~ ~ ~طلباتكم مجابة بإذن الله ~ ~ ~

[زينب 83]

المشاركة الأصلية كتبت بواسطة om hadil

شكرا ام ياسين حتى مشريتهاش غير عجبني الشكل مول تاج بحجم صغير

صباح الخير

نصائح في استعمال السيليكون.




-تتميز قوالب السيلكون بأشكال و أحجام مختلفة و متنوعة وسهلة الاستخدام والتنظيف

و خفيفة الوزن و الحفظ ولا تحتفظ بروائح الأطعمة ،

آمنة الاستخدام في الفرن و كذلك في الفريزر

-هناك أنواع كثيرة من قوالب السيليكون تختلف بجودتها،

و ننصح باستخدام سيليكون البلاتين ذات الجودة العالية حيث لا تلتصق ولا تتقشر و نبتعد عن القوالب الرخيصة و المقلدة

-فضل عدم تسخين القوالب في درجات أعلى من 200،

و لهذا ينصح عند أول استعمال ملأها بالماء و القليل من الزيت و إدخالها للفرن على درجة 200 و ليس أكثر

-تنظيف القوالب قبل و بعد كل استعمال و تجفيفها

-الابتعاد عن استخدام الليفة الحديدية عند التنظيف و المواد الحادة و في حال وجود أي خدش يرمى القالب

-توضع القوالب فوق رف الفرن و ليس مباشرة فوق قاع الفرن

_و هناك طريقة لمعرفة جودة قالب السيليكون و ذلك بثنيه بشكل مقوس أو عسره فإن ظهر لون أبيض فلا ننصح باستخدامه

[إلهام07]

المشاركة الأصلية كتبت بواسطة استحسان

السلام عليكم

المشاركة الأصلية كتبت بواسطة استحسان

لدي سؤال لخبيرات المطلوع دائما الوجه الثاني للخبزة يجيني غير مستوي يعني كي تطلع الخبزة في الطاجين تدير الفقاقيع وكي نقلبها ماتطيبش مليح وتحمار غير في المناطق المنتفخة. أرجو التجاوب وشكرا مسبقا.

أختي ماما ديما تقولي إذا شفتيه رايحة يدير الفقاقيع خفي قلبي المطلوعة وعلى العموم غذا غلباتك زدارت فقاقيع كي تقلبي المطلوعة مباشرة قبل ما الوجه السفلي يحكم روحو مرري اطراف اصابعك على المطلوعة كامل برفق باش تسويها وبهذا الاماكن كامل رايحة ترجع تقيس في الطاجين وتتحمر وتبقى غير بلاصة صغيرة برك بيضاء
دوري مليح المطلوعة في الطايجن باش طيب مليح ماعرفتش كيفاش نشرحلك لازم فيديو اتمنى تكون الفكرة وصلاتك

المشاركة الأصلية كتبت بواسطة fola 2011

salam habibati,a3touni wasfa biscuit rouli.rani syit alf recette makharjt .merci

حبيبتي جربت وصفة ام انس وام أماني وام كوثر وناجحين كامل مع انو عمرو لاصلحلي من قبل الرولي
الرولي السر تناعو ليس في الوصفة وإنما باش يصلح لازم :
* مايكونش فيه خميرة او فيه كمية قليلة
* مايكونش فيه زيت باش مايتكسرش
* ماتخليهش يطيب بزاف باش مايتكسرش كي جي تروليه
* درجة الحرارة اللي يطيب عليها حوالي 150° حذاري مالازمش يتحمر راهو رقيق من بعد ينشف ويتكسر كي تروليه ويطيب فقط 10د لا اكثر
* منين تخرجيه وهو سخون تقلبيه فوق ورق زبدة مرشوش مليح بسكر ناعم باش مايلصقش في الورق وهو سخون تروليه وتخليه يريح مدة ربع ساعة على الاقل ومن بعد تحليه وديريلو الكريمة وتعاودي تلفيه
إذا محتاجة روابط نعطيك

[إلهام07]

المشاركة الأصلية كتبت بواسطة jojo dj

صباح نور انا عندي عدة اسئلة هههه اليوم وغدوة هههه 1.كيفاش نحتفظ بالبسباس في المجمد نستعملو للحريرة في رمضان والجزر عندي كمية كبيرة كيفاه نحتفظ بيها والمشماش في المجمد يعني يكون conserve مش confiture الف شكر على الفكرة

اختي عمري لا جمدت البسباس بصح شفت من قبل عدة مرات طرق تجميد الخضار وصالحة لكل الانواع وهي انك تنظفي الخضار نتاعك وتقطعيها وتحطي ماء يغلي
كي يغلي مليح دخلي الخضار نتاعك مدة 5د بالتمام وعاودي خرجيهم وقطريهم ونشفيهم مليح وحطيهم في علبة او كيس محكم الاغلاق وغلى المجمد
المشماش كونسارف ديرو ماما عادي خلاص طيبي شاربات عادي كيما اللي تعرفي كيلة ماء مع نص كيلة سكر وممكن تنقصي شوية في الماء إذا حابة السيرو يكون شوية ثقيل كي يطيب ويعقد السيرو وهو يغلي تحطي فيه المشماش نتاعك 5د وطفي وحطيه في علب وإلى المجمد
صراحة مايعجبنيش بزاف لانو مانحبش المشماش وخاصة انو خارج من المجمد كي يتنحالة التجميد يرجع طري ممكن تحتفظي بيه في الثلاجة باش يحافظ على اللون والقوام نتاعو بصح مايطولش بزاف يعني شهور جربي كمية صغيرة وشوفي

[بصيرة2]

السلام عليكم
شكرا لصاحبة الموضوع ولكل المشاركات معها
طلبي هو احم احم
عندي ختي تتوحم مسكينة وبغات تارت الليمون كاين بزاف ليتارت في المنتدى لكن بغيت تعطيولي وحدة مضمونة وناجحة
ونعرفو المراة الحامل ما تاكلش البيض ما شي طايب اعطيولى ووصفة نتاع ميرانغ طايب او نقدر نعوض الميرانغ بالشانتيي وشكرا للجمييييييييييييع مع تحياتي

[استحسان]

شكرا على التجاوب بارك الله فيك.

[ام التوائم]

والله فكرة مليحة بارك الله فيك

[زينب 83]

تارت الليمون

https://www.djelfa.info/vb/showthread.php?t=1474864

و اكيد تقدري ديري الشانتيي

[mojab]

فكرة هايلة بارك الله فيك زينوبة

[jojo dj]

الف شكر الهام ربي يخليك ويعطيك ماتتمناي

[بصيرة2]

شكرااااا اختي زينب 83 الله يجعله في ميزان حسناتك

[أنا هي]

المشاركة الأصلية كتبت بواسطة ام ورود

شكرا على هده فكرة المفيدة اختى،وحبيت نسال عن شيئين ا
الاولى وهى طريقة حفظ الفرولة في الثلاجة،لانى جمدتها مباشرة لكن لما جبدتها باش نستعملها رجعت ش صالحة
الثانية حبيت وصفة خبز الفوكاشيا ناجحة ادا كاين لجربوا وشكرا،وانا بدورى الا عرفت حاجة رانى نفيد خواتاتى.سلام

تفضلي اختي الطريقة

https://www.djelfa.info/vb/showthread.php?t=1607981

مانعرف إذا البنات افادوك ولا مازالك تبحثي ع الطريقة

ان شاء الله تفيدك

[heaven's road]

السلام عليكم
شكرا لكي اختي زينب على فكرة الموضوع و ربي يزيدهالك في ميزان حسناتك ان شاء الله و على فكرة انا من متتبعي مواضيعك القيمة و اشكر ايضا جميع الاخوات لي راهم يجاوبوا على الاستفسارات
راني عندي استفسار حول تحلية ارونجينا للاخت اسمهان 79 حطتها الاخت عازفة الناي في وصفات حراير الكوزينة


و حطت الوصفة تاعها لكن ما فهمتهاش ممكن توضحوهالي خاصة الكلمة لي بالاحمر
عملت لتر عصير ارونجينا ضفتلو 6 م ك نشاء 3 م ك سكر وفاني
قسمت على زوج وطيبت الاول على النار حتى عقد فرغتو في ليكوب
حطيت قطع من البرتقال في الوسط ثم عقدت النصف الثاني وفرغتو عليه وزينت بقشور البرتقال وريشات نعناع و ممكن تعمليه يعصير رامي او اي عصير عندك واي ذوق تحبيه


ايضا عندي استفسار ثاني و هو عن الطريقة المعتمدة تاعكم في تحضير السردين المقلي حبيت نعرف واش تحطوا في التتبيلة و الطريقة باش نغير شوي في طريقتي

علبالي كثرت عليكم و شكرا مسبقا على الاجابة

[maram mery1]

المشاركة الأصلية كتبت بواسطة إلهام07

وععععععععععععع ماتقدريش تبدلي السؤال راني نظل نجاوب فيه حتى كرهت الجواب طويييييييييييل وجدي روحك :

حبيبتي انا ندير عيني ميزاني البارح برك وانا نخدم فيه شوفي :
أنا ندير العكس نتاع الاخوات يحطو السوائل ومن بعد يلمو بالسكر الناعم لالا انا نحط السكر ( لانو على بالي من قبل قداش نحتاج سكر مثلا باش نقلاصي حوالي 80-90 حبة تشاراك نحتاج 2 اكياس سكر نتاع المرجان نتاع 700غ )
1- نغربل السكر في ماعون واسع
2- نضيف المكونات الجافة : ملون ابيض نوعية مليحة غبرة إما نتاع الميزان او نتاع العلب نتاع تونس هذي الخطوة ضرورية حتى لو رايحة نلون من بعد بالازرق لازم نحط الابيض اولا باش اللون مايجيش من بعد باهت ( ممكن تستعملي ملونات نتاع الجزائر الرخيصة غير الابيض ماكانش معاه اللعب لازم نوعية مليحة )
+ نضيف شوية مركز ماء الزهر على شكل غبرة (كيما تحبي هذي اختياري لكن انا ديما نحط )
* نخلط المكونات الجافة مليح ثم :
3- نضيف السوائل : بياض بيضة تضربيه بالشوكة + فنجان صغير زيت + نفس الكمية ( يعني فنجان صغير ) عصير ليمون ( ممكن تستغناي عليه لكن راهو يعطي طعم روعة تحتاجي لزوج اكياس سكر 2عصير حبات ليمون كبار ) + نفس الكمية حليب + نفس الكمية ماء زهر سائل
4- نجمع السكر على شكل عجينة وإذا ماتلمتش نضيف شوية حليب ونكمل بعصير الليمون او ماء الزهر إذا مادرتيش ليمون حتى تتلم عجينة نعجنها مليح ونديرها في كيس ونخبيها في الثلاجة مايصرالها والو ووقت ماحبيت نخدم بيها :
* نجبدها ونضيفلها عصير ليمون او ماء زهر + ملون باللون اللي حبيتي ونخلط بيدي مليح باش مايديروش فيها فقاعات
* كيفاش نعرف باللي وصلت للقوام المطلوب نهز شوية بالمغرفة ونسيح إذا هبط على شكل ساءل مايتقطعش معناها جاري زيديلو السكر الناعم المغربل وإذا يتقطع ولكن بصعوبة معاناها ثقيل زيديلو شوية عصير ليمون او ماء زهر غير بالشوية لأنو يجرى ثم ثم
وإذا يتقطع ولكن بسهولة معانا راهو مليح زيدي جربي أقلاصي حبة ماشي مليحة ماجربيش في حبة مليحة وشوفي إذا عجبك كملي
فقط قبل ماتقلاصي بيه أخبطي الصحن مليح باش يخرجو فقاعات الهواء من القلاصاج نتاعك
حقة انا عادة نوجد اشكال عجينة التزيين قبل مانبدى نقلاصي كي نقلاصي الحبة قبل ماتنشف نلصقلها الوردة باش تحكم مليح وماطيرش
نخليه ينشف ونظفو من تحت بسكين باش جي خدمة متحوفة ومن بعد نرسم عليه اشكال ونديرلو لماع ضروري جدا اللماع
وخلااااااااااااااااااااااااااص :d

الله الله عليك ا الهاموا واش راح انقولك قمة الاتقان جاري التطبيق باذن الله
هههههههههههه تعيشي و تاخدي غيرها اللي جايك اعظم اصبري علي و اخيرا احكمتك
على قد ما تكون ردودك او مواضيعك طويلة على قد ما نستمتع في قراتها كااااااامل
و لمعلوماتك طبقتلك الكثير و النصائح تاعك الله يبارك ف الحلويات النقاش تاعك لا يعلى عليه
المهم رب يجازيك عنا كل خير
سلاميييييييي

[saja hamed]

صباح الخير حبيباتي حبيت تساعدوني عندي عجوزتي وسلفي راحو للعمرة وحبيت نعمل ليهم القاطو وحبيت تعطوني انواع تاع صابلي يكونو بريزونتابل وواحد محشي ولكم مني خالص التقدير والاحترام

[دائمة الشكر]

صباح الخير اخواتي راني حابة رابط صابلي تاع ليزا ولكم جزيل الشكر