القرصة أو البغرير من أروع ما يكون ادخلي واحكمي

بنت الطيب · 2015-01-25, 14:36

السلام عليكم أخواتي الحبيبات
عندي مدة وأنا حابة نحط وصفتي للقرصة كيما نسموها في الشرق أو البغرير في بعض المناطق الأخرى وعارفة أنو المنتدى فيه اكثير من الوصفات لكن صدقوني رايحين تعتمدو هادي الوصفة لأنها ممتازة وسهاة ونتيجة تجربة سنوات يمكن أكثر من 5 سنوات المهم راني صورتلكم الطريقة بالتفصيل الممل حتى المبتدئات يقدرو يطبقو مع كل الأسرار اللي توصلت ليها فقط دعوة في ظهر الغيب لأسرتي ووالدي بارك الله فيكم
نخليكم مع الصور والشرح

نخلط المقادير كاملة بالماء الدافي ونخلي فقط البيض والخميرة تاع القاطو للأخير

نفرغ الخليط في الميكسور أو ممكن تخلطو بالرجل اللي وحدها العجينة تكون شوية مرخوفة وحذار تحرقو الميكسور تاعكم وتبقاو تزيدو في الماء حتى تولي تتخلط عادي خليوها تتخلط ومن بعد حبسو غطيوها كيما راهي تطلع ثم زيدو خلطو شوفو الصور

في هاد المرحل نزيدو البيض والخميرة نفرغوها في صحن ونخليوها تزيد تطلع شوية وترتاح وما ننساوش الطاجين راهو يسخن قبل ما نبداو يعني هو أول حاجة نديروها

هنا كي خمرت

وننطلق على بركة الله في الطياب والنار تكون متوسطة
ملاحظة خليو العجينة خاترة شوية ومن بعد كل واحد يزيد حسب الرغبة أنا جربت وحدة صغيرة في الطيبا وما نحبهاش خشينة زدت الما وخلطت مليح بالملعقة وكملت

واستمتعو بأحلى قرصة أو بغرير مثقب ماشاء الله

وشوفو هنا من الخلف أيضا فيه ثقوب

أتمنى اني كفيت بالشرح أخواتي لا تنوسوني من صالح دعائكم بارك الله فيكم