عاونوني رحمة على والديكم

[المشتاق لجنة النعيم]

أنا نقترح عليك تستثمر في مجال الفلاحة خاصة مشروع الأغنام ( راس المال تاعك ديما كاين وواجد و ان شاء الله فيه فايدة )

مثال برك : تشري 50 راس ب 100 مليون ( 2 ملاين للخروف ) ، الأكل و الخدام ( الراعي ) حوالي 20 مليون

كي يلحق االعيد الكبير ( بعد 5 اشهر ) تقدر تبيعهم ب 3,5 مليون للراس . يعني 175 مليون فالجملة و الفايدة تاعك تكون حوالي 50 مليون في 5 أشهر ( 10 ملايين للشهر ) ، أنا نقولك فهاذ المعطيات عن تجربة و إذا ماعندكش بيئة ريفية تقدر تدخل شريك مع واحد ثقة و الأرباح لا تختلف كثيرا .

[fcm1985]

بالنسبة للاغنام لاتوجد المكان

[sofienesofienedouaa]

يا اخي حاجة ساهلة روح أشري فريقو كونتوار وفريقو كبير وأكري حانوت وبيع الدجاج الجاهز يعني تجيب من الباطوار وتبيع عندك حوالي 5 أو 6 في الكيلو يعني دجاجة تاع 3 كيلو تجيب فيها 15 ألف وإذا بعت غير 10 في اليوم عندك 150 ألف وبالمداومة راح تبيع أكثر من 20 دجاجة يوميا والله ولي التوفيق

[تزيرية]

السلام عليكم و رحمة الله و بركاته

سبحان الله! تقريبا كل المشاركات استهلاكية! ألا ننتج شيئا؟!

أنت في بسكرة، التراب تاعهم رائع، تقريبا كلش ينوض عندكم، الجو هايل لتربية الأغنام

الفلاحة : بيت بلاستيكي واحد مدخوله 80 مليون ما عرفتش في العام و الا في الفصل الزراعي
تربية الأغنام جدا جدا مربحة و التعب فيها قليل
تقول ماكانش مكان، هنا ممكن تشري قطعة ارض صغيرة بعيدة على الغلا و وين كاين الكلأ و بسم الله، الربح الخام تاعهم 35% .

[mrmilano1984]

انت علاه تشاور الناس شاور عقلك اني نشوف واحد الاجابات كلها استهلاكية وتغلط فيك هل هم يجرؤون علي القيام بها طبعا لا ويجي يشر ويدبر عليك بافكار جهنمية خمم بعقلك مليح وشاور عقلك جيدا

[khalil-daga]

ربي يعينك خويا

[fcm1985]

بارك الله فيكم

[fcm1985]

هل من افكار

[yazidbatna]

ساحاول مساعدتك

[yazidbatna]

سارد عليك غدا

[fcm1985]

هل من معين

[edem]

السلام عليكم ياخويا راني قريت كلامك صدقني حاب نعاونك ولو بفكرة اذن مكان واسع اكريه وبيع فيه الفراي 6و12 و14 وبسنات وطوب وسمان وشبكة نتاع لحديد راس المال لي عندك يساعدك على النشاط هذا وربي تلقى فيه الخير وزيد اخدم حتى اللوح نتاع الماصو والنجارة كاين ذاني بلاكو بلاطر كاين لبلاستيك نتاع السقف ولحيوط خويا لازم تشقى وطيح وتنوض وتتعب وتسقسي عول على ربي وذراعك وتوكل على الله ربيى معاك

[الزبرجد]

السلام عليكم

اخي الكريم لماذا لا تستمر في مجالك الذي تعمل فيه

يمكنك فتح فرع وكالة سياحية و تخدم sou-traitance...حجز تذاكر سفر و فنادق ز تنظيم عمرات

و بالصبر و الجهد تستقل و تكون لك وكالة خاصة بيك و تجيب iata و تتيسر امورك

[fcm1985]

بارك الله فيكم اخوتي

[محمد جديدي التبسي]

المشاريع الناجحة في بلادنا هي المشاريع الاستهلاكية كمحلات الأطعمة والملابس فاستثمر في هذا المجال مسألة الكراء ليست مشكلة فما تجنيه في الشهر أضعاف ثمن الكراء
هناك أيضا مشروع مربح وهو بيع أغلفة وعلب الحلويات وكل ما يتعلق بها من قوالب وأكياس ...الخ
على الهامش/
عندي صديق من طولقة أستاذ ثانوي (عائلة منصر) عندهم النخيل والأرض يمكن أن أوصلك به لعلكم تتفقا على مشروع هو عندو أرض وماعندوش راس مال حاليا.بالتوفيق