صاابلي البريستييج جدييد و رااائع لكن اقتصاادي من مطبخيي

[جنة الفردوسْ]

شكرا اختي هذا نظن لام اماني

[حنين40]

ربي يكرمك شرح مفهوم وواضح ♥♥♥♥

[feriel imen]

ربي اخليلك زوجك و اولادك و يترباو فطاعتكم يا رب و انحي عليك كل هم وغم ليك و لكل اخواتنا بالمنتدى يعطيك الف صحة و عافيا تاع صح فوووور فكرة ما خطرتش ببالي مشكوووررة

[mid_life]

جزاك الله خيرا
والوصفة في قمة الروعة شكرا لك

[hamsat_hanine]

44444444444

[aya33]

رووووووووووووووووووووووعة ماشاء الله عليك فحلة

[ماماخالد]

الله يبارك

[kamiimujir]

tbarek allah 3la had alibda3 ya3tik asa7a

[*ام ادم*]

الله يبارك تححححفففة تسلم الاياديييييييييي

[زهرة القران]

بارك الله فيك ماعليش نطلب منك طلب اختي حابة russet جديدة لعمل لاكريم اذا وحدة تعرف تقولي عليها تعيشو

[أ م ساجد وسيم]

صح بريزونطابل هااايل الله يبارك فيك

[om asma]

بارك الله فيك ربي يصلحلك اولادك وينجحهم في حياتهم

[ام عز الدين]

المشاركة الأصلية كتبت بواسطة lyzzabel

السلاااام عليكم و رحمة الله و بركااته
من منا لاا يحب قااتو الصاابلي ،، بل من لاا يعععشقه ،، هو من الحلويااات المستهلة بكثرة من أفرااد العاائلة و يقدم للضيووف ،، مع اختلااف الوصفاات و التزيين
انا هااد المرة جااتني فكرة للصاابلي قلت نبدل شوية بلاا ما يكوون مكلف ،، كنت شفت صاابلي الكورني تااع حبييبتنا ام امااني و عجبني الشكل ،، بدلت العجيينة و التزيين و تحصلت على صاابلي راااائع شكلااا و مضمووونااا او كيما يقولو حباابااتي كوور و دييكوور هههه






يالله تفضلو الوصفة بسم الله

المقااديير
300 غ مارغريين طرية يعني بحراارة المطبخ
كااس تااع شااي سكر رطب او سكر قلااسيي
حبة بيض ،، نعم حبة وااااااحدة هههه
4 ملااعق اكل نشااء او ماايزيينة
4 ملااعق اكل كاوكااو محمص و مرحيي رقييييق
2 ملاعق اكل شامية او حلوة الترك مفتتة
1 كيس فانييلا
نصف ملعقة صغييرة خميرة الحلوياات
فريينة مغربلة حسب الحااجة



للتزييين

شوكوولاا سودااء حواالي 150 غ استعملت ambssadeur
شوكوولاا بيضااء استعملت vegecao
كاوكااو محمص و مرحي متوسط
ملمع غداائي


طرييقة التحضيير

في وعااء عمييق نخلة كل المقااديير المذكوورة ما عداا الخمييرة و الفريينة ،، نخدمهم باليد مع الخلط الجيد ،، من بعد نبدا نضييف الفريينة تدرييجياا و الخمييرة حتى نتحصل على عجيينة شوية نااشفة ،، ما نخلييهااش طرية بااش ما تهبطش أثنااء الطهي
نأخد كمية من العجيينة بوزن 30 الى 35 غ و نشكل كوورنياات و نحطهم في سينية الفرن مرشووشة بشوييية فريينة ،، نطيبهم على 170 درجة حتى نشوفهم حماارو من تحت ،، لاازم العجيينة تكوون طاايبة من دااخل

ملااحظة : نقدر ندير اي شكل و نزين حسب الرغبة






نخلي لي صاابلي يبردوو ملييح و نكون دوبت اولاا الشوكوولاا السودااء على ناار قلييييييييييلة جدااااا و نضيفلهاا شوييييية حلييب مانكترش باش ما تجينييش جاارية
نأخد حبة صاابلي و نفرغ على الجزء العلوي منه الشوكوولاا باستعماال الملعقة ،، يعني على الجزء المستديير ،، و ندردر 6لييه الكااوكااو المرحي ،، ما نرمدهش فييه بااش يجي المنظر شبااب و خدمة نقية ،، و نحطهم ينشفوو
من بعد ندوب الشوكوولاا البيضااء بدوووون ما نضييفلها حتى حااجة ،، نحطها على ناار قلييلة ووما نحركهاااش فقط نهز الكاروول بيدي و نرجعهاا على الناار حت نشوفهاا داابت و ما بقالهااش بزااف ،، نحرك بالملعقة حتى تولي ملسااااء ،، و نفرغ على الجزء تااع الصابلي لي بقى بلا قلااسااج و نحطهم ينشفو ،، رااه الشوكوولاا الابيض ينشف بسرررررعة خااطرش ما فييهش إضاافاات ،، و من بعد نديير خطووط متقااطعة و نحااول نقلد منظر لي كوورني تااع المثلجااااات ،، هادي هي الفكرة







هاادي هي صوورة الشوكولاا الأبيض لي استعملته قطعته قبل ما نذوبه ،، و بقااتلي أقل من نصف العلبة



هناا وضحت طرييقة تشكييل الزيقزااق او الخطووط المتقااطعة بالقلم حتى تكوون مفهوومة أكتررر




و أخيييرااا نمسح قلييييلااا على الشوكوولاا البيضااء بالملمع الغداائي و طبعاا نقدر نستغني عليييه

هااد الكمية قطعتلي أكتر من 45 حبة صااباي و لي تبغيي أكثر ما علييها غيير تضااعف المقااديير




نتمنى تعجبكم الوصفة و تجربووهاا ،، كيماا قلتلكم الصاابلي حلوى بسيييطة و في متنااول الجميييع و لكن نقدروو نرجعوووه حلوى أنيييقة و نحمر وجهيي قداام الضياااف و حتى للعاائلة نقدر نقلشهم ههههه



نخليييكم في أمااان الله حبييبااتي و لي عجبهاا الموضووع تدعييلي بدعوة تااع خيير ليا و لزوجيي و اولاادي و لهاا بالمثل ،، و أحلى سلاااااام لأحلى بناااااات

الف كر على الوصفة اختي ربي يباركل في الزوج ولووليدات وماهوش غريب على ناس معسكر هذي الطيبة ودييهم الي تلفف حرير ربي يبارك

[sese mimi]

شكلو تحفة الله يبارك يعطيك الصحة

[amel62]

ماشاء الله يبارك ربي يعيشك