجواب داخل الاقتباس
شكرا

المشاركة الأصلية كتبت بواسطة زيان.

السلام عليكم ورحمة الله وبركاته أخيّة
تحيّة نقيّة خاصّة خالصة للأخت المحترمة ..تولاي
سعدنا جدا باِستضافتك هاهنا في قعدة تحت المجهر ..نتمنّى أن تكوني في خير وعافية
سأكتفي بالترحيب فحسب ..إذن مرحبا

السلام عليكم
اهلا وسهلا اخي
الله يسلمك تعيش وشكرا جزيلا على كلماتك الرائعة
لباس الحمد الله دائما وابدا
ترحب بيك الجنة ان شاء الله

المشاركة الأصلية كتبت بواسطة مصطفى_س

السلام عليكم و رحمة الله

مرحبا بالمشرفة تولاي
إقامة ممتعة مع النخبة


لي بعض الأسئلة
ما رأيك بمستوى التلاميذ في الجزائر من خلال تجربتك في التعليم ؟
غير مهتمين يفكروا غير فالنقطة وبس حاشا البعض
هل هناك أمل في تحسن أوضاع الجزائر في نظرك ؟
ان شاء الله مدابينا لانو الحالة لا تبشر بالخير بكل
أي قسم يعجبك في المنتدى ؟
يومياتي وقسم النكت
هل تستعملين الهاتف مع النت في القسم ؟
jamais

بقية سهرة ممتعة لك و لكل الاعضاء

السلام عليكم
ان شاء الله
شكرا

[bahi65b]

المشاركة الأصلية كتبت بواسطة toulay

انا بدوري نشكرك والاجوبة داخل الاقتباس

شكرا

السلام عليكم
تبهدايل ماعرفت ولا حاجة فيهم حتى حشمت
عفوا بصح معرفتش
الصورة الثالثة بانتلي شغل فخار يخدموا فيه والله اعلم تبان الطين
شكرا

ياحسرتي عليك ما عندك حتى صلة بالبا دية
1 قنونة guenouna تستعمل لشرب الماء
2 مثرد
3 عكة بضم العين تستعمل لحفظ السمن مصنوعة
من. جلد الحيوان و ليست فخار
4 حبة ترفاس إسطوانية الشكل نوع من الفطر
فرصة أخرى إن شاء الله

[شمس الأمنيات]

سلآم
مساء الخير استاذتي ان شاء الله احوالك تمام والعائلة بخير
حدثيني عن
ذكرى لـــــــن تنسيها مميزة
موقف طريف حدث معك
اكتفي بهذا القدر
الشيءلي نجي نقوله نلقاهم قالوه ... تبا لحظي
bahi65b
لم افهم الصورة 3 {كيف يتم صنعها }
الباقي عرفتهم

[toulay]

المشاركة الأصلية كتبت بواسطة إنسانة بسيطة

السّلام عليكم

قلت أن منتدى الانجليزية خامل فهل ستستائين إن لم يتم تثبيتك في الإشراف ؟ ( صراحة بحسب متابعتي لك أجدك مشرفة مناسبة لقسم يومياتي أو المجتمع فأنت تملكين ذلك الإبداع الذي يؤهلك للنشاط و تنشيط تلكم الأقسام )

أنت مشرفة بمهامك و عضوة بمشاركاتك و مواضيعك و تحسنين التوفيق بين المهمتين فما الذي يمنع في اعتقادك مساهمة باقي المشرفين في كتابة مواضيع و وضع ردود في مواضيع غيرهم ؟

ربما لي عودة ، دمت في حفظ الرحمن أخت تولاي

وعليكم السلام ورحمة الله وبركاته
نعم بزاااف
بلاك نزعف في هاذيك الدقيقة ومبعد نولي نورمال
قسم يومياتي يعجبني لانو تماك الانسان يقدر يفضفض ويقول واش كاين في باله وفيما يخص قسم المجتمع منيش قادرة على لهبال والدابزة كل دقيقة
لانو تماك كاين بزاف تعصب للراي لمعزة ولو طارت وكون نعاند روحي نحظرهم كامل ونبقى انا وحدي نسرح ونمرح فيه كيما نحب ونتهنى
تماك ليمد الراي تاعه يحصل حصلة من المقطوعين
كل مشرف وكيفاش يخمم
انا صراحة نحب نتعامل وكاني عضوة ومثلي مثل بقية الاعضاء منحسش خلاص روحي مثلا superior to them
كاين لمشغولين متلقاش عندهم الوقت ولا لاتيين مع حاجة خلاف او هذاك الموضوع معجبهمش
شكرا جزيلا اختي

المشاركة الأصلية كتبت بواسطة ايمانو الجزائرية1

على سلامتك ايمانو وربي يشافيك ان شاء الله
صاروخ حتى من حنا عندنا ازمة صواريخ لكان تتبرع بتاعك حسنة عليك
سماح اختي
واش دورتيها طب وبيولوجيا باش تشرحني منغيضكش
الحمد الله ياربي راني موالفة نقرا القران وربي يثبتني ان شاء الله
الاسلام شوهوه مع الاسف
الاسلام هو دين يسر وسلام مشي دين ترهيب ويخوفوا فالغاشي
التاريخ مشي حاجة لانو فيه الحفظ بزاف وكانت عندي فوبيا منو مين قريت الحضارة وهو module صعيب ويلزمك bagage كبير
نخير التركية déja راني نعرف كلمات
لا لا منعرفش وان شاء الله علاش لا
الشخشوخة
نفضل الشخشوخة بصح الحار منحبوش
يوم نجاحي في البكالوريا
نموت على الشعر
كاتبة ناجحة وابهرت الناس بكتبها وهي leader و number one في الروايات البوليسية
الاسود يليق بك لاحلام مستغانمي
ان شاء الله تتحسن الاوضاع وخلاص
عادي امانو تشريحك مرحب بيه في كل ثانية ودقيقة وساعة
ان شاء الله
شكرا

المشاركة الأصلية كتبت بواسطة أم عاكف

السلام عليكم ورحمة الله
مرحبا بالجميع وبشكل خاص ضيفة الخيمة النجمة * تولاي*
صحيح وصلت متأخرة لكن لا بأس سأتابع ما تبقى من الجلسة اللطيفة لطافة صاحبتها
معجبة أنا بصاحبة الاستضافة الخاصة بردودها الصريحة والممزوجة بثلاث لغات
وكما قالت لا يمكنها أبدا أن تكتب دون أن لا تمزج بينهم
ليس لديا أسئلة لأن هناك من سبقني بما كنت أود أن أطرحه
بقية استضافة ممتعة

اهلا وسهلا ومرحبا سيدة ام عاكف
ان شاء الله تحسنتي شويا
ربي يجعلك الشفاء امين يارب العالمين
ان تصل متاخرا خير من ان لاتصل ابدا
impossible نحس حاجة ناقصة ونحس روحي مشي نورمال
خيرها في غيرها ان شاء الله
مدابيا
شكرا جزيلا

المشاركة الأصلية كتبت بواسطة bahi65b

ياحسرتي عليك ما عندك حتى صلة بالبا دية
1 قنونة guenouna تستعمل لشرب الماء
2 مثرد
3 عكة بضم العين تستعمل لحفظ السمن مصنوعة
من. جلد الحيوان و ليست فخار
4 حبة ترفاس إسطوانية الشكل نوع من الفطر
فرصة أخرى إن شاء الله

السلام عليكم
نعم ياحسرتك قولها وعاودها
تبهدايل كبار
صراحة كون بقيت 100سنة منعرفش الجواب
لاني اول مرة نسمع بالمصطلحات هاذو
شكرا

المشاركة الأصلية كتبت بواسطة شمس الأمنيات

سلآم
مساء الخير استاذتي ان شاء الله احوالك تمام والعائلة بخير
حدثيني عن
ذكرى لـــــــن تنسيها مميزة
موقف طريف حدث معك
اكتفي بهذا القدر
الشيءلي نجي نقوله نلقاهم قالوه ... تبا لحظي
bahi65b
لم افهم الصورة 3 {كيف يتم صنعها }
الباقي عرفتهم

وعليكم السلام ورحمة الله وبركاته
صباح الانوار
الحمد الله يسقسي عليك الخير ان شاء الله وانت واش حوالك كيفاش مدايرة مع التحضيرات للباك
ربي يوفقك امين يارب العالمين
ذكرى لمستحيل ننساها يوم نجاحي في البكالوريا نشفى عليها كنت في منتدى الجلفة حتى واحد قال راني نجحت فالباك والمعدل كذا والنتيجة راها خرجت
انا في هاذيك الدقيقة خفت وقلبي رجع يخبط مليار في الثانية
malgré كنتي علابالك بلي خادمة مليح والباك راح تديه بصح في هاذيك الدقيقة تتوسوس ويطيحوا عليك واحد الافكار يالطيف
مبعد دخلت للموقع درت رقم التسجيل وانا راني نفيبري من الخوف وبقيت نهبط نهبط حتى وصلت للمعدل وكانت الفرحة 14 والحمد الله
شعور اكثر من رائع مين تشوف داركم فرحانين والجيران وكل دقيقة يجي واحد للدار يزغرتلك
علابالك شبعولي زغاريد ههههه حتى حشمت ماخصني نقولهم اسكتوا قلبوا الدنيا
وغدوة الصباح رحت للثانوية تاعي لكنت نقرا فيها تلاقيت مع الاساتذة وتاني ليقراو معايا الغاشي بزاف والموسيقى المهم دايرين حايلة في lycée
ياريييييت ترجع الايام
راني وليت جدة لاني قاعدة نحاجيلك
موقف طريف كيما سبق وجاوبت الاخت جميلة نهار كنت مزروبة وغلطت ركبت في حافلة نقل العمال حشمت واش نقولك
شكرا جزيلا على المرور وان شاء الله نفرحوا بيك يوم نجاحك في الباك امين يارب العالمين

[toulay]

السلام عليكم
Time to leave
لكل بداية نهاية والاستضافة راها في نهايتها
جزيل الشكر لكل من رحب بي وقام بسؤالي
وتاني نشكر المشرفة الجميلة جميلة على استضافتها لي للمرة الثانية وان شاء الله تكون استضافة اخرى
بلا ماننسى نقول thank you لجنود الخفاء او بصريح العبارة الفضولين النسناسين ليطلوا ويهربوا ولا يعسوا فالردود تاعي يعطيكم الصحة وراني فايقة بيكم وبارك الله فيكم
هيا اتهلوا في بعضاكم ومع الف سلامة
See ya
كانت معكم toulay en personne بشحمها ولحمها
Au revoir
سلاااااااااام

[جَمِيلَة]

السلام عليكم ورحمة الله وبركاته
مساء الخير إخوتي وأخواتي
انتهت استضافتنا لأول اسبوع من العام الجديد
شكرا لك أختي تولاي على قبولك الدعوة
كانت جلسة خفيفة وممتعة
وأنتم أيضا شكرا لكم منشطي القسم وأوفياءه على حسن
ضيافتكم وكرمكم المعهود جزاكم الله خيرا
نلتقي في القريب مع استضافة أخرى بإذن الله
سبحانك اللهم وبحمدك أشهد ان لا إله إلا أنت أستغفرك وأتوب إليك
تحياتي