حلويات عملتها بمناسبة رجوع اختي من العمرة

hawa19 · 2016-01-19, 21:03

السلام عليكم هذه اول مشاركة لي في هذا المنتدى
حبيت نعتلكم نوعين من الحلوى نتمنى يعجبوكم عملتهم لاختي بمناسبة رجوعها من العمرة لعقوبة ليا و ليكم

طيور الجنان · 2016-01-19, 21:11

اولا عمرة مبرورة لاختك و العاقبة لينا كامل اااامييييين.
ثانيا يعطيك الصحة على القاطة عجبني تاع الشوكولاتة جا هااااايل تسلم الايادي

raboha · 2016-01-19, 21:15

عمرة مقبولة إن شاء الله و يا ربي العقوبة ليك و لكل من راهو متمنيها
و يعطيك الصحة حلويات روووووووووووووعة خاصة النوع الثاني يهببببببببببل
و قوليلي هو صابلي و مغطي بالشيكولا و لا بنيون
بارك الله فيك مرة ثانية

ام هدول · 2016-01-19, 21:20

عمرة مقبولة ولعقوبة ليك ولينا ان شالله
القاطو فووووووور يعطيك الصحة

hawa19 · 2016-01-19, 22:02

اقتباس:

المشاركة الأصلية كتبت بواسطة طيور الجنان

اولا عمرة مبرورة لاختك و العاقبة لينا كامل اااامييييين.
ثانيا يعطيك الصحة على القاطة عجبني تاع الشوكولاتة جا هااااايل تسلم الايادي

هاذا من لطفك اختي شكرا لك و ربي يبارك فيك اختي و ان شاء الله لعقوبة ليك

hawa19 · 2016-01-19, 22:03

اقتباس:

المشاركة الأصلية كتبت بواسطة ام هدول

عمرة مقبولة ولعقوبة ليك ولينا ان شالله
القاطو فووووووور يعطيك الصحة

شكرا ليك اختي على الاطراء و لعقوبة ليك في القريب العاجل

hawa19 · 2016-01-19, 22:09

اقتباس:

المشاركة الأصلية كتبت بواسطة raboha

عمرة مقبولة إن شاء الله و يا ربي العقوبة ليك و لكل من راهو متمنيها
و يعطيك الصحة حلويات روووووووووووووعة خاصة النوع الثاني يهببببببببببل
و قوليلي هو صابلي و مغطي بالشيكولا و لا بنيون
بارك الله فيك مرة ثانية

يبارك فيك اختي ولعقوبة ليك انت ثاني و شكرا على الاطراء حبيبتي هاك المودال ممكن ديريه بعجينة الصابلي بصح انا درتو بوصفة اخرى لا حبيتي نمدهالك بصح غدوة ان شاء الله

raboha · 2016-01-19, 22:17

اقتباس:

المشاركة الأصلية كتبت بواسطة hawa19

يبارك فيك اختي ولعقوبة ليك انت ثاني و شكرا على الاطراء حبيبتي هاك المودال ممكن ديريه بعجينة الصابلي بصح انا درتو بوصفة اخرى لا حبيتي نمدهالك بصح غدوة ان شاء الله

بارك الله فيك على إهتمامك و ردك
و منقولكش لا لا غير مديلي الوصفة هاكا نوعو شوية
بارك الله فيك و ميزان حسناتك يا رب و ربي يفرحك بعمرة و لا حجة بإذن الله

hawa19 · 2016-01-19, 22:39

و فيك بركة اختي ربوحه وبلا مزيه غدوه باذن الله نحطهالك طلي برك هنا ان شاء الله يفرحنا ربي اكل بزيارة الكعبة ااااااامين يا رب

la dune dore · 2016-01-20, 06:12

حلويات روعة ما شاء لله عمرة مقبولة ان شاء الله
اريد مساعدة منفضلك انا لااستطيع كتابة مواضيع جديدة لاني عضوة جديدة ما الحل؟؟؟

آسيا 27 · 2016-01-20, 07:19

حوا الحلويات 4444444
الله يعطيك الصحة و ذنب مغفور لاختك

امال 2005 · 2016-01-20, 07:29

عمرة مقبولة حلوى رائعة شكرا

hawa19 · 2016-01-20, 08:51

شكرا جزبلا لكم حبيباتي و لعقوبة ليكم كامل
اختي ربوحة هاهي الوصفه ديري
500غ مارغرين انا نعمل دايما بلابال
كاس نتاع قازوز زبت و كاس سكر قلاسي كاس مايزينه 4صفار بيض 2بيض كامل كاس كاوكاو مقلي و مرحي 3مغارف كبار كاكاو باكي خميره و تنشفي بالفرينة ديريهم كرابع نتاع36غ و حطيهم في المول نتاع سيليكون يطيبو و كي تخرجيهم خليهم يبردو شويه و اقلبي المول يخرجولك بكل سهولة و سايسيهم لاكان يدقدقولك و من بعد في بان ماري حطي شوكوله نتاعك تذوب و ما تزيديلها والو عندكي لاكان ما تخرجلكش تبرق مليح و فرغي بواسطه مغرفه في المول شوكوله و طلعي على الحواشي نتاع المول و حطي الحبه نتاعك بعد ما طابت في المول و حطيهم في الكونجيلاتور مده 8 الى 10 دقااق و ما طوليش عليهم و اجبديهم و ديموليهم و من بعد حطي الشوكوله البيضا في بان ماغي حتى تذوب و ما تزيديلها والو و ديريها في بوش ادوي جوتابل و عمري الفراغات هي تبان واعره بصح راهى ساهله مره هادي الزصفه و ان شاء الله تنجحي فيها. و لاكان كشما سحقيتي راني اهنا
هاذي الحلوه عندها شحال من وصفه ممكن ديريها بالصابلي بالصح انا يبانلي الصابلي ثمثم بدقدق انا هاذا هو رايي و ربي يعاونك اختي

hawa19 · 2016-01-20, 08:55

اقتباس:

المشاركة الأصلية كتبت بواسطة la dune dore

حلويات روعة ما شاء لله عمرة مقبولة ان شاء الله

اريد مساعدة منفضلك انا لااستطيع كتابة مواضيع جديدة لاني عضوة جديدة ما الحل؟؟؟

شكرا اختي و لعقوبه ليك اما على ادراج موضوع لازم يكونو عندك اكثر من30 مشاركه على ما اظن و ربي يعاونك

ام زهر · 2016-01-20, 09:34

كل شئ مبروك ولعقوبة لين جميع حلويات رووووووووووووووووعة