السلام عليكم حبيباتي
درتلكم الموضوع بالصور علاخاطر حوست على الوصفة الأصلية والصور ماخرجوليش
قات نعاود نكتب الوصفة بالصور نتاعي
نتمنى تفيدكم.. بلا ماتنساو التقييم لاني تعبت في تحميل الصور
نبدأ... بسم الله
مقادير العجينة
200 غ زبدة ذائبة وباردة
6 ملاعق عسل
2 كيسان سكر عادي
2 ملاعق كبار كاكاو
2 بيض (أنا استعملت 3 لانو البيض لي درته صغير)
2 ملاعق كبار فانيليا
قرصة ملح
700غ فرينة
1 ونصف خميرة كيميائية
ضربي السكر من البيض حتى يتضاعف الحجم
ضيفي الفانيليا.. من بعد فرغي الزبدة والباتور يدور
من بعد ضيفي العسل والباتور يدور دايما
كي يتخلطو مليح ضيفي المكونات الجافة (فرينة+كاكاو+ملح+خميرة) وخلطي باليد او ب K
حتى تتحصلي على عجينة كيما نتاع الصابلي
من بعد قسميها على 4....3 متساويين و 1 صغيرة عليهم
من بعد حلي هذوك ال3 فوق سينية مسطحة واذا ماعندكش قلبي المول نتاعك باش يجيو قد قد
منين تطيب العجينة تجي يابسة عادي
مقادير الكريمة crème mousseline
1لتر حليب
3 فناجن سكر عادي
2 فناجن مايزينة (نشاء)
2 بيض
250غ زبدة
5 ملاعق كبار فانيليا
ديري السكر + نشاء + بيض فوق الحليب السخون وخلطي حتى تعقد الكريم باتيسيير
نحيها من النار وضيفيلها 50 غرام زبدة لي تكوني نحيتيها من 250 غرام السابقة
خلي الكريم تبرد مليح مليح
من بعد حطي هذيك ال200 غرام المتبقية من الزبدة مع ملعقة كبيرة من الكريم لي كنتي خليتيها تبرد
خلطي مليح بالباتور ومن بعد ضيفي الكريمة المتبقية + الفانيليا نتاعك وخلطي مليح مليح حتى تتحصلي على كريمة متجانسة... وهكا تتحصلي على كريم موسلين
طريقة التشكيل
حطي في السينية العجينة الاولى وضيفي الكريمة من بعد الثانية وطليها من بعد الثالثة وطليها
من بعد هذيك العجينة الرابعة الصغيرة تكونو طيبتوها كيما لخرين بصح تفتوها وتحطوها من الفوق
من بعد غطيوها مليييح ودخلوها للثلاجة ترتاح لمدة 24 ساعة
وبصحتكم
رابط الوصفة
https://www.djelfa.info/vb/showpost.p...01&postcount=1
( تقرير عن مشاركة سيئة )، و الموجودة أسفل كل مشاركة .
2015-04-09, 15:20
تطبيقي ل gâteau espagnol للأخت فلة بالخطوات والمصورة
العرض العادي
