أمي تسألكم

.kiki · 2015-06-17, 10:10

السلام عليكم و رحمة الله و بركاته
صح رمضانكم اخواتي كا عام و نتوما بخير تصوموه بالصحة والهنا ان شاء الله
ربي يقدرنا فيه على الصيام والقيام و يجعلنا من المقبولين قولو آمين

تعيشو خواتاتي حبيت نسقسيكم ، حنا شرينا اللوز و الجوز للبقلاوة لي رايحين نديروها في اوت لعرسي ان شاء الله (ادعيولنا يسهللنا ربي) واش تقولو كون نوجدوهم من ضرك يعني الجوز نرحيوه و اللوز نحمصوه و نرحيوه و نخبيوهم فالمجمّد؟ يروحلهم الذوق؟ حنا خممنا فيها تفاديا باه مايسوسوش و ماديرش فيهم ريحة القدامة
تعيشو جاوبوني لبنات بارك اله فيكم

choroukguid · 2015-06-17, 19:11

مبروك عليكم العرس وربي يسهلكم ان شاء الله خليوه في بلاصة ناشفة كيما تاع الحوانت مايفسدش اما بالنسبة للمجمد ماجربنتش انا بالصح جربت خبينا القاطو تاع اللوز والجوز والمعسل في الكونجيلاثور مدة 3اشهر والدوق مازالو جديد

مسعودي خولة · 2015-06-18, 01:42

،بي يسهلك اختي احكمي اللوز الجوز تاعك كونجليه هكضاك كيما راه وكي تحبي تستعمليه اجبديه وحمصيه و استعمليه و الصحة والهنا