تقريري الشامل عن غسالتي الاوتوماتيكية

[asmabibina]

MERCI YA OKHETI a3LA HADE CHAREH EL MOFESALE

[ام الهاشمي]

شكرا على المعلومات تمنيت الغسالة نتاعي تكون كيما نتاعك باش اسنفيد لخطرش نتاعي مفهمتلهاش

[أم رتاج و مرام]

مارسي اختي كنت نحوس على موضوع كيما هدا شكرااااااااااااااااااااااااااااااااااااااااااااااا ااااااااااااا

[oum ayyoub]

بصحتك اختي عندي كيفها

[nadiatlemcenia]

بارك الله فيك اختي على الشرح الوافي وتعبك
اختي فيما يخص الوزن قلتي 68 واش 68 كيلو ولا من 6 الى 8 كيلو ؟؟

[biba2012]

راح نشري وحدكيما هده انشاء الله تكون في المستوى من فضلكم هل هده تخرج القش مكوي يعني مهوش مكمش شكرا

[شذور الذَّهب]

صحِّيتي أختي و الله جات في وقتها
حنا شرينا وحدة جديدة تقريبا نفس الشكل بصَّح sumsung
بإذن الله التقرير مباشرة للوالدة حتَّى تطَّلع عليه
بوركتنَّ جميعا على ما تقدِّمنه في مختلف الأمور

[سميرة ايمان]

بارك الله فيك

[البحر الصافي]

مساء الخير الاخت زينب
عندي استفسار على غسالة ل ج
قوليلي كيفاه تغسليها من داخل بالتفصيل يعني البرنامج لي ديريهولها
ودرجة الحرارة والوقت
غسالتي عادت دير الريحة مع اني بعد الغسيل نخليها مفتوحة وقت كبير
وكل ىشهر نديرلها انتي كلكار هدوك لكعب وساعات نديرلها الخل تخرج تبرق
وتروح الريحة
وحاجة اخرى مقلقتني هاديك لابوات لي لتحت تاع التصريف كي نفتح البوشون
يخرج الماء وتويو هداك منقدرش نخرجو يبالي ميخرجش كيما وضحتي في الصورة
نخاف نجبدو بقوة يتقطع ولا واش تقولي ربي يخليك جاوبيني امس نحسب بعثتلك
رسالة وباقية نستنى وهي موصلاتكش
شكرا ليك مسبقا اختي العزيزة

[أم أيمن الحبيب]

بارك الله فيك أختي على الموضوع أنا ثاني اشتريت أل جي 7 كلغ حبيت نستفسر أنا غسلت فيها الفراش يعني كوات وبطانيات متوسطة الحجم هل هذا ممكن يفسدها لأنها 7 كلغ فقط. جزاك الله خيرا.

[hiba hajer]

بارك الله فيكل على الشرح و الله موضوعك مفيد جدا انا راني حابة نشري ماشينة اوتوماتيك و حاير واش نشري لكن من موضوعك ارتحت ل لج عندي سؤال انا لقيت غير تاع 8 كلغ نقدر نغسل فيها الفراش مثل الكوفارتير ارجو ان تنصحيني هدفي من شراء الة الغسيل من اجل الفراش ارجو الرد و شكراااااااااا

[زينب 83]

المشاركة الأصلية كتبت بواسطة nadiatlemcenia

بارك الله فيك اختي على الشرح الوافي وتعبك
اختي فيما يخص الوزن قلتي 68 واش 68 كيلو ولا من 6 الى 8 كيلو ؟؟

لا هي الغسالة ككل توزن 68 و ترفد بالتقريب 10 كلغ

[زينب 83]

المشاركة الأصلية كتبت بواسطة hiba hajer

بارك الله فيكل على الشرح و الله موضوعك مفيد جدا انا راني حابة نشري ماشينة اوتوماتيك و حاير واش نشري لكن من موضوعك ارتحت ل لج عندي سؤال انا لقيت غير تاع 8 كلغ نقدر نغسل فيها الفراش مثل الكوفارتير ارجو ان تنصحيني هدفي من شراء الة الغسيل من اجل الفراش ارجو الرد و شكراااااااااا

اختي انا نغسل فيها كلش ليكوات ليكوفغولي ، الزوراء ، لكن هذا يعتمد على وزن الكوفيرتات لي عندك اذا كانو اكثر من 8 كلغ طبعا ماتقريش

[زينب 83]

المشاركة الأصلية كتبت بواسطة أم أيمن الحبيب

بارك الله فيك أختي على الموضوع أنا ثاني اشتريت أل جي 7 كلغ حبيت نستفسر أنا غسلت فيها الفراش يعني كوات وبطانيات متوسطة الحجم هل هذا ممكن يفسدها لأنها 7 كلغ فقط. جزاك الله خيرا.

اذا كانو البطانيات ماشي ثقال بزاف عادي انا تاني نغسل فيها ، المهم ماترصيهاش بزاف يعني اذا. دخلتلك البطانية عادي اغسلي لها

[زينب 83]

المشاركة الأصلية كتبت بواسطة البحر الصافي

مساء الخير الاخت زينب
عندي استفسار على غسالة ل ج
قوليلي كيفاه تغسليها من داخل بالتفصيل يعني البرنامج لي ديريهولها
ودرجة الحرارة والوقت
غسالتي عادت دير الريحة مع اني بعد الغسيل نخليها مفتوحة وقت كبير
وكل ىشهر نديرلها انتي كلكار هدوك لكعب وساعات نديرلها الخل تخرج تبرق
وتروح الريحة
وحاجة اخرى مقلقتني هاديك لابوات لي لتحت تاع التصريف كي نفتح البوشون
يخرج الماء وتويو هداك منقدرش نخرجو يبالي ميخرجش كيما وضحتي في الصورة
نخاف نجبدو بقوة يتقطع ولا واش تقولي ربي يخليك جاوبيني امس نحسب بعثتلك
رسالة وباقية نستنى وهي موصلاتكش
شكرا ليك مسبقا اختي العزيزة

اهلين حبيبتي
ندير برنامج الملابس البيضاء و ندير الماء فياعلى درجة و نحط الصابون و انتي كالكير و مرات مانحطش الصابون و نحط كاش خل و نخليها تكمل البرنامج عادي
اما التويو خرجيه لاشة غير شوي قيس مايفرغ فقط لانو لازم يفرغ راهي منو ديرلك الريحة و حاولي تنص فيها كل 10 ايام لانو الصيانة مهمة باه تبقى الجودة تاعها و اي سؤال حبيبتي انا في الخدمة