ما هو حل امثل لنضج حبوب جافة

اميرة باخلاقي 00 · 2017-11-25, 11:26

ما هو حل امثل لنضج حبوب جافة

أم رقية نسرين · 2017-11-26, 12:13

شوفي ختي انا نشمخ اللوبيا و ااحمص بعد من نكون غسلتهم ملييح ليلة كاملة مع البيكاربونات وفي الصباح الحمص نصفيه من هاداك الماء و نطيبو عادي و اللوبيا نحطها تغلي في الماء لي شمختها بيه و كي تهز الغلية نصفيها و نطيبها عادي في لاكوكوت يطيبو زبدة

first first · 2017-11-27, 23:40

لوبيا والحمص شمخيهم ليلة قبل بالبيكاربونات او خميرة كيميائية
كذالك العدس شمخيه لفترة بالخميرة الكيميائة او بيكاربونات في ماء دافئ لكن لفترة اقل....هو ليه ليه يتشمخ.

sonia.morchid · 2017-12-14, 11:08

بالنسبة للوبيا تشمخيها ليلة كاملة فالماء فالصباح تصفيها وتغسليها مليح حطها فالماء البارد سلقيها وحدها وبدون ملح علي نار قاوية لما تغلى نقصي النار وخليها تطيب في عقلها والطريقة نتاع تطياب الللوبيا كي العادة البصل والجزر مقطع مربعات صغيرة مع الطماطم حب والطماطم المصبرة 2 ورقات رند والتوابل عادة انا نطيب الحبوب بدون لحم وانت لكي الاختيار لما يتقلاو مليح تسناي حتى تطيب اللوبيا وتضيفي ليها باقي المقادير ماتنسايش الملح تضيفها لليصل ماشي للوبيا جربي وقوليلي .

اميرة باخلاقي 00 · 2017-12-17, 13:19

شكرا لكم جميعا لوبيا طبلي نورمال

في كوكوت يطبولي لما نطيب عدس و حمص في قدر عادي لميطبش

انا اظن نوعية منتوج لان زمان كنت نطيب عدس في قدر ويطيب عادي كنت نطيب دوبارة

مرة اشتريت حمص كردو طبلي