نصيحة من فضلكم

[مشكلتي]

السلام عليكم ورحمة الله تعالى وبركاته اخوتي في الله احببت فتاة كثيرا وقد بحت لها بما في قلبي وشاركتني نفس الشعور وقد نويتها في الحلال وكانت تلك الفتاة كلملاك وقد التقيت بيها وحكيت معها وكانت قمة في الروعة وقد احببتها كثيرا لدرجة اني كنت انتظر نجاحها في دراستها لاتقد لخطبتها لكن المفاجئة هي انها كانت صديقة قريبة جدا من صديق وجار لي حيث كانو اصدقاء في الدراسة ولم امانع ذلك ولكن لاتفاجئ بلكارثة ان صديقها وجاري في نفس الوقت يخبرني بانها فتاة ليست جيدة وذات علاقات كثيرة ومن هناك لم اتصل بها مع انها كانت تتصل بي ولا ارد عليها وحينما اتصلت بي صديقتها اخبرتا فتصلت بي هي تبكي واخبرتني انها ليست لها اي علاقة واقسمت بشرفها وكل شيء عزيز عليها وانها نوت معي غير الخير واخبرتني صديقتها انني ضلمتها ولكن لا اعرف ماذا افعل فانا لم ارى اي شيء وصديقي قالل كذا وللعلم احبها جدا فهل انا ضالم علما ا الفتاة ترقد الان في مستشفى بسسب مرض هل اتصل بها ماذا افعل؟؟؟؟؟؟

[اريج 07]

يا خويا انت متاكدتش و حكمت على الطفلة تاكد ومن بعد احكم و نقلك حاجة مكانش طفلة مغلطتش الا من رحم ربي انت الا تحبها توكل على ربي و روح اخطبها و ربي يفرج

[ريان برهوم]

انا تبانلي راك غلطت بلبزاف وتبانلي هذا صديقها كان عينو فيها حاب يحرمهما عليك كون قتلو علاش راك مصادقها فيق يا .............انسان راكم وليتو تقلقوني يا شباب ليوم

[أناييس الربيع]

احيانا استغرب في رجال من فصيلتكم وأشعر بالعار كونكم رجال فعلا
لست أجرحك بكلامي ،بالنسبة لي هذا موضوع تافه ،تقيمون علاقات
قبل الزواج وتتوقعون ملائكة خلف الستار ، ماهكذا تورد الابل يا أخي
وجارك هذا قام برمي محصنة وتصدق حديثه عجبا
"وترقد بمستشفى "وتكتمل القصة بنهاية فلم هندي أو تركي كالعادة
أخي في الله انت في العشر الاواخر واستغفر لذنبك وتب الى الله
وأوتو البيوت من أبوابها"ولحظة صدق مع الله ستبين لك كل مبهم

[thorpe]

تصدق بنت وتكذب رجل؟؟؟؟ ما بك يا هذا
نصية من خوك رد بالك تامن دموعهم والله
يقدرو يبكو على مسلسل تركي يا ودي نورمال ههه
خذ كلام صديقك على محمل الجد وابحث جيدا في الامر
قيس قبل ما تغيس راهي مسالة شرف
جات الهدرة عليها ضرك وهي معاك برك
خير ما تجي لهدرة عليها وهي مرتك
لا دخان بلا نار
اجبد روحك وتهنا صديقي

[nanoua7]

يا اخي اسال و اقطع الشك باليقين ادا كان هاد الهدرة صح او لا و نزيدك حاجة اخرى يا اخي وما رانيش نبرر لها مي ماديرش على هدرة الناس عن تجربة

[صمت الرجوله]

و علاه ياخاوتي بهدلتو بينا, علاه ولو الرجال يخممو كيما هاك....هذا كله تاثير المسلسلات لي وليتو تزاحمو فيها النساء

[rose de sable s]

انت اتصل بها للسوال عنها لمرضها
ادا كانت اخطات من قيل وهي في سن مراهقة انت من تقرر ان تسامحها او لا
وعلي اقل اسال شحص اخر يجب ان يكونا شاهدين

[سارة البوسعادية]

استعجبت وبشدة لهاته العبارة
كانت صديقة قريبة جدا من صديق وجار لي حيث كانو اصدقاء في الدراسة ولم امانع ذلك
يعني هذي تديها وغدوة كي تجي فايت في حارتكم يرفع يدو يسلم عليك وعلى مرتك وكي يتلاقا بيك يقلك وشراها فلانة عندنا وقت ما شفناهاش ولا كيفاش
يعني صايي وصلنا كيما قال الي قبلي للمسلسلات التركيه

[خولة لبابة]

اياكم و الظن فان الظن اكذب الحديث......لا تتصل بها بل اذهب و اخطبها انوي الحلال و الله سيوفقك ......في بعض الاحيان الاناس الاخرين يغارون فيبدعون في الكذب....و الله اعلم....

[ميس نهى]

السلام عليكم ورحمة الله وبركاته
أبدًا لا تصدق كلام الناس ... يكذبون كثيرًا ، وكل ما يريدون هو تشويه سمعة الفتيات ..

توكل على الله واخطبها ... وربي يشفيها

[elhosseyn3483]

المشاركة الأصلية كتبت بواسطة سارة البوسعادية

استعجبت وبشدة لهاته العبارة
كانت صديقة قريبة جدا من صديق وجار لي حيث كانو اصدقاء في الدراسة ولم امانع ذلك
يعني هذي تديها وغدوة كي تجي فايت في حارتكم يرفع يدو يسلم عليك وعلى مرتك وكي يتلاقا بيك يقلك وشراها فلانة عندنا وقت ما شفناهاش ولا كيفاش
يعني صايي وصلنا كيما قال الي قبلي للمسلسلات التركيه

والله حشمتنا خويا
طفلة عندها نيف عليك انت
وانا نقول وعلاه النساء راهم فالتين
روح بدل الموضوع واحفظ ماء الوجه
اعجبتيني الاخت سارة زديه
ربي يرحم الرحم ري رفدك

[آسيا 25]

صاحب المشكلة بما انك ما تمانعش انو زوجتك المستقبلية يكون عندها اصدقاء رجال و علاش راك مقلق ياخي عندك عادي علاش تناقض في روحك?بانتلي الحكاية هادي ماكانش منها كامل!!!

[~طَـــمُـــوحْ~]

يا اخـــي رغم انني اختلف معك جذريا و لم افهم القصة على اكمل وجه ما انصحك به ان تغلق باب الحرام وتفتح باب الحلال والملجأ الى الله في صلاة الاستخارة وانت ادرى بظروفك ...

[ikrama09]

الله يهديك انت وهادا اللي اهدر فيها مسكينه .....بالاك كان حابها تكون ليه على ديك قالك هاد الكلام....وانا كون جيت فبلاستها نقلك روح...خطرش منقبلش بواحد يدير على هدره الناس بلا حتى ما يسقسيني ولا يحوس يتاكد....امالا اليوم هكدا وكون كنتو متزوجين كيفاش طلقها مثلا ؟؟؟؟ عجب والله ....نتوما الرجال عندكم كامل بنات الناس يغلطو وفيهم وفيهم الا زوج برك.1. اخت ...2.اللي تخيرهالك يماك ....هادو بالنسبه ليكم مقدسين وخاطيهم....والبنات الباقيين كامل مهناش والما ماشي تحتكم ياو فاقو.....مرضت بنت الناس روح ادعي ربي يشفيها ويخليها للي يستحقها ولا استرها الله يهدي