دورة خطواتي الواثقة لأصبح ربّة بيت متألّقة - الصفحة 37

~اسيل ريحانتي~ · 2016-10-19, 08:09

يا الله سبحان من خلق الجنة ونعيمها لعباده الصالحين اللهم اجعلنا من عبادك الصالحين اميين يارب العالمين
ام تينة ربي يبارك فيك ويجعلك من اهل الجنة قولي امين

~اسيل ريحانتي~ · 2016-10-19, 08:13

ماريا ملاك صح الاتقان هو الصح ماشي غير خدم وردم على قول امي هههه
يعطيك الصحة حنونة

~اسيل ريحانتي~ · 2016-10-19, 08:17

ام متين لا شكر على واجب نحن في الخدمة ههههه

غزالة حتى انا ماعلاباليش لا كاين علب كبار تاع بيكربونات على خاطر انا نشري غير ساشيات صغار نشري كمية كبيرة ونعمرهم في علبة زجاجية انا قلت بلاك كاين في لي سوربرات لكبار حتى نروح نضرب طلة ونشوف مادابيا نلقا كمية كبيرة

ام شمسو محمد · 2016-10-19, 08:34

ام تغاريد طولت ما امتعتيناش بتغريداتك.ان شاء الله تكوني بخير .ادخلي مرة على مرة حركي النقاش .مع كل التقدير لظروفك
الدورة محتاجة لاشراف فني يعطي زخم لهاذ الكوكبة من الفحلات تكفينا اطلالة

أم فاطيمة · 2016-10-19, 08:48

يصبحكم بالخير و الربح شيرات يعطيكم الصحة
ما اجمل كلمات الجنة ربي يجمعنا فيها اجمعين
غزالة البكربونات تتباع بالميزان عند لبيعو لوازم الحلويات انا نشري غير
بالميزان تجي زاكية
ماريا يسلم فمك لازم الاتقان في العمل وهذا هو الهدف م الدورة

جهينة اليقين · 2016-10-19, 09:05

شكرا على الاثراء يا ام تينا والله هذه الكلمات تعطي دفعا قويا للدورة نحس باننا نلم بكل الجوانب التي تخص الدنيا والاخرة جعله الله في ميزان حسناتك

جهينة اليقين · 2016-10-19, 09:09

اليوم كي كملت الجانب الديني وروتيناتي الصباحية المعتادة اتجهت الى واحد المنطقة ساااااااااااااااخنة حولنا الفراش من غرفة الى غرفة اخرى صنعنا لو بلاكارات باش ما يبانش خدمت واحد النص ساعة وغلقت الباب وخرجت حكمتني الدوخة حتى خذيت دوش باش ريحت شوي

polyma · 2016-10-19, 09:09

اقتباس:

المشاركة الأصلية كتبت بواسطة ~اسيل ريحانتي~

اهلا بيك حياتي كلها امل هدا شكلهم

[/SIZE][/CENTER][/I][/B]

"فوائد
كرات الاستحمام الفوارة Bath Bomb

المتعه الفائقه فاستخدام الكرات الفوارة بغض النظر عن فوائدها
تعقيم الجسم وتنظيفه من الشوائب والبثور والدهون
إزالة سموم الجسم
تقشير البشرة
استرخاء وتهدئة العضلات حين إضافة الزيوت المهدئة والأملاح
تنعيم وترطيب الجلد
تمنح الجسم رائحة جميلة ومنعشة
تنشيط الدورة الدموية حين إضافة الزيوت الأساسية المنشطة
علاج بعض الأمراض مثل الصداع النصفي والتهاب المفاصل والربو والاكتئاب بحسب الإضافات اللي تضاف للحمام

* بإمكنا صنع هذه الكرات فى االمنزل

sabah alkhir 3alikome
chokrane okhti 3ala hade ma3loma mafhmte kifache nast3amloha madahkoche 3aliya
awale mara nasma3 biha

ادرة مكنونة · 2016-10-19, 09:21

السلام عليكم يسعدني ان انظم معكم في هاته الدورة التي احتاجها كثيراا هذا دفتري وقلمي

omelbanin · 2016-10-19, 09:22

السلام عليكم، ماريا ملاك، والله غير للأسف كامل عندنا طبيعة وحدة، نكتروا التزرزيق اومبعد نعياو باش نخملوا، نعودوا نسلكوا برك.
مع حنا الدين تاعنا حثنا على الاتقان، ولاو الغرب يطبقو هاذي المبادئ وحنا لالا.
ربي يهدينا.

ادرة مكنونة · 2016-10-19, 09:28

هذه اهدافي

omelbanin · 2016-10-19, 09:34

مرحبا بك أختنا الدرة المكنونة،
انا اليوم نظفت تحت البوتاجي، نظفت سلة الخضر، وغسلت الدلو تاع السميد وتاع الفرينة، وسيقتو ومازال ما سرجتش حتى تنشف الحالة.
غسلت الملابس ،وسيقت البيوت وطيبت لفطور لوبيا.
الجانب الديني ،العذر الشرعي، بصح حافظت على الاذكار، الجانب الجمالي نص نص.

ادرة مكنونة · 2016-10-19, 09:41

اهلا بيك الاخت ام البنين انا نضت كيما العادة على 4 قمت الليل منقدرش بلا بيه روعة كي يخلو الانسان بربه ومن بعد صليت الصبح وحفضت نص ثمن كالعادة اللهم ثبتنا ياااارب وطيبت القهوة ونوضت اولادي وبناتي للمدرسة وا نا وبنتي الكبرى نتعاونوا على التنضيف والطبخ فطورنا كسكسي ربي يخليكم اخواتي احبكم في الله

غزالة1 · 2016-10-19, 10:03

صباح الورد على الفراشات الجميلات
بارك الله فيك يا ام تينة و جعل كل لمتنا مباركة و باذن الله نلتقي في الجنة
شكرا

غزالة1 · 2016-10-19, 10:06

شكرا اسيل و ام فاطمة على الاجابة سابحث عنه عند بائع مستلزمات الحلويات اول ما اخرج
اهلا بك يا درة المكنونة بيننا