اطباقي اللذيذة اممممممممم

[زينب 83]

السلام عليكم و رحمة الله تعالى و بركاته

دجاج محشي بالفارميسال

اولا نجيبو دجاجة و نقيوها و نحطوها في ماء و ملح و خل او ليمون و نخلوها ساعة

بعدها نتبلوها بالتتبيلة التالية من داخل و من برى و نديرو فيها شقق في الصدر و الأفخاذ و نحشيو فيهم التتبيلة و نخليوها اقل شيء ساعتين حتى تشرب البنة ، انا نتبلها في الليل
التتبيلة
بصل مفروم ، ثوم مفروم ، دبشة مقطعة رقيق ، موتارد ، كاتشاب ، او طماطم مصبرة ، هريسة ، كركم ، زنجبيل ، كسبر ، فلفل ابيض ، ثوم بودرة ملعقتين زيت و ملح و كمون و ملعقتين عصير ليمون

في جهة اخرى نفرغو علبة دويدة ندهنوها بشوي زيت و نفوروها مرتين طبعا في بعد التفويرة الاولى نرشوها بشوي ماء و ملح

نسخنو ملعقتين زيت في المقلاة ام ملعقة زبدة فوق نار هادية نحطو حبة بصل مفرومة ، سنات ثوم مفرومين ، فطر مقطع ، زيتون اخضر مغلي و مقطع ملح ، كركم ، كسبر و فلفل اسود او ابيض بعد ما تتقلى نضيفو فنجان ماء و كي تغلى نضيفو الفارميسال و نجمروها على نار هادية

نحشيو الدجاجة بثلث الدويدة و نزيدولها زوج كيسان ماء شوي ملح فقط و نغطيوها بورق زبدة فوقو ورق ألمنيوم و ندخلوها فرن سخووووووون حتى طيب

بعد مانتاكدوا انو الجاجة طابت نخرجوها و نقسمو الصوص لي طلقتها على اثنين

ندخلو الدجاجة تحمر بعد ما نشعلوا من فوق

و نجمرو بقية الدويدة في نصف الصوص و النصف الثاني نسقيو بيها الدجاجة عند التقديم

صدقوني بنيييييييينة بزاف بزاف و ساهلة و بريزانتابل
















باذنجان المروحة

جبتلكم طريقة مميزة لحشو الباذنجان ان شاء الله تعجبكم

نجيبو حبة باذنجال نقسموهاالنبين في الصورة
نخلطو زيت بالملح و ندهنو شرائح الباذنجان من داخل

الحشو
لحم مفروم ،دبشة مقطعة ، ثوم مفروم ، كمية شابلير او ارز مرحي ، كركم ، كسبر ، ملعقة طماطم او كاتشاب ، ملح ، فلفل ابيض او اسود صفار بيضة

جبن مربعات الخاص بالهامبورغر

نحشيو الباذنجان بالطريقة المبينة في الصور و نحاولو نضغطو باه تلصق في بعض

نحطوها في بلا و نضيفو فيه مرق مكون من بصل مفروم ، ثوم ،بهارات ، ملح و ملعقة زيت

المرق يوصل لنصف الباذنجان
ندخلوها لفرن سخون و مرة على مرة نسقيوها بالمرق و النتيجة اممممممممممم










شارلوت الكوسة
نجيبو حبات كوسة نضفوهم و نقطعوهم بالطول شرائح رقييييقة مثل شرائح الشيبس
و نوجدو الحشو لي هو
ارز مغلي و لحم مفروم ، بصل مفروم ، دبشة مقطعة ، فلفل حارمقطع رقييييق، زيتون اخضر مقطع ، ملح بهارات انا درت كسبر فقط و صفار بيض

المرق
نوجدو مرق ثقيل ، قطع دجاج او لحم ، حمص مشمخ ، بصل مفروم ، ثوم مفروم ، طماطم مصبرة ، ملح ، كسبر و كركم و فلفل احمر حلو ، فلفل ابيض ، و نطيبو الصوص حتى تولي ثقيلة
ممكن ندور جلبانة او زيتون مكان الحمص و نزيدو شوي فطر مقطع او كرات لحم مفروم

التشكيل
ندهنو لي غامكان بالزبدة و نرصوالكورجيت كما في الصورة
نحطو نصف الحشو و نحطو قطع جبن و نكملو باقي الحشو و نغلقو مليح مع الضغط
كل مانكملو غامكان نحطوها فوق الثانية باه تتغلق
نسقيو كل وحدة بالمرق و نخلوها طيب في فون سخون و كل مل ينشف المرق نسقوها ، مدة الطهي ماشي بزاف
عند التقديم نسقيوها بالمرق و تقدم ، لذيذة جدا جدا











في امان الله و حفظه

[lamis.imen]

رووووووووعة وصفاتك دائماً في القمة
جزاك الله خيراااا

[شمس الشتاء]

يسعدني اكون اول من ترد فجزاك الله خير الجزاء وارجو ان تجيبيني قفد سالت من قبل عن طريقة بروشات التونة طبقت لك معجون الفراز وطريقة التعقيم والكثير من الوصفات

[البحر الصافي]

روعة ما شاء الله
يعطيك الصحة اطباق شهية ومغذية

[*فاتن*]

مششششاء الله عليك .فعلا كل شيء يشهي و عجبوني و راح نجربهم كلهم
ربي يهنيك و يعطيك ما تتمناي راكي تسهليها علينا بزاف

[ام سارة18]

ماشاء الله روعة خاصة شارلوت الكوسة يعطيك الصحة
احلى تقييم لاحلى فنانة

[شمس الملوك]

ماشاء الله فنانة حبيبتي قلبي لم يعد بتحمل كل هذا ابداع جزاك الله خيرا

[اسمهان79]

اكيد لذيذة مافيها حتى هدرة من يدك عسل
ماشاء الله تحف ربي يبارك
أحلى تقييييييييييم حبيبتي زينب

[ام نوردين]

وااااااااااااااااااااااااااااااااااااو زينوبة كلشى رووووووووعة الله يبارك في يدواتك يعطيك الف عافىة ابداع وتميز شكراااااااااااااااااااااااااااااا

[ام حسناء05]

مبدعة كالعادة تسلم الايادي

[أم ملك]

روعة زينب الله يبارك مبدعة دائما حفظك الله و جعلها في ميزان حسناتك

[روضة 88]

ماشاء الله عليك يا زينب ابدعتي كالعادة
اطباق رووووووعة.

[سرور2]

مشاء الله زنوبة روعة بصح فيهم خدمة ويتكلوفي اقل وقت ههههه

وكيماهاك وش ديري مع الريجم وكان جيت انا ناكل بلا حساب نبطل السعرات باللقيمات هههههه

يعطيك الصحة مرة اخرى

ولوامكن طريقة البريوش لحطتيه في الكوزينة

[sunshine2013]

الله يبارك و يعطيك. الصحة اختي وصفات روعة

[ام سمسومة 89]

ممممممممممممم يعطيك الصحة زينب شهيتيني