وكالة اتصالات الجزائر رفضو بيعي 4 بطاقات تعبئة

[مجيد14]

السلام عليكم
استفسار عاجل ارجو ان توافقو على موضوعي للاهمية
اردت ان اشتري 4 بطاقات تعبئة تاع 500 دج من وكالة اتصالات الجزائر
لكنهم رفضو بحجة انه ممنوع و في المقابل اجد محالات يبيعوها بشكل عادي جدا كما اني اجد بعض الاعضاء يبيعون هاته البطاقات في الانترنت و المنتديات
من اين ياتو بها
و هل لهم الحق في منعي من شراء 4 بطاقات و انا مشترك معهم في الانترنت و الهاتف
ارجو اجابتي من الذين يبيعوها هنا كيف حصلو عليها

[prof walid]

البلاد كلش معريفة ورشوة وتزوير هذي حال الجزائر 2015 و ربي يستر

[مجيد14]

و لا اجابة

[مانقراش]

عندهم الصح
بزاف لي يشرو و يعادو البيع
واقيلا انت واحد منهم و لاعبهانا نية

[MuslimRider]

يا اخي الكريم هذه المعادلة لا تحتاج تكنولولجيا القرن 21 لحلها و لكن تتطلب فقط ان تكون "جزائري"
تلعبها نية + مواطن صالح = ماتقضي والوا
معريفة + شوية لا صوص = انت مرحب بك اينما حللت فوق الراس و العين
اما بالنسبة للزاوالي الفاطن شوية تبقاله معادلة اخيرة لكن ما تصدقش في جميع الاحيان الا وهي
طيحلهم خشين (لبس لا كوست و لآريني)+ لعبها باطاطا كبيرة ( اطلب مقابلة المسؤول)= -ماعليش نقضولك المهم خطينا من الماشاكيل-

للاسف هذا هو واقع جزائر العزة و الكرامة آخر اصدار 2015

[THUG]

أخي ماتديرش عليهم
لازم يكو ن عندك سجل تجاري taxiphone أو مقهى انترنت ...وتجمع ملف تدفعو ..
من بعد تولي تدي بالقدر اللي تحوس مع تخفيض يحسبوهالك 48.5

[beautifulmin85]

اظن ان الامر متعلق بالكمية التي لديهم فالمفروض يبيعون قدر الحاجة لكل شخص ليستفيد الأكثرية

لكن اخي الم يخطر في بالك لما رفضوا الامر ان تعطي المال لاحد ما ويشتري لك انت اثنين وهو اثنين

وانتهى الامر

[خالد عنابي2]

معهم كل الحق راك محوس تشري بالجملة

والسبب هو عدم نفاذ البطاقات + عدم السماح بالمضاربات واعادة بيعها في السوق السوداء بمبالغ فوق مبالغها الاصلية

[beautifulmin85]

المشاركة الأصلية كتبت بواسطة خالد عنابي2

معهم كل الحق راك محوس تشري بالجملة

والسبب هو عدم نفاذ البطاقات + عدم السماح بالمضاربات واعادة بيعها في السوق السوداء بمبالغ فوق مبالغها الاصلية

صحيح كلامك اخي لو كانت تطبق بشكل تام وسليم لكن للاسف تطبق فقط على الزوالي

والدليل هناك محلات ليس لهم اي علاقة بوكالة الاتصالات ويبيعون هذه البطاقة فمن اين حصلوا عليها ؟؟؟

مشكلتنا اننا اصبحنا في واقع مرير وظالم
فالقانون يطبق على من لا سند له ولا معرفة واما من
لديه دخلات وخرجات كيما نقولو فلا قانون يطبق ولا شي

بل يدوسون عليه واكنه غير موجود بتاتا للاسف

غياب العدل سبب هذا الواقع المرير

[خالد عنابي2]

المشاركة الأصلية كتبت بواسطة beautifulmin85

صحيح كلامك اخي لو كانت تطبق بشكل تام وسليم لكن للاسف تطبق فقط على الزوالي

والدليل هناك محلات ليس لهم اي علاقة بوكالة الاتصالات ويبيعون هذه البطاقة فمن اين حصلوا عليها ؟؟؟

مشكلتنا اننا اصبحنا في واقع مرير وظالم
فالقانون يطبق على من لا سند له ولا معرفة واما من
لديه دخلات وخرجات كيما نقولو فلا قانون يطبق ولا شي

بل يدوسون عليه واكنه غير موجود بتاتا للاسف

غياب العدل سبب هذا الواقع المرير

كلامك صواب اخي

بل هناك ماهو امر من ذلك هناك بيع بالجملة لموديمات وشرائح 4جي في السوق السوداء باسعار عالية جدا

والسؤال الكبير الذي يطرح نفسه كيف يتمكنون من تفعيل اشتراكات الزبائن ؟

اذن لديهم دخلات وخرجات مع الوكالات التجارية

والمفروض هذا الفساد الكبير في هذه التكنلوجيا الحساسة يفتح تحقيقات واسعة من طرف مصالح الامن

قد يستفيد منها اشخاص مشبوهين بطرق ملتوية وتستعمل اسوء استعمال مع تضليل والافلات من المتابعة

[prof walid]

اشتريت بطاقة تعبئة الجيل الرابع في السوق السوداء تع 1000 da حسبهالي 1200da خمن والوا مالقيتهاش في الوكالة واش دير هذي بلاد الرشوة والمعريفة ربي يهديهم

[خالد عنابي2]

المشاركة الأصلية كتبت بواسطة prof walid

اشتريت بطاقة تعبئة الجيل الرابع في السوق السوداء تع 1000 da حسبهالي 1200da خمن والوا مالقيتهاش في الوكالة واش دير هذي بلاد الرشوة والمعريفة ربي يهديهم

يعني الوكالة تاعك يبيعوها للمارشي نوار بسعر 1050 دج ويفيدو فيها 50 دج تروح لجيوبهم دون حسيب + في السوق السوداء يضيفون لك 150 دج بطريقة غير شرعية وانت ساكت وقابل ؟

نورمالمو تهز روحك وتروح تشكي بيهم شكوى رسمية نظرا للتلاعب والاخلال بشروط العقد وتطلب فتح تحقيق في الامر
لانك او انت لي تغلط وما تخلصش ممكن يدخلوك للحبس وقد حدث هذا للبعض

الفساد يزدهر ويترعرع بسكوت الساكتين والمتضررين

[خالد عنابي2]

وزايد يقول خير من والو !!!!!!!!!!!

[محمد 1988]

شعب ميصليش ويحوس يموت ساجد خخخخخخخخ