***Stayfiya Mission *** - الصفحة 10

crono · 2015-02-01, 16:58

السلام عليكم يالبنات واش درتو فيها سمحولي لبعتولي الباترون طولت باش نبعتهم لأخت سطيفية كان عندي انقطاع النات

crono · 2015-02-01, 17:00

اقتباس:

المشاركة الأصلية كتبت بواسطة *منى*

انا زعما درت الباترون بصح مانيش قادرة نحمل الصور

حمليهم بهذا الرابط
https://www.up.djelfa.info/index.php

*منى* · 2015-02-01, 17:09

يااخت كرونو هدا ثاني محمليش الصور

crono · 2015-02-01, 17:12

راني بعت الباترون تع الاخوات ندى قدور faiza2008 وشابرمحمد الى أختي stayfiya

باسم وبيسان · 2015-02-01, 17:12

اقتباس:

المشاركة الأصلية كتبت بواسطة *منى*

مركز تحميل الصور محبش يحملى الصور واش ندير

https://www.up.djelfa.info/

crono · 2015-02-01, 17:13

اقتباس:

المشاركة الأصلية كتبت بواسطة *منى*

يااخت كرونو هدا ثاني محمليش الصور

جربي هاد https://www.gulfup.com/index.php?X-Pr...d804:confused:

*ام عبد الكريم* · 2015-02-01, 17:13

اقتباس:

المشاركة الأصلية كتبت بواسطة *منى*

مركز تحميل الصور محبش يحملى الصور واش ندير

شوفي يا اخت منى مع الرابط الي حطاتو الاخت كرنو و اذا مصلحلكش شوفي مع الصور بلاك كبار بزاف نقصي فيهم

faiza2008 · 2015-02-01, 17:35

اقتباس:

المشاركة الأصلية كتبت بواسطة *منى*

يااخت كرونو هدا ثاني محمليش الصور

l

منى جربي هذا،حملي منو
https://www.0zz0.com/

تقوى اماني · 2015-02-01, 18:04

سطايفية راني هنا رانني مالقيتش الدرس كيف احصل عليه
راني مازلت ما نعرفش لادوات البحت مليح

موجو جوجو · 2015-02-01, 18:53

السلام عليكم
واش راكم لبنات
بديتو ولا والو
اليوم فصلتها و قلت نديها للخياطة تسورفيهالي،لقيتها غالقة

موجو جوجو · 2015-02-01, 19:16

اقتباس:

المشاركة الأصلية كتبت بواسطة باسم وبيسان

صباح الخير لبنات واش كاش مادرتووو فيها ومازلتووو كى حالتى

مساء الانوار، فصلت و بسسسسس

اقتباس:

المشاركة الأصلية كتبت بواسطة racha2010

السلام عليكم ...صباح الخير يا لبنات وا ش راكم .

..انا هذا وين كملت الشغل انتاع الدار و رايحة على بركة الله نبدا نفصل

...اختي فاطمة ربي يشفي لك زوجك التكسرة مهيش حاجة سهلة سورتو في رجلو اتهلي فيه ...واش راهي بيسان يا ام باسم نتمنى تكون ارتحت ....اتمنى لكم كامل عمل موفق تحياتي

رشا سوووور كملتيها دوكا ،

اقتباس:

المشاركة الأصلية كتبت بواسطة باسم وبيسان

صباح الخيرسطايفية روووحى حبيبتى لخدمتك نزيدووو نديرولك مشكل
رشا يسقسى عليك الخير انا فصلتووو وخيطت ليبانس جيت ندير سرفيلاج

مالقيتش تاع المشينة السرجى

ديبانيت بيه جارتى وماجبتهوليش وانا نسييت عليه لازم حتى يسرح باسم على 11.30 ياخى عطلة ياخىىى

[quote=باسم وبيسان;3992624744]احمم احم احم هكاك سطايفية حبيبتى طلعيلى المرال ههههه

[quote]

انا مازال ماخيطت والو
راه عندك الماتريال الله يبارك
ماشي كي حالتي الماشينة الكحلة و ما ادراك

اقتباس:

المشاركة الأصلية كتبت بواسطة ام رشدى

لبنات وين عدتو في خدمتكم انا والحمد لله خدمت ليبانس ولصقت الطرف انتاع خمسة سونتمتر مع لادوبلير ولصقت لادوبلير مع لاجيب لبنات اسكو نزيد نعقب لخياطة بعد مالصقت لاجيب ولادوبلير يعني كي نقلب لاجيب على الوجه انتعو ولا نحدد فقط راني نستنا في الجابة منكم ولا اختي سطايفية

اله يبارك ،راكي كملتيها
و الفكرة تاع الخياطة على وجه الجوب نظن لازم ونزيدو نأكدو من سطايفية

اقتباس:

المشاركة الأصلية كتبت بواسطة باسم وبيسان

لبنات انا جاونى الضياف
ماعندي حتى خياطة يالمنعاش لغدو نروووح ندرلهم لعشاء

لكان قدرت ساعة ساعة

ربي يكون معاك

اقتباس:

المشاركة الأصلية كتبت بواسطة polyma

لحقني الواجب المنزلي الصحة يا استاذة الشرح في القمة
قيرب مكليت روحي من براح الترسيتي رحتنا حت دورك باش جات
اذا ربي كتب نخدم البترون و القماش نفصل وين جات

ربي يعاونك

اقتباس:

المشاركة الأصلية كتبت بواسطة crono

السلام عليكم يالبنات واش درتو فيها سمحولي لبعتولي الباترون طولت باش نبعتهم لأخت سطيفية كان عندي انقطاع النات

و عليكم السلام
رانا عقابها

*ام عبد الكريم* · 2015-02-01, 19:22

اقتباس:

المشاركة الأصلية كتبت بواسطة ام رشدى

لبنات وين عدتو في خدمتكم انا والحمد لله خدمت ليبانس ولصقت الطرف انتاع خمسة سونتمتر مع لادوبلير ولصقت لادوبلير مع لاجيب لبنات اسكو نزيد نعقب لخياطة بعد مالصقت لاجيب ولادوبلير يعني كي نقلب لاجيب على الوجه انتعو ولا نحدد فقط راني نستنا في الجابة منكم ولا اختي سطايفية

نرمالمو يتخيط من فوق ...مام تحديه مرة اخرى ربما يتحل ماش كيما يكون مخيط ما يتحرك لا هك لا هك

موجو جوجو · 2015-02-01, 19:29

اقتباس:

المشاركة الأصلية كتبت بواسطة nacer74

السلام عليكم حبيبتى سطايفية إسمحيلى رانى كنت حابة نكون معاكم لكن للاسف الزوج تكسر من رجلو والغاشى يدخل ويخرج ورعاية المريض لازمها الوقت نستسمحك حبيبتى راح نخلى بلاستى لوحدة أخرى بالتوفيق وفى ما يخص الصور الى كنت ناوية نعملهم ورشة لعبلى ولدى بالكارت مموار وخربلى كامل الملفات المخزنة فيها وقالى والله ما نى بالعانى ماما سامحينى غاضنى الحال غير على تصاور الورشات من عيد الفطر وهوما مسجلين باه نبعثهالك من أياماتها خسر الميكرو قريب شهر وهو عند الصلاح وكيى جاء الميكرو خسرت الورشات للاسف ذرك عندى قماشات راح نخيطهم ونصور المراحل ومن بعد نعملوهم ورشات كسرتلك راسك حنونة بالتوفيق وإدعو لزوجى بالشفاء العاجل حبيباتى آه إسمحولى رانى دخلت بإسم زوجى غير كى كملت الرسالة وبعثتها لقيت روحى نكتب بإسمو أنا رانى fatma1977

ربي يجيب الشفاء ان شاء الله، جربت الراجل كي يتكسر ، ربي يكون معاك فطوووم
خسااارة ماكيش معانا

اقتباس:

المشاركة الأصلية كتبت بواسطة stayfiya

الحمد لله ام محمد هيا غيير ابداي راح الحال

هاذ الدرس يساعدك ختي
https://www.djelfa.info/vb/showthread...post3992348621
وربي يرزقك كل ماتتمناي

اهلااا فطوووم وانا نقول شكون ناصر ؟؟ ديما نلقا الردود نتاوعك باسمو. ربي يشفيهولك ختي و حنا رانا نتعلمو و ماشي محتمه على اي واحد المهم ربي يجيب الخير و نتي ثاني وحده تعلن انسحابها بعد ام محمد تاج. ياريت الباقيين يعلموني باش نحيهم من لاليست

اوالله انا بعثتلها و مادخلتش

ياختي ام معاذ اصلا مابعثتلكش الدرس اذا متأكده تكملي قوليلي و من ضك غير ابداي في جيب صغيره ولا كبيره واش قصدك تغيير طفيف؟؟

صبااح الانواااار ام باسم واشراهي بيسان ؟ البارح خليتكم مع البصله و العسل مع جوجو هيا اكتيفي خيتي

مليح لانو راه علابالو ووصيتو يدخل يبعثلي الباترونات
ياريت يلتحقو الباقيات. تقوى اماني و ام معاذ اثبتولي رواحكم نبعثلكم الدرس هياااا
انا علابالي يجيبوني برا مخلية الخدمه و راني نشايخ

صحيتي سطوف راكي فالخدمة و تخمي علينا

*ام عبد الكريم* · 2015-02-01, 19:31

انا را ني خيطت les pinces et la doublure و لاصقتها في لاجيب و غدوة نركب la fermeture éclair و نكمل لخياطة
عندي اولادي لازم نستظهرلهم و الا راني كملت ...و لكن الاخت سطايفية اعطتنا 4 ايام لازم نستغلوهم و غير بالعقل باش يجي لاجيب متقون

ام رشدى · 2015-02-01, 19:42

اقتباس:

المشاركة الأصلية كتبت بواسطة racha2010

نرمالمو يتخيط من فوق ...مام تحديه مرة اخرى ربما يتحل ماش كيما يكون مخيط ما يتحرك لا هك لا هك

اختي راني خيطتو لانو ماقدرتش انكمل الخدمة والله ياختي ركبت لافاغميتير وخلصت لاجيب وفرحت هديك الفرحة ومبعدا قيستو جاني عريض شوية ايبا عاودت حليت الخياطة على الجناب ومازلت مادرتلو والوينقص من الجناب ب//2cmلانو كي اخدت المقاسات كنت مرتدية روب قطيفة نورمالمو نكونو لابسين حاجة خفيفة والي مازالو ماخيطوش يتاكدو من القياسات لانو لاجيب تكون سير ميزير وربي يعاونكم